二五中環 萬南 拆售車場 炒家贏爆廠
1 :
GS(14)@2016-11-28 00:06:36http://www.metrodaily.hk/metro_c ... %e6%98%8e%e6%b4%9e/
政府推出「加辣」招數抗樓市，住宅成交即時急凍，相反車位買賣因為不受加辣影響，資金湧入去掃貨，搞到價格唔夠一個月就急升接近兩成，升勢真係好誇張。呢一浪最大贏家當然係資深投資者，事關早幾年地產商嫌車位收租的回報唔Sexy，所以陸續將車位拆售，有啲地主嫌麻煩，又要分幾巴仙佣畀經紀，索性平少少，選擇一炮過賣畀實力炒家。
炒家眼見車位不斷升值，再篤吓計數機，有啲原來已經倍升，基於「有食唔食，罪大惡極」嘅原則，於是拆細發售，之前更會多做一個步驟，就係大幅加租，藉此粉飾回報率，令買家覺得扺啲。有律師朋友話，單係呢浪搞拆場已忙到嘔白泡，個個炒家心態係即牙膏式放售，愈拆就愈貴。