ZKIZ Archives


【懶人救星】90後獨居模特兒最怕做家務 實試上門執屋洗衫app

1 : GS(14)@2016-09-29 08:06:38

家務助理用app都可落單,對年輕人來說,比打電話更易。



在家千日好,不過也有很多煩瑣家務要處理,執屋、洗碗、洗衫、換床單,呢幾個字聽到睇到都覺得攰。除了跪求偉大萬能的母親幫手,近年上門服務都玩智能化,例如家務助理、洗衫都有app幫手。模特兒黃家慰(Candy)工作時間不定,加上纖纖弱質最怕換床單、抹窗等體力勞動,有諗過搵鐘點執屋,但典型90後乜都唔識,搵佢試用懶人上門app就最啱。今次測試喺三個鐘之內,試齊家務助理和洗衫app,睇吓app同傳統上門服務會唔會有咩大分別。



先講家務助理app,試過幾款同類app,《好當家》內容其實只是網頁版簡介,按入登入卻要輸入代碼,用了10多分鐘也不明白如何在app內落單;《家務幫》和《Lazy》兩個app則相對簡單,填好地址和選擇所需服務就可等待回覆,全程不用10分鐘。我們早一日晚上7點分別用兩個app落單,《Lazy》等了1小時左右就收到確認,家務助理姐姐亦會打電話和WhatsApp跟進服務要求,所以決定試用此app。第二日姐姐亦準時到達,工作態度積極主動,1小時多已完成指派的抹窗和換床單工作,之後都有主動洗碗、吸塵、倒垃圾。《Lazy》單次性服務每小時收費基本為105元,最少要3小時,和同類服務收費相約。無論《家務幫》或《Lazy》,家務助理提供的服務也差不多,包括洗碗、一般清潔打掃、洗燙衣服、煮飯、照顧小孩長者等等,都不用另加收費。拜托姐姐購買日用品或買餸則開單實報實銷。Candy覺得用app比傳統方式方便,最大優勢是24小時皆可落單,過程亦都簡單易明,最欣賞是姐姐會親身WhatsApp跟進,服務態度亦算主動,不覺拖鐘。同時一起試洗衫app,目前市面約有4款上門洗衫app,磅洗的收費方式全都不分種類,《impressed》和《WashiE》都是提供一個大袋子,塞多少衣服入去都是收$90~99,《Boni》就計磅數,10磅$70。和Candy商量過,通常她會去樓下的自助洗衣店,每次花$30開兩機洗30分鐘,所以選用了收費較便宜的《Boni》。早一日落單,收衫和送衫時間也可自行選擇,由早上11時到晩上11小時,過程需時一至兩天。收衫哥哥準時上門,不過收費要到收衫後才可在app內確認,我們也在收衫後才發覺每張單也有$168最低消費,雖然最低消費在網站內的FAQ有提及但並不顯眼。送衫時間準時,全都乾好、摺好,Candy覺得服務質素毋容置疑,但收費較貴,而且女生也不習慣把衣服交到洗衣中心,自己看着洗比較放心,而自己居住的地方也剛好有平價洗衣店,一般日常洗衣Candy還是偏好到自助洗衣店,可能乾洗才會選用app。記者:司徒港燊攝影:許先煜


提供的服務有明碼實價列出,亦可選購勞工保險。根據《僱員補償條例》及普通法,僱主需要對家務助理因工受傷或死亡作出賠償,就算你沒有選購app內的勞工保險,法例上僱主要為家務助理購買勞工保險,唔慳得。

市面上已有多款上門洗衫app,《Boni》新界、九龍、香港都會去,但偏遠地區可能會額外收費。

較適合拎衫出去洗都嫌麻煩大忙人,就算無人在家也可和服務員溝通在門口交收。


模特兒黃家藯。



來源: http://hk.apple.nextmedia.com/su ... t/20160929/19784874
懶人 救星 90 獨居 模特兒 模特 最怕 怕做 家務 實試 上門 執屋 屋洗 洗衫 app
PermaLink: https://articles.zkiz.com/?id=310617

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019