選戰年輕力量 重燃添美村民希望
1 :
GS(14)@2016-09-29 07:56:19【本報訊】一年多前，這裏瀰漫失敗的氣氛，人人垂頭喪氣，茶餐廳老闆娘曹德雪說，就連樂觀如她，亦說像到來悼念失敗了的一場運動，但9.28兩周年的今天，她說感覺卻大不同，像重回那個曾經很美好的添美村，身邊坐着的，都是久未見面的村民，人人鬥志高昂，讓她看到希望。「氣氛同一年多前好唔同，咁多年輕人出嚟選立法會，咁多人投票，令我睇到雨傘運動嘅種子已經萌芽，睇到希望」。人稱Cat姐的她笑得燦爛。握手、拍照，互相問好，Cat姐這天暫時放下茶餐廳的工作，獨個兒帶着500張雨傘海報，來到久違了的添美村，免費派發給參與者。「呢啲海報，係香港畫家孫威軍畫嘅插畫，得到佢同意之後翻印，希望可以派畀年輕一代，就算佢哋未經歷過催淚彈，未參與過佔領運動，都可以貼出嚟，記住呢段香港歷史。」海報上撐着黃傘的大龍貓眼神堅定，但Cat姐直言，亦曾感到失落、迷失。
去年如喪禮 今年展笑顏
「覺得咁多人一齊努力，原來都冇用。」就像無數人一樣，Cat姐曾為夏愨道那87枚催淚彈憤怒得握緊拳頭，又為添美村的守望相助而感動流淚。雨傘運動開始不久，做小本生意的她，每日將數百個飯盒送到金鐘及旺角集會區，讓集會人士醫肚，雖然讓她損失慘重，但卻從未後悔。因為一場選戰，重燃鬥志的，還包括穿着校服，放學後一個人仍堅持重回添美村的中四學生楊同學。自言傘運後更關心社會，矢志做記者的楊同學說，「我身邊嘅同學都話嚟都冇用，但我覺得唔係咁樣」。除了香港人，傘運期間一群少數族裔人士，每晚都會拉起橫額走訪各個佔領區，為佔領留守者打氣。他們更組織「黃傘下的色彩」群組，鼓勵更多少數族裔人士關心香港。組織成員Jeff Andrew說，去年傘運一周年，大家都感到灰心，「好似去咗funeral（喪禮），大家都好唔開心」，但今年大家都重展久違的笑容，連續兩場選戰，掌心雷等手段都不敵香港人熱心投票的選票力量，令香港人重拾自信。■記者呂麗嬋
來源:
http://hk.apple.nextmedia.com/news/art/20160929/19785498