公開嘅秘密韓媒評選整容最多女星冠軍係......
1 :
GS(14)@2016-09-28 05:04:30韓國整容風氣旺盛，唔止普通人，就連藝人都會為咗再靚啲而去整容。雖然韓國藝人中都有零整容代表，不過其實都有唔少藝人曾經整容，就好似女星Jessi、被指撞臉「國民初戀」秀智嘅女團I.O.I成員鄭采妍等都整過容並大方承認，不過就唔係個個都咁有膽。據《新浪娛樂》引述，近日有韓媒以「整容最多嘅女星」為題進行排名，被評為整得最多嘅女星係曾拍攝韓劇《甜蜜的人生》嘅44歲女星尹賢淑，而佢之前出演綜藝節目時亦曾經承認自己割咗3次雙眼皮，當時佢講過：「以前好唔鍾意自己個樣，曾經去面試考做演員但失敗，當時認為係因為自己唔靚而考唔到，所以就去咗割雙眼皮。而且醫生手勢好好，完全唔明顯我有整過。」另外，尹賢淑於4年前出演《Happy Together》時又認自己整咗正顎手術，不過佢就表示係因為顎關節炎不時感到疼痛，最後先透過正顎手術解決問題，但事實係點真係尹賢淑先知。而韓媒評點嘅第2名至第8名分別為30歲《Remember-兒子的戰爭》朴敏英、34歲《來自星星的你》劉仁娜、女團T-ara30歲成員寶藍、T-ara28歲成員素妍、32歲《大話妹》李多海、女團After School25歲成員NaNa及女團少女時代27歲前成員Jessica。
來源:
http://hk.apple.nextmedia.com/entertainment/art/20160928/19783885