網友留言嗌回水 《江湖悲劇》正評VS負評
1 :
GS(14)@2016-09-06 04:42:19《江湖悲劇》有觀眾睇到中途離場，網上嘅負評又一大堆，但係，點都會有啲正評嘅，依家同大家睇下套電影嘅正評同負評。負評:「買飛入場嘅朋友系時候反省一下點解你會睇這部電影？除咗電影贈券之外可唔可以俾個其他理由我？譚詠麟好耐冇電影上映？想睇陳小春？想睇伍姑娘？又係話支持香港電影啦？我只有一個原因想睇一部電影可以爛成點？」「改錯電影名應該叫電影悲劇！電影完全冇中心思想，全部都係即都唔識笑嘅笑話，一大班過氣仲要唔識演戲的演員，由一個唔識拍電影已經去咗電台做嘅過氣電影導演執導，入得場你哋仲期望乜嘢？天時暑熱好好瞓一覺啦。」「睇咗就真係悲劇，20幾歲睇過最無聊嘅戲！完！」「套戲有如垃圾桶，垃圾導演、垃圾演員聚在一起⋯金錢、時間全浪費。」「港產片點解會死？睇完江湖悲劇明白晒。」「邊個onX拍㗎X你老X，除咗onX我都唔知用咩去形容，嘥時間嘥錢嘥精神。」「打手比番啲良心啦唔該，呢套唯一可取就係可以挑戰自己既忍耐力。」正評:「港台主持林超榮手法幾過癮，睇完我唔覺太差law。」「戚美珍依然咁靚，之前已經很喜歡她做戲了。整體唔錯呀。」「校長演得好好，都非常感人，一定要看。」「裡面明寸香港公家醫院行政差，ok啦。」「我支持悲劇，因為有我至愛的夏蕙b同四哥。又唔係咁爛姐」電影中係冇見過四哥謝賢嘅，但可能佢講緊另一個四哥。「伍姑娘做得好過癮，十足傻姑娘做大家姐一橡。超可愛。」「主題簡單，但勾起很多香港人的回憶。值得一看。」唔知係正評定係負評：「揾食啫，無謂研究太多，熱鬧笑下嘅港產片。」
來源:
http://hk.apple.nextmedia.com/entertainment/art/20160905/19760738