【網絡紅人新進篇】 大大與小妹 篤吓檸檬獲萬六Likes
1 :
GS(14)@2016-07-09 07:10:33小妹畫過如果自己是隻樹熊，大大就是她的尤加利樹。成天要抱著他。
之前兩集馬天佑跟大佬B的KOL天堂與地獄，不可思議的貼文價錢，對比太貪心差錯腳，太多資料永留網絡恨錯難返。不過都有人一心只想跟網友分享生活點滴，與世無爭，甜甜蜜蜜過日子。
《大大與小妹》的作者小妹，今年年頭才開始在Facebook及Instagram，畫自己跟男友大大的小漫畫。「小丸子」式簡單線條，半年時間已吸引11萬9千個Instagram Followers，同7萬多個FB Fans，Instagram上的 Follower比寸盡天下事Nothing Serious Facebook上的Like數更多。許多漫畫，除累積到15、16萬個Like，同時有過千個留言及分享，互動情況非常熱烈，這樣的成績比好多KOL都要搶眼。我們在茶餐廳，食住早餐做訪問。大大是個高高青年人，小妹則唔夠150厘米高，嬌小比月亮。諗住只來陪坐的大大，默默為小妹的檸茶篤檸檬。呢個「淨係幫我篤檸檬」嘅動作，喺小妹約一個月前的漫畫「我要ge男朋友係……」就攞咗超過萬六個LIKES同1,908個分享與回應，簡直成了暖男基本功。二人無時無刻不互相取笑，如最近貼文的一句對白：「你屁股/肚腩這麼大成何體統。」情侶們極速鬥快互tag爭住認，「我都係！我另一半都有個大肚腩」，快樂地躺著也中槍。寫稿之時貼文只出了四個鐘，就有萬三個like同九百多個留言及Tag。紅到有出版社請她於書展出書且賣精品。到底呢對傻瓜情侶魅力何在？我們電郵訪問了粉絲 CoCo，紅，因為她講出許多拍拖中人對另一半的想像與期待：「好羨慕大大小妹可以咁sweet。我常tag給另一半看，希望讓他多個機會了解我的想法，而他看完都會笑笑，氹下我話下次會做好啲咁。」直頭封佢哋做偶像：「身為一個女讀者，吾多吾少當然會仰慕男神大大la！真的要替小妹開心！」有人話佢哋營造咗理想情侶的形像。女朋友得意嬌嗲，錫住男友銀包，不亂要小禮物；男朋友又處處為女友設想，拿著電話冷戰，電話熱到耳仔都熱埋都不敢切線，怕女朋友發忟掟電話，處處逗她開心等。早陣子有脫毛公司找小妹幫手「畫下關於小妹脫毛既故事」。雖然都有四位數字報酬，但小妹以：「好似唔係好關情侶故事事。」為由推卻了：「如果係電影、咖啡廳、玩嘅地方，都仲可以為香港啲情侶介紹拍拖節目。激光脫毛真係唔係好關事，感覺怪怪咁，所以索性唔接了。」喂為凡人表達心聲，堅持自己認為適合的事，成為大家心中理想男女友的典範，仲要搵埋拍拖資訊俾大家，仲唔係真正的Key Opinion Leader( KOL)?記者：陳慧敏攝影：林栢鈞
最近的「你屁股/肚腩這麼大成何體統。」四個鐘就引來一萬三千個讚及九百多個TAG同分享，係咪證明香港真係好多情侶大肚腩。
小妹頭貼紙$23，Iphone殼$78，將於書展期間開售，當日還會有曲寄，$88。
其實我懷疑班粉絲，係被小妹筆下勁細心的大大迷倒。而大大最難忘係，同小妹電話冷戰時，個電話熱到耳仔好辣的感受。
來源:
http://hk.apple.nextmedia.com/su ... t/20160709/19687563