代理轉做地盤、裝修
1 :
GS(14)@2015-10-30 01:01:59【轉型求存】樓市成交低迷，本月二手成交更有機會只有二千宗的歷史新低，地產代理深受其害。目前全港有逾3.7萬名持牌地產代理從業員，即平均18人爭一張單。業界預期明年農曆年前會有三成經紀轉行。一名不願透露姓名的豪宅區代理直言，樓市僧多粥少，他身邊不少代理朋友已轉行，「好多都係轉行做返sales，賣電話又有，做保險又有，女仔通常賣吓衫。」有些就趁近年建造業好景，轉做裝修及地盤，「都有千四、五蚊一日人工，但佢哋話晒做開地產，着慣西裝，驚畀人笑，唔想畀人知。」但他認為，現時零售又衰，百業蕭條，「轉乜都死」。
中原料本月蝕二千萬
他又指，大行底薪是很低，「中X最低人工，得5,800至5,900元，美X叫做好啲，但都係得7,000元。」靜市下，近期不少大行經紀跳槽過檔細行，原因是細行底薪高，例如近期新成立的內地代理公司，底薪高達1萬元。「繼續做落去都係冇單開，點解唔去細行，當做洗碗，呃番三個月底薪都好。」中原陳永傑指住宅部每月成本1.5億元，暫錄約1.2億元收入，本月有機會勁蝕2,000萬元。中原會採取自然流失策略，未有裁員計劃。利嘉閣廖偉強指，公司上月有數百萬元盈利，本月料可收支平衡。
來源:
http://hk.apple.nextmedia.com/financeestate/art/20151029/19351506