呢兩日有人辨論期權, 我去錯左地方, 原來主角係金曹, anyway, 我好少認真寫野, 怕太認真會害左d過路人, 以下兩個回應係我在twohitsix blog寫的, 基本上我是反對好人好者走去炒衍生工具的人, 股海已是無涯, 衍生市埸更是萬丈深淵..
(回應一)
你的道理很對, 有人做covered call當收租又,有人沽put可以低價接貨, 但現實中好少咁完美
假設上月你沽hsbc put, 俾你賺到權金但比起直買正股我怕要賺少幾倍, 低價接貨亦未必係好事, 好似hsbc年初咁free fall, 唔係話唔斬得, 但一心低價接貨多數都坐係度硬食, 因為free fall時溢價好多時令人斬唔落手, 到期日已是高價接貨.
期權本身係高風險玩意 (covered call 除外), 本身設計冇可能令人咁易賺到甜頭. 好多人賺10次唔夠1次意外, 更多人做來做去也只有微利. 我唔知點解要收錢教人做期權, 呢家野好易學, 我教人唔洗半個鐘講完, 但要臝大錢就必須靠程式, 投行一套交易程式隨時用過千萬美元做, 全憑計數, 散戶冇可能操作得咁完美亦冇咁多數劇係手, 所以期權市埸根本係投行天下, 上兩年許xx也以為自已發明一套必賺期權交易程式, 點知俾人一鋪k.o. 佢, 咁既例子仲有好多.
我睇法係,對散戶而言, 期貨期權只可以當係遊戲, 玩下無妨, 但絕不可以當係主要投資工具, 想靠炒發達不如炒期指或垃圾股, 想投資不如直買正股安安份份坐係度 , 期權係夾係兩者中間的產品, 細細注冇乜肉食, 大大注又怕輸身家
(回應二)
半個鐘講完係對d完全唔識股票既人而言, 識既我怕10分鐘都多.... 你試下免除9成人識左都冇用既計價模式, 再除埋識左9成人做左會精神分裂既期權花式, 再省下多餘的估市理論, 只剩下四樣要講, 有貨short call,想買平貨short put, 冇咁多錢買貨long call,睇淡long put, 簡單又唔會害死人.....真正既炒家唔洗教, 普通人識得多過呢四樣都9成會輸