名人筆記簿：李超人幾點返工 積神
1 :
GS(14)@2013-06-25 01:02:50http://www.sharpdaily.hk/article/sup/20130624/206392
上次講過，話超人李嘉誠近年生活習慣有改變，究竟係乜習慣呢？答案就係返工時間。
大家睇得報紙雜誌多，可能最有印象係誠哥會朝朝早六點就出門，先去打高爾夫，然後至返工，通常返到公司都係七點幾，不過，呢幾年好似有所轉變。
誠哥仲有冇日日打高爾夫我就唔知，但係聽講佢已經唔係經常都咁早返工，如果唔係要開會，通常十一點至出現。至於放工時間，誠哥會下晝四點幾五點走人，唔會開OT。
仲有，誠哥上咗70樓嘅辦公室之後就好少出去，連晏晝餐飯都唔覺佢出街食，都唔知誠哥辦公室係咪有埋廚房，有人煮飯過佢食。其實誠哥年紀有番咁上下，要注意飲食，有專人打點吓一啲都唔奇，唔通要誠哥叫外賣醫肚咩！
除咗飲食，誠哥keep得咁好，多少同佢勤做運動有關，傳聞長江中心頂樓有個私人泳池，方便誠哥隨時可以游水，不過以前七點幾返去，就大把時間啫，而家返咁晏，仲邊有時間游吖？