好不主席：東主有喜
1 :
GS(14)@2012-08-16 11:41:29http://hk.apple.nextmedia.com/financeestate/art/20120816/16608847
編按：金融中心一週年誌慶，盧主席自行迎（唔係盈）喜，休息一天，由其小秘（書） Joycelyn代筆。
去年噚日，一向過度活躍、又唔食藥，成日喺公司幾層辦公室好似「實蕉」咁巡樓嘅老細，忽然在下午茶黃金時段關上房門，低頭沉思，不時手篤篤部智能手機，似是向外發訊息，又似是記下一些重要事情，房內氣氛似乎好沉重。譁，唔好話臨放工先嚟發通告呀！我已經約咗啲朋友飲嘢。等等等，卒之放工時間，正準備急腳閃人，老細忽然打開房門，然後煞有介事地問我︰「 Joycelyn，煞有介事個「煞」字點寫呀？」係咁之嘛，你試嚇要我留低再做其他嘢，我一定寫個「殺」字畀你。
主席口沒遮攔 得罪人多
之後，就幾乎每日都係咁，一到四點幾五點，佢就好似上咗身咁，做其「隱蔽男」，失驚無神就問我呢個字點寫，嗰句成語又係咪咁，仲成日有啲粗俗用語，如果我唔係睇開蘋果，都真係幫佢唔到。好多同事都問我老細搞乜，我呢啲咁醒嘅秘書又點會露口風，查實係我都唔知。
直到有次佢出差，返港前喺機場打電話畀我，嗌曬救命話部手機就嚟冇電，然後叫我趕緊開咗佢部電腦，打開某個存檔，搵到其中一篇文，佢就開始一輪嘴咁口述要我幫手筆錄，將嗰篇文略加潤飾，再送件出去，我淨係留意到其中一個收件人姓「 TSOI」，英文名就係「 Tony」。第日佢一返到公司就叫咗我入房，再而和盤托出。佢份人冇乜好，就係講大話嘅水平同啲高官不相伯仲，不過貴在自知，所以一有乜事就坦白從寬。
其實寫專欄啫，又唔係搞明星（係就好啦，起碼有料爆畀人聽），使唔使咁神秘呀？我心忖。仲要隱姓埋名，九唔搭八咁用埋乜「盧先亞」做筆名？不過睇多幾篇，諗深一層就心中有數，佢都真係好唔妥，寫嘢同佢平時講嘢一樣，都係口沒遮攔，正是「得罪人多，稱呼人少」。其實佢對家陣啲政治人物暗諷明嘲，或者對政事時事多多意見，咬牙切齒都冇乜問題，因為全港都喺度鬧，多佢一個唔多。況且要成日返大陸公幹嘅係老細你，而我就淨係會上去揼骨啫。不過你唔覺唔覺就筆伐了唔少政商大人物，做生意求財啫，又唔係求名（係你就出真名啦）求氣，都唔知為乜。總之就唔好搞到公司，仲影響埋我份工。
另外，你又好似同班怪獸家長（無意冒犯，不過跟我老細叫啫）有仇咁，日鬧夜鬧，其實都真係有唔少係我哋公司產品啲顧客，又倒自己米，你睇住我年底份花紅先得㗎！
不過好彩，盧太耐唔耐就會送啲 Facial套票畀我，我生日佢仲（暗地）豪買咗個 BV袋畀我，老細到家陣都仲以為係我男友送嘅。點解對我咁好，我青春貌美就固之然，最緊要係佢都察覺到盧生返到屋企都仲成日拎住部手機篤篤篤，當生疑慮。所以咪囑託我要多加留意，小心實，隨時滙報囉。
有時見到主席佢寫文嗰陣嘅痛苦，我亦有小小不忍，不過一諗到出年又會有個新袋，你就畀心機繼續寫啦！我最多盡曬人事幫你頂咗呢篇。
Joycelyn
2 :
GS(14)@2012-08-16 11:43:48是咪想爆埋你個名先開心呀，唔好扮神祕
http://www.hkexnews.hk/listedco/ ... 019_832841/C118.pdf
王利民先生，41歲，於二零一零年三月十二日獲委任為本公司執行董事及主席。彼為康宏理財服務有限公司(CFS)行政總監及首席策略總監及康宏理財集團有限公司(CFG)非執行董事及主席。彼負責本集團的整體管理及策略性發展。王先生於一九九八年十一月加盟本集團。彼於一九九零年十一月畢業於香港理工大學（前稱香港理工學院），擁有建築技術與管理學高級文憑。彼加入金融服務行業已有20年，歷任多間香港的國際及本地金融公司（包括紐西蘭人壽保險（百慕達）有限公司、鵬利保險（百慕達）有限公司及國民華豐有限公司）。彼於一九九五年九月獲美國壽險管理學會委任為美國壽險管理學會壽險管理師。王先生為香港獨立理財顧問協會有限公司的榮譽秘書。