金融人語：中投 War Room維基解密
1 :
GS(14)@2012-02-29 23:11:51http://hk.apple.nextmedia.com/te ... 307&art_id=16112338
中投 War Room維基解密
維基解密自周一起陸陸續續公佈 500幾萬份解密電郵。我哋搵到當中一封截取自美國智庫組織的電郵，指中國主權基金中投為收購海外礦業，設立了「作戰室（ War Room）」。曾經參觀過作戰室的公關高層話，中投齊備所有出口礦資源到中國的外國公司資料，各行各業仔細分類，仲有部門專責調查公司股東等資訊，方便中投隨時出手買起這些公司。
維基解密截取的電郵，來自美國智庫組織 Strategic Forcasting Inc.（簡稱 Stratfor）。 Stratfor有民間情報局之稱，專門幫商業機構或者政府，監視某些目標、收風，或者做其他唔見光的任務，協助打商業戰。這封電郵由 Stratfor的中國代表撰寫，向總部滙報礦業情報，以維基解密的往績，可信性甚高。
齊備所有外資礦商資料
另外，電郵亦引述一班喺中國從事礦業的外資管理層抱怨。佢哋專門與國土資源部周旋，有一名高層指，其公司早前於大連附近投得某個礦的開採權，辛辛苦苦勘探到礦物，點知被官方以環保原因禁止開採，開採權轉而落入一間中國公司。另一名管理層指，其公司投資了七年為某個金礦搞基建，臨門一腳，竟然被中國拍檔起飛腳。公司被踢出局後，中國拍檔獨霸成個礦開採。佢哋話，中國本土礦業公司經常向當地政府投訴，自己技術輸蝕，未能同外資競爭，結果在政府偏幫的情況下，外資根本無好日子過。
前一期《壹週刊》報道，講到中信泰富收購的澳洲鐵礦爛尾背後，管理層倉促拍板，完全低估了採礦難度、澳洲法規要求，以及澳洲人工等投資成本高企。政治任務差點爛尾，澳洲政府似乎亦有自己的解讀。
冇賄賂 冇 Credibility
維基解密電郵引述澳洲一名前議員講，中國礦業公司貪腐問題嚴重，是中國企業於澳洲礦業舉步為艱的主因。該名前議員分析，主事管理層貪污文化根深蒂固，根本唔相信澳洲的法制，唔信單憑環評報告，就可以順利開採。佢仲半嘲笑、半認真話，若果唔同班中國人講要賄賂邊位官員，佢哋會覺得你冇 Credibility。
2 :
GS(14)@2012-02-29 23:15:15http://ca.news.yahoo.com/bribes- ... eaks-004849267.html
Bribes hold back Chinese in Australia mining: WikiLeaks