利字當頭：免費居所
1 :
GS(14)@2010-08-15 19:49:222010-8-13 AD
今年五月，曾蔭權提出就資助置業進行公開諮詢，不經不覺，時間已過了一半。接近政府消息人士透露，有些收集回來的意見，確實教人大開眼界。據說有意見認為居住權是人權，所以政府有責任為他們提供免費居所。
這次，輪到世民無言以對。過了幾秒， 一定神，我即時反問：「講真定講假？唔好將惡搞當真好喎！」消息人士：「堅o架！佢哋話唔要做樓奴。反地產霸權嘛，你未聽過咩？」世民：「香港有人好想交重稅咩？世界上除咗香港，有邊度可以有教育、醫療、公屋等福利，不過又同時可以維持低稅制？無賣地收入補貼，錢從何來？」消息人士：「交稅？香港有幾多人交稅？你覺得佢哋有資格交稅咩？如果係佢哋就唔會咁天真啦！」
復建居屋亦難減怨氣
公道點說，香港地就算是有交稅的中產，近來也會有點火氣。過去十年來不滿的情緒一直在膨脹，實在沒有理由單單針對九十後。說到底，當社會上越來越多人認為機會不是屬於自己，自我失落的感覺也會慢慢變質，轉為對世俗的不滿。可是，機會真的越來越少嗎？
對不起，機會是要自己發掘，既要勞力，更要勞心。那些排隊報讀毅進都要父母陪的人，會懂得去發掘機會嗎？就算工資立法、工時立法、強制罷工法、競爭法、全民退休金，甚至全民免費交通和全民免費居所等逐一成為事實，飯來張口的人，依舊不會有內心的滿足，因為他們永遠都要找理由解釋：為甚麼別人有創造能力，他們沒有？為甚麼他們要單方面依附在別人的成果？
政府搞甚麼，其實都是多餘。世民夠膽斷言，就算復建居屋，怨氣一樣不會減少。我只有一個請求：居屋也好，免費居所也好，這些天天嚷着反地產霸權的人，自己去起他們的烏托邦，好不好？
利世民
http://hkliberty.wordpress.com
2 :
passport(1491)@2010-08-15 20:28:20其實每樣野都要自己去爭取去試去搏先有機會成功
假記有1千蚊係你面前
如果你連伸手去羅你都唔羅
又憑咩去話人?
根本上就係你自己都有問題
要話人唔該先林下自己有無問題先
唔好下下將問題推去別人度
路係自己行出黎
3 :
龍生(798)@2010-08-16 00:21:24呢班人應該統稱地產霸權症侯群....