2011-7-28 AD
唔知係唔係啲賭場要照顧大陸豪客，搞到原先最低消費一張紅底嘅賭枱（圖），差唔多消失晒。嗰啲好受賭仔歡迎嘅賭場，好似威尼斯人、永利同新葡京等，起注閒閒哋三嚿水，貴過星洲。新開嘅澳門銀河，起限最少兩嚿水，原先路氹細場皇庭海景，索性閂門裝修唔接客。 o依家要搵100蚊枱，去大場好多時要行到好入先至搵到幾張，想細細哋賭吓，聽中環友講，要去到位置偏僻啲嘅美高梅、巴比倫同財神，但呢啲100蚊枱都唔係經常開。咁細細注咪冇得玩？中環友話，「同電子機鬥囉！十蚊大細都有交易，但唔係經常有位。」想過大海發橫財，唔該預備多啲賭本。