ZKIZ Archives


延長交易無得益 左丁山

2011-6-17  AD




 

天真許話好得閒,約往佢嘅飯堂「賀菊」吃午飯。自日本311事件之後,「賀菊」曾經靜咗一輪,但最近已恢復舊觀,生意繁忙,天真許又請埋資深證券界人士H先生,大家傾起股票,有排講。

天 真許已將佢嘅公司出售,被挽留做公司顧問,冇晒生意負擔,輕鬆晒,最近先至去北京、哈爾濱開壇講佢兩本書「A股看升30倍」與「投機智慧」,跟住遊山玩水 三日,好不寫意,以後嘅生活大致如此,預備以此方式遊遍中國各大省市。證券H贊佢嘅「商譽」夠照,可以套現退休。目前經營證券業務並不困難,資深人士可向 證監會申請牌照,一般等幾個月就可以,然後向港交所買經營牌,五十萬元係標準價,有牌兼夠膽,唔怕蝕,就可以開業,未必需要買入一間空殼證券公司嘅。

依 家請經紀食飯,時間十分匆忙,證券H認為延長交易時段係大勢所趨,但最好配合本港生活習慣,依家選擇跟隨上海,上午人地十一時半休市,香港就在十二時,下 午人地一時開市,香港在一時半,證券H話,依家我要出門食飯,你地未出街,到咗一點三我要返公司,你地仲有大把時間,真係幾煩。其實我地如果選在十二時半 休市,二時開市,咁就午飯安排易好多。延長時間,大市交投唔見增加噃,經紀咪好得閒?證券H謂:「直情悶到發慌,下午一點半到兩點半基本上大家都唔願睇, 情願食飯食耐啲,以跑馬術語打比喻,下午一點半到兩點半係慢踱步,兩點半開始慢跳,三點十五分後有快跳,四點前就衝拉士一段,故此你見到大市成日死吓死 吓,但係成交額在三點半後會急增,價格多變動,可以由升轉跌或由跌轉升,散戶最緊要吼到實晒,三點半至四時收市嗰半點鐘,千祈唔好離開電腦。」

延長交易時段,華資經紀大多數反對,延長期貨交時至晚上十一點半,更加反對,不過相信反對無效,港交所照樣推行。

 


PermaLink: https://articles.zkiz.com/?id=25738

Next Page

ZKIZ Archives @ 2019