大陸朋友說：內地最好賺是賣假藥。似藥非藥的保健品，應屬此類。
做保健品睇落真係好易發達：毛利起碼兩個開，多者4-5個開。只要肯打廣告，分錢比經銷商得夠豪爽就一定生意火爆。生產可以委托外包，唔使起廠。產 品只要有些微功效，就有人會買，至於成份如何，唔使太計較，食唔死就可以了。
行業最大風險，一是資金鍊，一是產品質量，還有就是政策，尤其是限制宣傳方法的政策。資金鍊和產品質量一定程度上可以控制，所以真正的風險，其實是 政策，以及管理層的風險走火風險。
———————————————————-
如果咁好易做，一定係個個走去做，然後個個都發左達。
咁樣，好多人都唔使打工，大家都去整個XX牌保健品，發其大達可也。
現實是，保健品失敗的例子亦很多，冇咁多人發達。
咁到底，贏家有乜秘訣？
———————————————————-
同樣是賣維他命丸，腦白金的黃金搭檔年銷6-7億，中國製藥2億都賣唔到。
同樣是維他命丸，一個便宜一個貴。
生意人會同你講，呢個咪品牌效應囉。有品牌賣貴d，冇品牌就平d，少人買。
———————————————————-
Branding & Marketing 是一樣我到現在還不了解的工作。
同樣打一百萬做廣告，差不多的 theme, 有人會成功有人冇咁成功，如何事前衡量？
腦白金靠過年期斷轟炸式的廣告，在中國市場，連續八年贏得了保健品銷量全國第一。
同樣的廣告，在香港，可以收效嗎？
———————————————————-
史玉柱的確是個傳奇。做一個保健品跨了，破產，差點死掉兩次，結果沒死，用幾十萬做了個腦白金產品，幾年間做到接近10億的生意，最後還注到上市公司，財 技一流。
腦白金的成功，當中用了不少誤導性的宣傳手法，在規範的發達國家，跟本無法想像。
———————————————————-
說了一大堆，推介的不是股票，而是這篇: 一位腦白金文膽寫的”解讀腦白金營銷模式“。 和這篇：“腦白金需 要”易筋經”"