2011-1-31 AD
|
||||||
|
內地富豪真係何 其多！據《胡潤百富榜》統計，身家億億聲嘅中國富豪，舊年就有超過5.5萬個，呢個數字只係計佢哋「浮面」嘅上市公司資產，其他收收埋埋嘅私人投資仲未計 o架！所以有好多隱形富豪，只要肯打包啲生意嚟上市，一夜之間就可以身家暴脹，名列百富榜，甚至過吓首富癮o忝！ 炒棉花起家有十幾間公司 好似全球最大棉紡企業魏橋紡織（2698）嘅老闆張士平咁，上市8年嚟，作風非常低調，平日都好少見佢蒲頭。不過張總唔聲唔聲，其實收埋好多o架！ 華華聽聞佢喺山東鄒平縣起家，早年炒棉花炒到第一桶金，後來收購咗一間國營工廠，搞搞吓就變成今日嘅魏橋創業集團，旗下大大話話都有十幾廿間公司。最近係咁易打包隻宏橋鋁業（1378）嚟香港上市，張總嘅身價就即刻唔同計法。 張士平原本只係得魏橋紡織一間上市公司，市值89億左右，以張總持股20.86%計，即係身家大概只有18.6億，當然未有資格上百富榜喇！不過，如果計埋宏橋鋁業，用o依家個招股價7.1至9.9元去計，宏橋一掛牌，市值就已經達到480億至670億。 以張總持有宏橋74.18%權益計，單係佢手上嘅宏橋股份，就已經值360億至500億！相信宏橋上市之後，張總要打入百富榜頭十位，應該冇乜難度！ 李華華 |
||||||