ZKIZ Archives


DSE後的出路跟星級壽司師傅學藝

2016-07-07 NM

夏日熱辣辣,口味清新的壽司當然最吸引,貴為美食天堂的香港,日式餐廳一向多的是,壽司店更是隨處可見,有志投身飲食業的年輕人,甚至是DSE的考生們,如果本身是壽司愛好者,有否想過當一名壽司師傅? 現在除了膽粗粗走入餐廳當壽司學徒外,隸屬職業訓練局的國際廚藝學院也有開辦壽司證書課程,而且由星級導師教授,學好基本功入行自然得心應手。

由國際廚藝學院舉辦的壽司製作證書,對象是有志投身日式料理行業的畢業生,課程由多位曾經在高級日式餐廳以及酒店任職的總廚任教,其中包括採訪當日曾於前朗豪酒店及香港洲際酒店Nobu擔任日菜總廚的尼泊爾裔導師Kumer San (Khem Kumer Gurung)。Kumer San表示:「喺呢2個月嘅全日制課程中,學員將會喺專業嘅廚房環境中,學習製作卷物、軍艦、握壽司等唔同種類嘅壽司,當中包括工具嘅運用、刀法、擺盤技巧等,過程我哋唔使好似出面學師咁要照顧鋪頭嘅日常運作,所以學嘢更有系統。」

整壽司都有理論

壽司製作證書課程全在廚房中以實習方式上課,過程中學員需要經過考核才可畢業,還需要進行筆試。Kumer San說:「學員喺2個月之中需要經過3次筆試同2次手試嘅考核,筆試以多項選擇題作答,內容是有關壽司刺身同日式料理嘅背景以及工具、材料處理嘅理論,就好似切壽司同刺身嘅魚生,落刀嘅角度都有唔同,呢啲出到去做junior都一定要識,所以筆試絕對有必要;除此之外,學員仲需要做兩次手試,即係要做出導師要求嘅壽司款式,步驟冇出錯為之合格。」

刀法最考功夫

要做得一手好壽司,很多人以為握飯是最難掌握,但Kumer San卻認為刀工最難。Kumer San說:「日本人對刀工好有要求,就算伴碟嘅裝飾都唔易切,我都要鑽研多年先至叫見得人,所以就算喺度畢業,都只會掌握到基本功,靠嘅都係自己多練習。」成功修讀的學員且對壽司行業有興趣,職訓局也能夠提供職業轉介,Kumer San表示入職便由junior開始,「入職後都係會跟上司學習,不過已經有一定基本功,所以上手會快好多,入職人工約有$12,000至$14,000,一般做約5年就有機會升上做senior,造壽司始終好睇勤唔勤力,5年只係一個平均數。」

導師 Kumer San:其實學造壽司最緊要勤力,課堂入面我唔會好似出面啲師傅咁惡咁嚴謹,因為我明白俾人鬧到冇晒信心嘅感覺,但我都希望嚟讀嘅學員要認真,同我一樣鍾意食日本菜就更加好!

學員 Peter:我本身鍾意食壽司,所以都想投身壽司師傅呢一行,讀呢個課程日日都會整新嘢,最記得第一堂乜嘢都唔識已經開始整前菜;仲有原來整卷物仲難過整握壽司,真係學過先知。

課程:壽司製作證書(QF 級別 2)機構:香港職業訓練局(國際廚藝學院)對象:中三或以上程度,須年滿16歲半及面試合格。學費:$1,220至$3,660(視學歷而定)堂數:2個月(全日制)內容︰日式廚務簡介、基本壽司的製作方法、壽司製作及擺盤技巧等。查詢:2538 2200

撰文:黃德禹攝影:葉偉豪

PermaLink: https://articles.zkiz.com/?id=204048

Next Page

ZKIZ Archives @ 2019