📖 ZKIZ Archives

投資港股：期權(四) 阿牛

http://hk.myblog.yahoo.com/yomagyomag/article?mid=4303

好喇，我地對期權有了少少概念。佢同期貨嘅分別，就喺其中一方：即喺買方，有權唔理行合約。亦即喺嗰一方喺設有止蝕嘅，而另外一方喺冇止蝕的。

大家可能都知道，期權喺有認購期權Call Option，同認沽期權Put Option兩種。

以恆指期權為例。

Call Option認購期權，買左之後，閣下到結算日就有權以結算價買期指，如果個市收市高過你的結算價，你就贏左，利潤就喺個差價乘HKD50一點。如果收市價差過你個結算價，你就可以／必須，放棄你的購權，因為蝕緊錢。個電腦亦會自動選擇呢個出路俾你。如果你喺都要行使，輸番你應輸嘅錢出嚟，咁你有兩個選擇：第一喺捐左差價去公益金，第二喺將啲錢入落阿牛嘅私人戶口。

                  

如果你沽左Call Option認購期權，你即喺估個市跌。你會立即收到一筆期權金，喺你張期權嘅買家俾你嘅，數額以交易時系統顯示，又大家同意嘅為準；而呢筆錢喺：

                            時間值 + 內在值 = 期權金

下面喺股票期權嘅期權金簡圖。

       

時間值你就賺硬，但內在值到結算時喺要攞番出嚟對數嘅。如果結算時個指數真喺低過你嘅行使價，咁就恭喜你，因為你袋左嘅錢袋袋平安。但萬一個收市價高過你嘅行使價，咁你有義務賠錢，HKD50一點，責任賠到無限。

你可能會問：如果你『錢就冇喇，命就有一條』，咁點好呢？

                              

你又放心，因為你嘅股票行喺會睇住你嘅。

但喺你唔好誤會，佢地『睇住』，唔喺『照顧』咁解喎，只喺『監察』咁解。股票行個電腦喺會日日睇住你個戶口嘅。就算未到結算日，但個市波動，你的按金開始告急，股票行就會call你margin；冇錢俾就即斬倉。閣下條命喺唔值錢嘅；補margin時喺要fax番銀行入數紙俾佢地睇嘅，閣下條命喺fax唔到嘅，fax到都冇用，因為認錢不認人。

           

Put Option認沽權証，個情況剛好調轉，詳情不贄。

簡單講，買左認沽証要俾期權金，但結算時可沽可唔沽。賣左認沽証，有期權金收，但結算時有機會要賠無限。

總結就喺：

1)買期權就可賺無限，輸就輸期權金。

2)買就包括買認購期權和買認沽期權。

3)認購期權喺估市升，所以升得多賺得多。

4)認沽期權喺估市跌，所以跌得多賺得多。

5)買期權要即付期權金。當中嘅時間值就俾賣家賺硬，內在值就遲啲對番數。

6)沽期權就永遠最多只賺到期權金，但喺市況逆轉就要賠無限。

7)沽認沽期權和沽認購期權情況一樣，只喺方向不同，前者睇升，後者睇跌。

8)沽左期權分分鐘要補倉，唔補就俾人斬倉。買左期權，一樣要補倉，雖然買左之後，俾左期權金，根本喺冇得再輸，但制度上喺要補倉嘅；遲啲另文再講。


PermaLink: https://articles.zkiz.com/?id=20002
Next Page
ZKIZ Archives @ 2019