|
||||||
|
上市公司股東之間爭拗時有發生，私底下拆唔掂嘅，最後都係通過傳媒去發揚光大！好似森源鈦礦（353）咁，其中一個股東梁儷瀞，就係報紙刊登咗一封公開信，話自己俾人屈！ 涉內蒙古礦區項目 單嘢大概係咁嘅，2007年森源嘅前身旭日環球用咗成10億向梁小姐買咗內蒙古小紅山礦區嘅項目51%權益，作價超過七成用可換股債券支付，令梁小姐成為公司大股東，公司仲改埋名叫森源鈦礦，變身資源股。 但 係森源上個月公佈嘅中期業績就好離奇咁講，董事會「驚訝發現」呢個project嘅勘探權，喺公司唔知情下，今年頭已經轉咗落梁小姐一間私人公司度，仲爆 出森源同梁氏原來舊年已有糾紛，森源仲向梁小姐發出禁制令，禁止佢以附屬公司董事身份向內蒙古或中國任何政府機構作出任何聲明或請求，但咩解究咁做就無 講。 而梁小姐封信就話，係因為森源入股項目後遲遲唔肯兌現投資承諾，搞到項目俾有關當局拒絕發出營業執照，佢又話同森源嘅合作屬項目首期， 只佔整個小紅山項目2平方公里，若果因為咁，令項目剩低嗰13平方公里發展亦受阻，自己損失好大，所以先將勘探權轉落自己間公司度，再諗辦法延續牌照…… 又一單羅生門！ |
||||||