中環在線：小超選擇性封嘴 李華華
2008-08-15 AppleDaily
華 華去過好多次長建（1038）業績會，每次問小超李澤鉅最近有乜心儀收購對象，佢都會玩封嘴，只會講佢想講嘅嘢。噚日長建中期業績會，小超大贈送，解開咗 記者嘅多年心結──點解玩封嘴？佢話唔想被賣家知佢有興趣，驚買貴嘢喎！小超話：「我份工好似poker face，完全唔可以俾世界知道我諗緊乜，除咗我嘅central committee。未到扑槌前嗰秒，都唔可以俾人知我有冇興趣。」咁又係，老闆大把還大把，做生意梗要計到盡，何況數口精如小超。有乜收購對象佢唔講， 但問到樓市，佢就選擇咗開口！
講乜？話長實嘅樓已經賣得八八九九、九九十十囉。不過，有記者問小超點睇梁展文事件，佢又即時打回原形，「我唔想喺呢個題目 （俾人）quote到任何發言。」話晒警務處前處長李君夏係長實（001）同和黃（013）嘅顧問，無謂你講人，人講你啦，吓嘩。