| ||||||
| 《李國寶加薪買股撐自己》 有 謂幾多分耕耘，就有幾多分收穫；亦有謂君子愛財，取之有道，上市公司董事拎幾多人工、點樣行使佢哋嘅option，往往反映出佢哋係咪頓悟箇中道理！ 拎 2300萬行使東亞購股權 好似東亞銀行（023）主席李國寶咁，正當賓架個個都話會捐晒啲花紅出嚟做善事，兼減埋人工樹立榜樣之際，佢老哥 懶理世人眼光，狂加自己人工不特止，仲勁派花紅俾自己，咁加咗薪，啲錢使咗去邊？原來，李國寶前日行使咗購股權，嗰度涉及110萬股東亞股份o架，以每股 作價20.86元咁計，埋單差唔多用咗2300萬嚟捧自己場。如果用噚日收市價28.85元計，1股差唔多賺8蚊，賬面已經賺近900萬銀。 加 咗薪72%，又收咗2540萬花紅，咁攞番少少錢增持股票，投番自己間行信心嘅一票，都算有情有義！不過，希望寶哥哥可以直接入市掃吓股票，等小股東可以 加啲分俾佢。華華驚嘅係，金管局限制銀行高層派花紅出年就實施，到時寶哥哥花紅少咗，想撐東亞都可能有心無力嘞！ 《謝清海減薪花紅獎員工》 鏡 頭一轉，我哋又睇睇另一個主席嘅做法啦！惠理集團（806）舊年純利升近4倍，賺咗3.2億銀，主席謝清海人工由前年嘅604.4萬加到846萬蚊；花紅 就由331.1萬加到3845.2萬蚊。 表面睇，謝清海好似搵多咗，但係睇真啲？原來08年佢有一筆9606.2萬蚊嘅收入，呢筆收入係嚟 自股份基礎報酬，即係乜嘢？咪係認股權、購股計劃嗰類東東囉。換句話講，謝主席舊年袋咗4692.4萬落袋，但實際上係比08年少咗一半o架！ 惠 理4000萬花紅派俾員工 惠理有得賺，雖然謝主席收少咗，但仲會豪俾員工，09年派咗成1億銀花紅，減咗主席同埋三個董事嘅5700萬蚊花 紅，都有4000幾萬派俾員工，算係對員工唔錯啦！ By the way，生力啤（236）年報顯示，一班獨立非執董原來連續做咗四年義工，對上一次有薄酬已經係05年嘅事，而寶哥哥竟然喺呢度做義工！莫非因為呢度唔係 佢嘅主場，所以焗住做義工乎？ 李華華 | ||||||