📖 ZKIZ Archives

股市分析(15)：大孖沙賣殼？

來源: http://notcomment.com/wp/?p=25256

??????

四叔旗下的「97」（恆基發展）終於有所安排，四叔將旗下的千色店以九億多的代價註入，並保證未來幾年股息不少於四仙。復牌後勁升兩成，即使以現價$0.78計，都有成五厘息，低位買入者就更加和味。

「97」最初叫永泰置業，四叔早在七十年代已經收歸旗下，當時連恆基兆業都未上市，所以又名為「小恆基」。到母公司整體上市之後，都做過收租股，甚至做過控股旗艦，後來減下減下，只剩下國內一個空殼項目，名符其實的殼股，所以耐不耐市場就有私有化或者賣殼的傳聞。

首富李嘉誠都將和記港陸當殼咁賣，點解四叔又唔得呢？講真，你話人地賣殼，人地可能只係賣資產，將非核心資產連上市地位賣走，順手精簡架構。大孖沙的所謂「殼股」，下下以10億計，又點算係「殼」呢！所以，要賣就係「殼連肉」，即係根本就唔係賣殼。上市地位怎樣貴，都不會十幾億吧！

除了賣比人之外，仲可以私有化既，次次「97」都係炒呢啲，只不過私有化可以搞極都搞唔到，好似會德豐系的海港企業咁，等私有化成功黎開飯，蚊瞓都得了！

今次四叔變想將千色店分拆上市，可以講係一石三鳥，一來安排了「97」的主要業務，二來可以套現，三來仲可以分埋身家。雖然有人擔心，分拆左之後，會不會大加租呢？實情係千色店係恆基的大商場內，用來吸引人流的，在外國很多連鎖店都是用這個策略去爭取較低的租金，而千色店部份舖位，也是再分租出去做專櫃的。雖然這種經營方式沒有甚麼想像空間，但保證有高息，都會有收息一族考慮的。

432 total views, 36 views today

以上提供資訊僅供參考，不應視為任何投資之建議或邀請，投資涉及風險，應先考慮個人因素，如有疑問請諮詢專業意見。
PermaLink: https://articles.zkiz.com/?id=111712
Next Page
ZKIZ Archives @ 2019