| ||||||
| 前 獅子行中國要員Eddie王浵世，自06年起獲民生銀行招聘為行長，一時間成為內地銀行羅致海外賓架專才嘅典範。不過，噚日內地《財經網》傳出消息，話 Eddie因屆退休年齡，可能不久就退下火線。傳聞民生現任副行長、曾經喺人行工作嘅洪崎會接任行長。報道又話，高層換班工作已經啓動喎。 曾任滙豐中國區總裁 講 番Eddie，佢喺滙豐歷練多年，由新界區經理，做到中國區總裁，又曾經派調加拿大及美國，對大江南北同美加市場都好熟。當年佢過檔民生做舵手，外界諗住 憑佢多年市場經驗，可以協助民生來港上市。點知一心以為搶灘成功，喺05年6月，諗住飲H股銀行股掛牌頭啖湯嘅民生，連上市聆訊都通過埋，但埋門一腳，俾 交行（3328）捷足先登，後嚟民生礙於市況，上市一拖再拖，到今日仍音訊杳然，相信Eddie都冇癮再做落去。 | ||||||
| ||||||
| 最 近又重讀趙紫陽的口述歷史，提到六四之前已有零星的學生運動，到八九年就發生了暴亂。如果有留意國內過去幾個月的新聞，上海的楊佳、鄧玉嬌案、甘肅隴南去 年因拆遷而引起的騷亂、江西南康市家具商堵塞道路抗議、青海南寧上星期五千的士司機罷駛及湖北石首的騷亂等，這些都是經過國內媒體報道，全國發生類似的事 件有多少？隨着出口減少，國內經濟增長放緩，失業率上升，民怨日深，地區性的騷亂越來越多，這與國家統計部提出的經濟數據，國內經濟走出谷底等言論形成 「背馳」。對國內經濟數據的可靠性，大部份人都存疑。筆者初在某國內企業工作時，有一個難忘的經歷。 不同身份看不同報告 有一 次要求國內的財務人員提供過去一年的財務報表，三天後就收到三份同一年度，但營業額及收入完全不同的報表，財務經理一本正經地解說，第一份是給稅所，第二 份是報關，第三份是給高層管理人員，還有兩份未經過國內老闆批准，暫時未能提供，聽後，倒覺得十分「x-file」，可能這就是國情。香港的大學生，心智 未成熟，如果隨曾特首的建議北上就業，就要有心理準備，怎樣在一個是非不分、人不人、鬼不鬼的地方保持清醒，又或者早點加入民建聯，深造一下。民國初年， 袁世凱稱帝，他的兒子知道輿論一面倒反對，但為了使袁世凱安心，把袁世凱每天讀的報紙，有反對他稱帝的言論，一律竄改，袁世凱身邊的奴才，爭相仿效，袁世 凱真的以為大部份人民是支持他的，公然稱帝，結果失敗告終。「任何謊話只要說上一百遍便成真話」，但當統治者連謊話與真話都分不開的時候，結果又會是怎樣 呢？Uncle [email protected] | ||||||
| ||||||
| 唔 少內地客來港買樓，北水南流再成樓市新趨勢。近排個個新盤都有唔少內地客捧場，發展商又點會放過呢批樓市生力軍，於是一窩蜂谷宣傳返大陸搞路演。長實 （001）嘅何文田半山壹號，就北上9大城市宣傳；恒地（012）都唔執輸，佢哋上水個單幢盤御景峰，今個禮拜喺深圳路演，賣樓大臣林達民話，估計有兩成 買家係內地客。恒地印咗1000本《名城、名宅》書仔，其中幾百本喺內地派，最特別係裏面竟然有集團主席「四叔」李兆基嘅全版大相（圖），唔知係咪四叔喺 內地夠名氣，本書加咗佢張相，號召力強啲，推銷都容易啲。 | ||||||
| ||||||
| 次 次睇上市公司年報，大家其實最鍾意睇啲高層究竟幾多錢人工，係咪物有所值，八卦之餘順便睇埋邊個係打工皇帝。今年嚟講，由於和黃（013）年報仲未出， 所以唔知已經幾多連冠、年薪過億嘅霍建寧大班可唔可以繼續「冧莊」。咁暫時邊個係最高人工「新人王」呢？已經唔係陳振聰軍師、宏霸（802）主席朱偉民 （3283萬元年薪），而係利福國際（1212）主席、人稱「細劉」嘅劉鑾鴻！ 爬陳振聰軍師頭 利福年報顯示，細劉年薪總額由 07年嘅1424.9萬，跳升到舊年6397.8萬銀；睇真啲，佢底薪398.8萬其實冇變，係公司以股份作為薪酬嘅部份大增，由前年1024.9萬加到 舊年5997.8萬。至於係咩原因令細劉加人工加到咁勁就無交代。值唔值呢個價，睇嚟要利福小股東評價嘞。講番霍大班，話時話，若果（若果咋！）超人因為 唔likey 3G搞到o依家仲未真正止血，又或者因為金融海嘯要縮皮，又或者業績倒退（啲分析員講咋！）而要減霍大班人工，話唔定一個唔覺意，佢份糧可能同細劉哥睇 齊……睇嚟舊年董事人工冠軍，可能有得爭噃。李華華[email protected] | ||||||
| ||||||
| 「衫 可以唔洗、股票要日日睇」、「衫可以遲啲洗、股票要即時睇」，呢兩句廣告對白播到街知巷聞，正係近期好了傷疤忘了痛嘅師奶寫照。做一隻小小資訊報價機，原 來一樣可以好出位，只要夠噱頭就有市場。上世紀八十年代大哥大電話尚未流行之前，傳呼機大行其道，當時嘅星光傳訊好威。星光傳訊創辦人黃金富於2000年 入主中華發展（1051），易名星光數碼，其後相繼改名為星光生物科技、信用卡防盜，但無論點改名，一樣年年蝕到喊。其後再改名為智富能源，卻未改蝕本宿 命。簡單啲講，1051呢個冧巴，自2000年以來蝕足9年，改名無助改運。股齡較深嘅股民，都會記得黃金富予人一個發明家形象，並唔見佢響市場cap到 好多水，後來間公司換咗位專教人買殼借殼嘅博士揸旗，亦唔見得有好大起色，最起碼班賓架唔Buy，點改名都係徒然。 高人入局有得憧憬 不 過，Every stock has its day，睇睇個市點樣喪炒就知，只要冧巴仍在，業績最衰嘅股票都可以突然鯉魚翻身，甚至再發揮其爆炸力。公司剛斥資2.21億美元，收購原本由澳洲上市礦 業公司Oz Minerals 擁有，位於印尼蘇門答臘之Martabe金銀礦項目95%權益，項目包括勘探、興建及採礦權，已獲澳洲外商投資審查委員會通過。金價持續高企，有國際估值 公司為項目出具報告證明，單是Martabe金銀礦蘊藏量達222萬盎斯黃金及2971萬盎斯白銀。故事講到呢度，表面上似乎無異於其他股壇變色龍，但係 公司委任嘅行政總裁兼副主席及執董Owen L. Hegarty才是萬有引力所在，佢就係Oz Minerals前身Oxiana Limited的創辦人，擁有35年礦業相關經驗（金礦呢科真係少啲經驗都會失手），成功帶領集團由1千萬澳元市值躍升至60億澳元。Owen自己出錢出 力投資3千萬美元入股智富，3年禁售期，每股認購價不低於0.35元，持股佔重組後之4.8%。另外公司搵大摩配售130億股集資額45.5億港元，大摩 接呢單生意，似乎係睇好呢位業內猛人。有高人入股入局，照計唔似搭個雞棚咁簡單，公司將改名為「國際資源集團」，希望今次改名可以改埋運，真係可以成功轉 型。胡孟青 | ||||||
| ||||||
地產大好友、瑞銀環球資產管理董事總經理林奮強，一向對樓市前景甚為樂觀，自從06年初轉做瑞銀基金經理，同樣活躍於地產市場，不過，今年就見佢陸續出貨。 通街平貨計劃換馬 佢 啱啱以1768萬元沽咗件大埔聚豪天下單號屋，件貨喺04年底用1600萬元買番嚟，一直收租，揸咗4年，今次賣出賬面只升咗一成，賺168萬；扣埋佣金 同釐印費等支出，淨袋80幾萬。同佢今年初賣出嘅另一件聚豪天下單號屋，同樣揸4年，但一鋪勁賺1017萬，升值近七成相比，相差好遠，唔夠一年賺少好多 喎，咁都肯賣，唔通睇淡後市？林奮強同華華講，佢喺地產市場向來有買有賣，今次出貨亦唔係睇淡後市，只係覺得金融海嘯爆發後，全球有唔少抵買嘅資產，好似 外國公司嘅債券、亞洲股票同埋香港物業，所以換吓貨。不過，唔係咁多港人具有世界投資眼光，投資者要因應自己承受風險能力出擊。 奧運站綁住八千萬 雖 然話o依家個市同年初有天淵之別，但佢認為香港樓宇供應始終少，息口又低，唔使太過悲觀喎。聽講，大好友今年初夥拍瑞銀同事王震宇，喺奧運站掃咗唔少貨， 主要係維港灣同帝柏海灣複式，用咗超過8000萬，好似話帝柏海灣嘅1座複式成功踢契，o依家總共揸住4件複式，部份放租。至於吸引唔少金融巨擘入市嘅九 龍站豪宅，聽聞大好友都有7至8件喺手。李華華[email protected] | ||||||
| ||||||
停牌兩日的毅力工業（332），昨日發公告指，延遲公佈截至9月底止中期業績。董事會表示，原訂於本周一（22日）公佈中期業績，由於同日停牌，以待刊發一份有關敏感性資料的公告。毅力停牌前收報0.069元。 來 自銀行界消息，金融海嘯令毅力工業接單大減，資金周轉亦出現問題，為了令公司度過難關，毅力須先重組銀團貸款，而今次停牌亦與此有關。消息指，毅力位於東 莞的電子廠雖全面結業及被供應商追數，但該公司迄今未構成觸及違約貸款，加上聖誕長假臨近，相信貸款銀行暫時不會採取行動，明年初再商討是否召開債權銀行 會議。事實上，毅力工業一貫都是「老實做生意」的企業，從未牽涉炒賣股票或衍生工具，故滙豐及恒生（011）亦盡可能與該公司商討重組債務。 按公司年報所載，其銀行貸款約8.47億元，其中約3.08億元母須一年內償還。根據年報顯示，毅力的美洲業務佔集團總收入達66%，美國經濟疲弱，零售消費市場萎縮，據市場消息透露，毅力來自美國的定單大幅減少一半，收入下降，毅力必須急謀其他對策，以捱過難關。 延公佈中期業績 自9月中雷曼兄弟破產後，觸發百年難得一遇的金融海嘯，拖跨無數實力老牌行業，倚賴出口至美國的工廠紛紛陷入財困，近月來珠三角等地陸續有港資工廠倒閉，年關難過，市場估計，1月將會是工廠裁員或倒閉潮的高峰，故政府早已呼籲銀行界體諒上市公司暫時面對的困境。 | ||||||