陳宇琛入紙娶前主播
1 :
GS(14)@2017-01-05 08:07:13■陳宇琛和女友Camille計劃到英國或歐洲影婚紗相。資料圖片
陳宇琛（石仔）去年7月於倫敦向拍拖兩年多的有線前主播林佑蔚（Camille）求婚成功，原來石仔日前正式入紙申請結婚，他昨日接受電話訪問時說：「我哋未定婚期，暫時計劃喺今年底，始終婚禮籌備要一段時間，又要兩邊屋企人一齊商量，而且大家嘅工作一路都好忙，啱啱先叫做得閒啲，可以諗吓結婚點樣plan。」
■陳宇琛日前正式入紙申請結婚。
石仔透露計劃到英國或歐洲影婚紗相：「我喺約克大教堂求婚，睇中倫敦嗰邊啲地方，我又有啲屋企人喺嗰度，所以都有啲情意結。」至於婚禮方面，他指每一個細節都會用心考慮，而生育計劃方面，石仔坦言想多享受二人世界：「希望有啲空間，我諗都要一段時間。」採訪：唐心悠攝影：張俊銘
來源:
http://hk.apple.nextmedia.com/entertainment/art/20170104/19885385
蘇格蘭婚禮夫婦淚灑陳宇琛愛老婆 老套紋身
1 :
GS(14)@2017-08-18 07:55:08■陳宇琛透露和太太林佑蔚今次的古堡婚禮花了六位數。
石修兒子陳宇琛（石仔）與有線前主播女友林佑蔚（Camille）今年2月在香港註冊，一對新人在英國時間本月8日於蘇格蘭愛丁堡Carlowrie Castle舉行了一個簡單而隆重的婚禮。昨日石仔返港後接受本報電話訪問，詳述當日行禮經過和感受。
■雖然在古堡行禮，陳宇琛仍有照傳統接新娘。
■陳宇琛認為一生人一次，好開心結婚舉行三個派對。
雙方父母缺席
石仔說：「嗰日上午11點接新娘，都有中式儀式，斟茶畀長輩，所有親戚由美國、英國同加拿大嚟，有40人出席婚禮。」美中不足是雙方父母因為工作未能出席，他說：「本來呢個計劃係有父母，機票都出埋，有少少可惜，2月簽紙之後，工作一路好忙，好遲先同wedding planner傾，爹哋接咗工作，所以一家人開會，雙方父母都冇出席，變咗係一個年輕人嘅派對。」在古堡行禮，花了六位數字，石仔說：「上年我喺約克求婚，再去蘇格蘭玩，覺得嗰度靚，好適合一個wedding，咁老婆又好鍾意Harry Potter，所以搵咗個咁嘅地方。」講到當日情況，石仔透露因為伴郎胡文新的講辭而眼濕濕，太太Camille聽到他感謝辭就忍不住爆喊。
■陳宇琛為了紀念和太太要愛到永遠，特地走去紋身。互聯網圖片
■陳宇琛見到太太為自己跳舞，大為感動。DV圖片
老婆跳舞感動
一次結婚，舉行三個派對，石仔說：「OK呀！好開心，一生人一次，本身我自己有搞event，自己搞好上心，做自己人生大事，更加着緊啲，我?家明白結婚係一件好大挑戰。」更指當日Camille為他跳了一隻舞，令他非常感動，他說：「佢本身跳職業，佢係咁練，我都係第一次現場睇佢跳舞，佢好勁。」講到愛的紋身，石仔說：「係嘅！唔係字，係一個地標，個地標係上年約克求婚嘅地標，有紀念價值，有兩個骷髏骨嘅嘢，我鍾意啲punk嘅嘢，紋咗個骷髏頭好似兩個人錫咁，Till Death Do Us Part，直到死一日呀！有啲老套，我都冧嘅，有意義嘅嘢先去做，唔係亂咁做，係一生一世。」採訪：非非
來源:
http://hk.apple.nextmedia.com/entertainment/art/20170818/20124565