張晉 王祖藍 戀上高妹的幸福 2014-11-28
1 :
GS(14)@2014-11-30 03:02:36http://www.skypost.com.hk/featur ... %B8%E7%A6%8F/161638
王祖藍和張晉，一文一武，看似風馬牛不相及，卻有一個共同點，就是均在籍籍無名時追到女神，並修成正果。「要多謝我的另一半獨具慧眼，這樣很好，共過苦難，好過你出了名才認識一個女孩，都不知道她是喜歡你的名還是喜歡你的錢。」祖藍搶着說，張晉幫口：「他毅力很強，也很有智慧。」二人應該不相伯仲吧。
訪問現場，張晉一本正經，話不多；而祖藍就表情多多，見到都想笑。問他們有否相似之處，張晉一語中的：「另一半都很高。」祖藍聽後哈哈大笑約八秒，然後轉移話題：「我好慚愧，有時不敢去他家吃飯，去到他家，就見到他在花園拿着兩個啞鈴操練，這叫我們這樣的男人怎樣帶女朋友去他家？搞到亞男都問我，會不會有一日練到像他一樣，我叫她死心，不用指望。」
二人多年前已在「藝人之家」認識。祖藍說：「他看着我跟亞男拍拖，很多人還不知道時，他已經知道，算是見證人，看着我怎麼失敗、再追、又失敗、又追，他們教了我很多招，哈哈哈。」張晉補充：「我老婆教得比較多，從一個女人的角度，幫他出了很多主意。」
戲份不在乎多少
私交甚篤，最近，兩人終於有機會合作電影《黃飛鴻之英雄有夢》。祖藍飾「牙擦蘇」，張晉飾一心找黃飛鴻報仇的北海幫少幫主，戲份均不算多。「戲份不在乎多與少，最重要是有沒有東西玩。我知道導演不是想拍一個傳統的黃飛鴻，不想是英雄就英雄、搞笑就搞笑，聽後覺得很過癮，有戲演，好過由頭到尾孭一部戲但沒戲演，況且你叫我孭一部正正經經的戲，我不敢。」祖藍這樣說。
張晉亦覺得今次有發揮空間。「周顯揚是一個很有想法的導演，安排每一個演員都有他的道理，不會讓一個人齋企。」片中，他幾乎場場戲都要打，也要揣摩角色的心態。「他有很多委屈，沒有惹黃飛鴻，黃飛鴻卻殺了他父親，不報仇就不忠不孝，所以，他不算是一個壞人，有很多悲憤。我的理想是做一個文武雙全的演員，不想文與武分得太清楚，如果只有武，就不叫演員啦，變成武術運動員。」
高層不知他求婚
說完電影，忍不住想求證一個江湖傳聞，即祖藍上周在台慶夜求婚是無綫出的主意嗎？「當然不是，那些是無聊的謠言。」他說得斬釘截鐵。「只有幫我搞燈光、音樂的人知道（我會求婚），上面班老闆是不知道的，我還擔心公司會罵我。」一定不會囉。
只是，如祖藍話齋，「我好複雜」，他應該預計到此舉會惹來「騎劫」台慶之嫌。「不會理，那日我要服務的對象只有李亞男一個。相比一個一生難忘的回憶，這幾天的花邊新聞簡直微不足道，我娶的是亞男，不是那班花生友，只要令到她獨一無二、令她覺得自己是世界上最幸福的人，就行了。其實跟她在一起第一天已有爭議，有人說是一朵鮮花插在牛糞上，難道我也要因為這句話不開心？」女尊男卑也好，鮮花插牛糞也罷，幸福就好了。
場地：The AIR（The ONE）
撰文：黃艷
攝影：梁細權
編輯：黃寶恩、黃艷
設計：Alex
【動畫●港男福音】娶韓妹的理由 貼大床仲包家電
1 :
GS(14)@2017-04-22 10:49:44Gary2000年去韓國打工，識到韓國太太。
【尋找首爾的香港】港女嫁Oppa做人妻聽得多，事關韓國傳統男主外女主內，人妻嫁去嘆世界，之但係，如果倒轉係港男做人夫捱世界呢？港男Gary早喺2000年離鄉別井到韓國打工，順理成章識到韓國女生，喺當地結婚生子組織小家庭。佢話當年孭住香港人嘅身份「好吃香」，「17年前，當我同韓國人講係自香港，佢哋就會話『哦~張國榮、周潤發...』，當年香港係幾出名㗎，所以識女仔都容易啲！」
Gary話17年前，韓國人好鍾意香港，作為香港人就易啲識到異性。
又話全羅道嘅韓女溫柔啲，而太太出身於慶尚道釜山，就強勢啲。
韓國傳統由女方畀禮金，男方負責層樓同日後一切生活開支，所以Gary結婚嗰陣，傢俬同電器都係岳母送贈。
好少人會用「溫柔」形容韓國女生，但Gary話其實韓國好大，唔同地區嘅女生性格都唔同。韓國主要分六大區域，包括京畿道、江原道、全羅道、慶尚道、忠清道，以及濟州島。Gary話全羅道嘅女生最溫柔，反而大佢兩年嘅太太，係典型慶尚道女生，出身自釜山廣域市，相比下強勢得多，「全羅道嘅女仔比較識講嘢，婉轉啲，但係慶尚道嘅女仔就相反，硬崩崩又直接！」
Gary舉咗個例，話當年太太仲係女朋友嘅時候，已經對佢好嚴苛，「嗰時買咗部兩門嘅韓國現代跑車，佢同我講，『唉...你都廿幾歲人啦，點解仲揸埋啲死飛仔車呢？』雖然畀佢話，但係我又覺得幾甜。」所以婚後，Gary換咗部四驅車，太太就讚佢，「o依部咪好囉！擺嘢又擺多啲！」
異地戀始終有文化差異，好似港奶奶煲燕窩畀韓新抱，新抱就畀咗Gary飲。
Gary話如果講擔起頭家，做香港人夫好啲，因為兩公婆一齊搵錢無咁大壓力。
不過凡事都有兩面，教好小朋友就係太太嘅壓力，Gary大讚太太教得好，大女兩年都考第一。
正所謂「聽老婆講會發達」，Gary結婚嗰陣都慳咗唔少，「結婚嘅時候，泡菜雪櫃、雪櫃、微波爐、電視機，甚至張床褥，都係我岳母買嘅，即係貼埋大床！」咪以為咁講好似好衰，其實只係跟返韓國傳統，由女方畀禮金，負責新居嘅傢俬電器。至於買樓，以及日後一切開支，都由男方獨力承擔！雖則韓國傳統係男主外女主內，但係對於家中嘅婆媳關係，Gary都唔能夠置身事外！Gary話媽媽只係一年嚟韓國探望一次，所以婆媳相處時間唔多，尚算和平。Gary話最好笑係太太會嘗試同奶奶講廣東話，講到好似4、5歲小朋友咁，「奶奶，慢慢死(食)，死(食)多啲呀奶奶」。
家陣Gary已經榮升餐廳老闆，事事親力親為。
Gary喺韓國渡過半生，但毋忘自己嘅根，叫老婆喺佢百年歸老嘅時候，要擺佢返香港！
不過，婆媳關係能夠和平，都因為Gary喺背後好識做。佢舉例，有次佢媽咪買咗萬幾蚊燕窩，拎去韓國煲畀新抱飲，「當時韓國人唔知燕窩呢樣嘢，我媽遞碗燕窩畀太太，太太就笑笑口接住，講『唔該，唔該』，但係我媽一行開，太太就遞畀我，話『快啲飲咗佢！快啲飲咗佢！』當時我嘅反應係全部飲晒，唔使令兩邊都難做吖嘛！」一轉眼，結婚已經十幾年，究竟做韓國人夫好，定係香港人夫呢？Gary話如果講到承擔一頭家，就梗係做香港男人好啲，「始終兩公婆一齊出去搵錢，唔會有種無形嘅壓力。」不過佢話凡事都有兩面睇，認為太太都有壓力，「佢要承擔照顧小朋友嘅壓力，教得好唔好，都係因為佢。託賴啦！大女連續兩年都考第一，要多謝太太！」
Gary由20歲o靚仔，到為人夫，為人父；由打工仔，到同朋友夾份開餐廳做老細，喺韓國渡過半生，但毋忘自己嘅根，「香港係我屋企，始終做人都係要有根，有時同老婆吹水都會話，等我百年歸老都要返香港，叫佢要擺我返香港！」記者：鄒倩婷（阿仙）攝影：李錦鏵、陳家文剪接：Roy
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997666