漢能夾死外資後 毋須再頂價 周顯
1 :
GS(14)@2015-05-21 12:20:31http://www.mpfinance.com/htm/fin ... mnist/en30_en30.htm
【明報專訊】那天同一名財技很高的高手去吃飯，說起他有一家公司，正在啤殼上市。我聽了他所說的基本因素，很奇怪地去問他﹕「你隻股票明明可以上到主板，為什麼要自降身價，去上創仔呢？」
他說﹕「上創仔比上主板容易好多，梗係先上創仔，再轉主板啦，再講，上市主要是為了賺隻殼，股票集資，集得幾多錢？不如先上創仔，然後過一年，就炒轉主板概念，賺多一筆仲好啦。」
我恍然大悟﹕「又係喎，一隻主板殼上市，咪幾億市值貨仔？但是炒轉主板，卻隨時可以炒到十幾億市值，而且又沒有了禁售期，沽幾多都得。」
他說﹕「這叫做一雞兩味，一魚兩吃，識玩，梗係先上創仔，再轉主板，連渣都食埋啦。」
「國家行為」 死得更慘
昨天，看到漢能薄膜發電(0566)暴跌，朋友來電同我討論，說﹕「你又話是國家行為，點解會大跌？」
我回答說﹕「要頂住個股價咁高，你估唔使成本咩！當外國沽空機構全部平倉打靶，死晒之後，隻股票梗係會放番落啦！因為都無對手可以贏佢錢了，使乜再花錢去亂頂，記得當年炒港股直通車，一口氣炒上三萬二點，將班外國大鱷全部挾死晒之後，阿爺咪放軟手腳，直通車取消，港股跌三分之二，所以說，如果是國家行為，可以死得更慘。」
其實條數好簡單，股價夾到天高，根本沒有人買這股票，唯一的利潤，是來自夾空倉。所以，這結果一是自己頂不住股價，股價急跌，沽空者贏了大錢，一是當空倉夾完了，沽家投降了，買番轉頭平倉了。但以上兩者，結局都是股價大跌，無一例外。
[周顯 投資二三事]