游學修同梁唐青儀合照 網民：介紹佢睇《十年》
1 :
GS(14)@2016-12-06 03:56:23「I'm the king of the world！」，講得出呢句對白嘅男人，都要有番咁上下魅力，好似當年講嘅就係里安納度狄卡比奧喺電影《鐵達尼號》講，而噚晚游學修都講咗呢句說話，仲配上一張相，就係佢同特首夫人梁唐青儀嘅相。前晚游學修出席香港演藝學院嘅籌款晚宴，梁唐青儀都有出席，游學修仲同佢影咗合照，貼埋上facebook仲話：「I'm the king of the world！」，之後好多網民都有留言，有部分就問游學修點解要同佢影相，有部分就讚佢係真男人，有部分嘅留言都好灰諧，好似有：「咁都比你見到廖偉雄。」「檢討吓啦～完全證明咗龍蝦唔知你係乜水~」「得龍蝦，得天下。」「點解要咁做？」「請佢拍《十年 II》。」「一定成年發惡夢。」仲有啲留言都好精彩，好似話：「有無介紹《十年》俾佢睇呀？」「黃家強同CY合照系列。」「快d加番幾個hashtag好wow,唔係唔知比like定比嬲你。你隔離隻生物唔使問一定係比嬲，限期係永遠。」呢張相真係令人諗起當年黃家強同梁振英嘅相，當時家強張相，真係畀唔少網民負評，更有網民問佢:「你對得住家駒？」唔知係唔係因為游學修一向都幽默，所以大家都唔係畀好多負評游學修。
來源:
http://hk.apple.nextmedia.com/entertainment/art/20161205/19855698