ZKIZ Archives


A股不會大跌⋯⋯⋯⋯但會狂跌!! 巴黎的價值投資

來源: http://parisvalueinvesting.blogspot.hk/2015/05/a.html

巴黎:

上年第一季叫入市A股第一人又係我,為何現在又說A股將會狂跌呢?
筆者何許人,竟出此狂言?

最近兩間香港問題股,市值只在短短半日,在唔夠三億的成交下,推跌2千億的市值。
這兩間公司都有一個特性⋯⋯垃圾,而所謂的市值,根本從一開始就不值一文,
它們和這些口說公司價值很高,卻連一股也沒自資購買的內部高管相同,兩者都是一堆泡沫。

以此推算,A股市場的百倍PE千億股,不用一百幾拾億的資金,就能把萬億的蛇蟲鼠蟻A股歸塵入土。筆者看到的Jackpot,國際大鱷也必然看到,現在只是等待十二時來臨的倒數中。

除了上述事件憂慮外,讓筆恐懼感升級是因為最近發現和自己一起作戰的價值派戰友,己經紛紛轉投什麼版塊、落後、主題前景⋯⋯等等的價格追逐買股法中。

「股票的價格所謂落後,從來都是相對自己本身的價值,而不是從另一支發神經股票的價格比較衡量,如果不是這樣的話,股價互相追逐下就沒有一個盡頭了」。難道信徒們已經忘記祖師爺的遺訓?

價值投資是條孤獨的路,雖然筆者組合仍在創新高,但我會徹底從新部署策略,
當然我的策略是不會單頭一註,獨沽一味,也不會投機。















PermaLink: https://articles.zkiz.com/?id=152199

【果籽人話】幼稚園Miss打泰拳減24kg 「我怕痛但會克服佢!」

1 : GS(14)@2018-01-22 05:29:59

外表溫柔嘅Eva,係一位全職幼稚園老師,都係一位業餘拳手。

相信好多女仔為咗減肥都無所不用其極,飲食方面就會食代餐節食,而做運動方面,泰拳絕對係最受減肥人士歡迎運動之一,但因為咁而做埋拳手就好少,而Eva就係其中一位。


今年29歲嘅Eva係一位全職幼稚園老師,但好多人一定估唔到平時外表溫柔嘅佢,另一面竟然係好勇鬥狠嘅業餘拳手。Eva坦言最初接觸泰拳,純粹只係為咗減去嗰個令自己連影張相都無自信嘅笨重身型。泰拳不但令佢由80公斤,減至宜家大約56公斤,泰拳更加令佢搵到人生目標,佢話就算有幾怕痛,都會去克服,就算有幾辛苦,每日放工要由牛頭角趕去元朗拳館,打至凌晨再趕尾班車返將軍澳嘅屋企,甚至打到口腫面腫,傷及容貌,都絕對唔會有任何怨言,因為條路自己揀,點都會堅持落去。


在擂台上,Eva非常勇及狠,就算有幾辛苦,佢都會去克服。

泰拳令佢由80公斤減至56公斤,更加令佢搵到人生目標。



而且佢仲會更加努力訓練,同參加更多比賽令自己進步,因為當中所得嘅經驗係好寶貴,佢又會冷靜應付對手,減少受傷,目的係為咗唔想辜負師傅對自己嘅栽培。當提到佢嘅終極目標,佢希望可以喺35歲前,拎到香港泰拳理事會冠軍賽A組冠軍。採訪:Asia@有種運動攝影:Asia and Vic@有種運動剪片:Asia@有種運動全新旅遊專頁,即like籽想旅行:https://fb.com/travel.appleseed



來源: https://hk.lifestyle.appledaily. ... e/20180120/20279968
PermaLink: https://articles.zkiz.com/?id=347064

Next Page

ZKIZ Archives @ 2019