ZKIZ Archives


城城拒買豪宅贈Moka

1 : GS(14)@2016-03-11 13:31:17

■城城前晚與楊千嬅及劉偉強等在導演會晚宴上歌唱助興。


郭富城去年高調戀國產嫩模Moka(方媛),最近有周刊指Moka扭計要城城在上海買樓,因為她家鄉在安徽,而上海現居單位只是租住。有指Moka曾向友人呻城城不肯買十萬元一個Hermès袋,只是間中送首飾或朱古力等幾千元小禮物;Moka最近獅子開大口多次向城城表示看中兩個過千萬的樓盤,不過城城每次用藉口拒絕,甚至連返上海的次數都減少。Moka目前已不敢提買樓事。另外,城城前晚在導演會晚宴上獲頒最佳男主角,會長劉偉強與一班導演先後邀請楊千嬅和城城上台唱歌,但當城城獨唱時幾次都入不到key,他說:「個key唔啱。」但城城表演專業,最後唱了《愛的呼喚》,春夏還赤腳上台獻花。採訪:嵐山





來源: http://hk.apple.nextmedia.com/entertainment/art/20160311/19524501
城城 城拒 拒買 豪宅 Moka
PermaLink: https://articles.zkiz.com/?id=297603

Moka銅鑼灣掃貨

1 : GS(14)@2016-09-02 05:49:46

郭富城的內地辣模女友方媛(Moka)上周日人肉速遞來港,現身紅館坐第4行靚位睇男友演唱會,城城休息三日後於昨晚繼續唱,Moka昨率先在微博蒲頭,公開身處銅鑼灣街頭的相片,高調宣示自己來港攻城。身穿黑色貼身背心襯名牌手袋的她,站在時代廣場門外拍照,側身扭腰晒S形身材,又入超市購物,手推車下放了兩大袋戰利品。此外,上周日Moka孖前同門師姐陳靜到紅館睇男友城城開騷,除了在場內被觀眾捕獲,場外同樣被城城粉絲發現,有網民在微博貼出兩人身處紅館附近的相片,網友抵死留言:「三年前跟X熊同場,三年後跟她同場,甚麼兆頭!」撰文:皓騫




來源: http://hk.apple.nextmedia.com/entertainment/art/20160902/19757071
Moka 銅鑼灣 銅鑼 掃貨
PermaLink: https://articles.zkiz.com/?id=307208

Moka透黑Bra捧城城場

1 : GS(14)@2016-09-09 05:36:48

■穿上閃爍透視裝的Moka,昨晚大方任傳媒影相。



天王郭富城假紅館舉行的十五場「舞林密碼演唱會」昨晚舉行尾場,28歲國產辣模女友方媛(Moka)雖然首場因工作未有現身,但來到最後一晚當然要支持到底!演唱會在晚上8時45分開始,開騷前約一分鐘,全場燈光變暗後,Moka悄悄現身,坐在控制台下面的座位。Moka早前被指現殘樣,昨晚自然要悉心打扮,穿上閃爍透視裝,現黑色bra top,似登台般養眼。記者上前拍照,Moka亦大方任影,還展現自信笑容兼撥弄秀髮。其他捧場藝人有錢嘉樂、何超蓮、JW及陶大宇等,穿上粉紅色情侶裝的姚子羚和男友鄭子邦企定定合照。採訪:盧妹攝影:葉君海




來源: http://hk.apple.nextmedia.com/entertainment/art/20160909/19764789
Moka 透黑 Bra 捧城 城城 城場
PermaLink: https://articles.zkiz.com/?id=308344

尾場三講I Love You  慶功再放閃城城愛不完:多謝Moka

1 : GS(14)@2016-09-10 13:54:43

■城城大讚女友Moka善解人意,預計對方今次離港前,二人無機會見面。



舞林王者郭富城的15場演唱會前晚在紅館舉行尾場,28歲國產女友方媛(Moka)亦有到場支持。Moka看得投入,當城城唱《火熱動感La La La》要求大家站起來一齊打pom pom棒和跳舞時,Moka都聽話照做。之後城城唱《木偶襲地球》與歌迷握手,Moka亦有站起來,可惜她坐在較後位置,未能成就「世紀一拖」。


壓力最大

不過,城城唱《對你愛不完》仍不忘向女友施冧功,特地向Moka所坐的正台方向發表愛的宣言,他廣東話夾普通話說:「着住紋身衫行埋嚟講I love you,有甚麼感覺?係咪好能夠保護你?」之後再講多兩次「I love you」才唱出《I Love You So》,相信Moka已經全部收到。臨完場前,城城哽咽地說:「15場轉眼過去,今年係我做歌手25周年,係好值得紀念嘅日子。人生有幾多個25年呢?今次演唱會,係我做歌手以嚟最大壓力嘅一次。」



■Moka放低工作,前晚再度欣賞男友演出。

■城城昨日在銅鑼灣出席活動,避談會否帶Moka見家長。攝影:陳順禎


睇足8場

慶功宴上,城城透露為演唱會節食兩個多月,所以大會特別準備火鍋慰勞城城。提起女友Moka,城城一臉冧樣謂:「好多謝Moka飛嚟香港支持自己,佢都放低手頭上嘅工作嚟睇咗8場。」並大讚女友好乖兼善解人意,問是否因此而對Moka所坐的正台方向講三次我愛你?他說:「咁我表演都係為所有嘅人,唔係為個別嘅人。」城城透露與Moka一直沒有見面,因為Moka不想騷擾他,二人只靠短訊來往。城城昨晚在銅鑼灣出席活動,他指心情仍然忐忑,因平時該段時間已在紅館準備演出,問難忘原因是否因為Moka差不多晚晚捧場?他說:「我當咗佢係粉絲㗎啦。」又透露Moka仍在港,問會否一起過中秋?他說:「大家都有嘢做,中秋我最想同屋企人食飯,媽媽年紀大,想多啲時間陪佢。」採訪:盧妹攝影:葉君海


■城城(左二)透露為了今次演唱會而節食兩個多月。

■城城直言今次開騷是25年來最大壓力一次。



來源: http://hk.apple.nextmedia.com/entertainment/art/20160910/19765974
尾場 三講 Love You 慶功 再放 放閃 閃城 城城 城愛 愛不 不完 多謝 Moka
PermaLink: https://articles.zkiz.com/?id=308503

6萬Cartier錶城城女友Moka中指戴鑽戒好事近?

1 : GS(14)@2016-09-11 05:50:28

郭富城「舞林密碼演唱會」已完滿結束,28歲內地女友方媛(Moka)連捧多場,兩人感情已公告天下,去到尾場Moka當然都有現身。
Moka穿上金銀密鑲珠飾的透視top,搭配黑長褲、黑色Bra Top,相常搶眼,面對記者拍照亦大方微笑。Moka撥頭髮時,左手戴了Cartier招牌的Ballon Bleu de Cartier鑽石手錶,而代表訂婚的中指位,更戴上鑽石戒指,莫非城城好事近?更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160911/19767390
Cartier 錶城 城城 女友 Moka 中指 鑽戒 好事
PermaLink: https://articles.zkiz.com/?id=308620

Moka富貴攻城Boy Chanel袋加McQueen絲巾

1 : GS(14)@2016-09-13 00:19:14

一躍「城」門聲價十倍的Moka,短短9個月由寂寂無聞的內地辣模,搖身變「準城嫂」,當晚攻城的行頭件件名牌,穿着黑色背心長裙襯厚底涼鞋的她,揹價值約3萬元的黑色Boy Chanel小手袋,披上搶眼的滿骷髏頭圖案粉紅色絲巾,相信是來自以骷髏頭作標誌的Alexander McQueen,大size絲巾價值4,900元,認真富貴。至於城城當晚接載女友的林寶堅尼亦響噹噹,有「細牛」之稱,速度驚人,由0至100km/h加速只需3.2秒,絕對襯得上做天王戰車。




來源: http://hk.apple.nextmedia.com/entertainment/art/20160912/19767970
Moka 富貴 攻城 Boy Chanel 袋加 McQueen 絲巾
PermaLink: https://articles.zkiz.com/?id=308759

帶女友與兄弟飽飯一齊攞車城城命令Moka乖乖跟返歸

1 : GS(14)@2016-09-13 00:19:14

【雙手護女】■城城一隻手為女友推玻璃門,另一隻手又護住女友,十分有風度。




【銅鑼灣】四大天王只有郭富城未結過婚,現年50歲的城城情史豐富,最近與28歲強國辣模女友方媛(Moka)打得火熱,甚至在個唱上揚言恨成家立室;日前城城高調孖女友到銅鑼灣見兄弟食飯,「準城嫂」Moka揹約3萬元的黑色Boy Chanel顯貴氣,城城出動辣跑林寶堅尼做愛的戰車,命令女友乖乖上車,盡晒香車美人放閃!



黃金單身天王郭富城,去年12月公開與33C火辣強國女方媛拍拖後,上周四城城完成15場紅館「舞林密碼演唱會」,Moka來港攻城睇足8場個場晒愛,城城在慶功宴上公開大讚女友好乖,因為不想騷擾他演出,兩人在個唱期間一直沒見面,只靠短訊聯絡;直至尾場演唱會翌日,Moka終於等到男友愛的呼喚,城城於工作後急不及待孖女友到銅鑼灣食飯,兩人終於見面解相思之苦。


推門顯風度

當晚城城到銅鑼灣出席活動,據知之後相約老友沈嘉偉一家在利園食飯,多日未見女友一面的城城,趁機帶Moka出席飯局,正式介紹女友給朋友認識,確認「準城嫂」身份。直至凌晨12時20分,記者在利園停車場見到城城和女友現身,粉紅頭的城城一馬當先步出電梯,警覺性甚高的他撳實升降機門,似特工上身雙眼周圍目及清楚環境後,再示意Moka和同行兩女友人出升降機,城城並有風度地幫她們推開玻璃門,然後跟兩女友人道別。



【特工上身】■城城於日前帶女友見兄弟後,搭升降機到停車場取戰車時警覺性甚高,伸頭出升降機外目及環境。

【Man爆推門】■城城見柔弱的Moka不夠力推門,即使出麒麟臂幫女友。


讚個唱好睇

城城和女友並肩行到停車場,當晚他出動價值約400萬元、掛上自訂車牌「SKY」的林寶堅尼Huracán LP610-4辣跑做愛的戰車,當發現記者時,城城表現十分淡定兼笑笑口,反而Moka就嚇到呆站一旁,不敢走近男友身邊,記者問城城:「咁sweet呀?同女朋友食飯?」城城大方說:「係呀,難得吖嘛!」再問女朋友對演唱會有甚麼意見?城城展露甜到漏的笑容,他見到女友不敢上前,則體貼地用普通話對她說:「沒關係,前來坐吧。」Moka乖乖聽話自己開車門上車,更甜笑讚男友個唱:「很好看,謝謝!」採訪、攝影:徐錦池、畢紹基


【唔敢行近】■Moka發現行蹤被記者撞破,驚到跟男友保持距離,不敢走近城城。DV圖片

Alexander McQueen絲巾$4,900【勝利笑容】■成功攻城的Moka被男友叫上車,即露出勝利之微笑。DV圖片

【出動戰車】■Moka坐上價值約400萬的林寶堅尼戰車,同城城返歸。



來源: http://hk.apple.nextmedia.com/entertainment/art/20160912/19767684
女友 兄弟 飽飯 一齊 車城 命令 Moka 乖乖 返歸
PermaLink: https://articles.zkiz.com/?id=308760

【罕有放閃】願為Moka公開戀情

1 : GS(14)@2016-09-13 00:19:14

手拖手



郭富城高調戀內地辣模Moka,兩人公開戀情至今9個月連環放閃,高調晒愛。


手拖手

去年12月1日,城城高調在微博貼十指緊扣相並留言:「這樣開車要慢一點!」正式公開Moka的「新城嫂」地位。



撐枱腳

上年12月4日,城城再在微博貼跟女友食飯相放閃:「這樣吃飯要慢一點……嗎?」Moka嬌嗲回應:「別皮了,快吃飯!」甜到漏!


包影院

去年除夕前一天,城城在上海收工後蜜會女友,撐完枱腳再嘆咖啡,兩人狂玩selfie又隔空咀嘴,之後更到戲院包場睇戲,節目豐富。


陪練車

今年6月,城城豪擲約2,000萬港元買法拉利FXX K,全球僅限量32部,Moka陪城城到上海取車和練車。


甜蜜撐

城城假紅館舉行15場演唱會,Moka於上月29日被發現秘密捧場,上周四尾場又高調再現身,城城望着女友唱《永遠愛不完》。




來源: http://hk.apple.nextmedia.com/entertainment/art/20160912/19767688
罕有 放閃 願為 Moka 公開 戀情
PermaLink: https://articles.zkiz.com/?id=308761

城城口味好一致?Moka有阿Lynn影子

1 : GS(14)@2016-09-13 00:19:14

城城出道以嚟,緋聞……其實唔少,隨手數嘅緋聞女友有姚正菁、鍾麗緹、朱茵、熊黛林(Lynn)、苟芸慧等,其中佢同Lynn嗰一段「情」最為人熟悉,不過留意番,城城從來都冇認過。睇番細城城23年嘅國產女模方媛(Moka),有某幾個角度好熟口熟面咁……尤其似熊黛林,特別喺嗰啲大眼、長髮同笑容,睇清啲、睇多啲,其實都幾似,有理由相信城城原來係好呢款口味嘅女子。




來源: http://hk.apple.nextmedia.com/entertainment/art/20160912/19767967
城口 味好 一致 Moka 有阿 Lynn 影子
PermaLink: https://articles.zkiz.com/?id=308763

【馮仁昭四圍超】Moka黑超倒影洩蜜

1 : GS(14)@2016-09-27 07:14:45

微博圖片





郭富城(小圖)做完15場演唱會後,最近都放緊假留喺香港,而女友方媛(Moka)亦有留喺香港陪佢。前晚城城嘅舞蹈團隊有成員結婚,佢同經理人小美都有去飲喜酒,不過Moka冇出現。噚日Moka喺微博貼出舊相,佢喺藍天白雲下同陽光玩遊戲,平時鍾意自拍嘅佢,其中一張相着住潛水衣,但黑超倒影卻有個健碩手臂嘅人為佢揸機,睇怕都係城城啦!撰文:馮仁昭




來源: http://hk.apple.nextmedia.com/entertainment/art/20160926/19781708
馮仁 仁昭 四圍 Moka 黑超 倒影 洩蜜
PermaLink: https://articles.zkiz.com/?id=310132

新城嫂Moka行頭升呢 Miu Miu袋襯星星鞋

1 : GS(14)@2016-10-10 16:14:35

郭富城前日於中環參加電動方程式(Formula E)賽事,「城嫂」 Moka亦親到香港支持男友。升呢城嫂的Moka行頭同樣升呢,早前就被影到用3萬元的Chanel手袋,戴6萬元的Cartier手錶,今次雖然就着得好casual,但手袋同鞋都是名牌貨,手袋就用了Miu Miu Nappa Crystal手袋,千億新抱徐子淇都有一個,腳就踏Stella McCartney的星星厚底鞋,這對鞋在明星界可稱得上撞鞋之冠,Angelababy、趙薇同楊千嬅都有一對。




來源: http://hk.apple.nextmedia.com/entertainment/art/20161010/19796159
新城 Moka 行頭 升呢 Miu 袋襯 星星
PermaLink: https://articles.zkiz.com/?id=311397

Lynn宣佈做人妻城城牛一帶Moka買戒指?

1 : GS(14)@2016-10-28 06:24:15

前日係天王郭富城嘅51歲生日,佢個好拍檔兼排舞師Sunny Wong就喺Instagram貼相,透露一大班人幫城城慶祝嘅情況,但相信大家心中有同一疑問,阿城城女友方媛(Moka)呢?冇理由唔現身o架……然後,昨日喺微博就流傳一張相,話係前日目擊壽星城城帶女友FY(即係Moka)去T家藍盒子買結婚戒指,仲話兩個人一直表現恩愛,仲講埋胎教問題,言之鑿鑿咁話Moka有咗,即係想話城城奉子成婚?睇番嗰張打滿晒水印嘅相,好隱約好隱約先見到有一男一女,但係個樣睇得唔清楚,係要爆相爆片嘅,畀張清少少嘅好喎……不過,喺城城生日嘅翌日,佢嘅舊愛熊黛林就突然喺微博宣佈,已經同男友郭可頌結咗婚喇!佢喺微博度放咗兩張蹺住老公手嘅相,再加一張簽字嘅相,非常簡潔。雖然話城城同熊黛林已經分咗手3年,但係始終都共度咗7年時間,舊愛成為郭太,相信郭生都會送上祝福…




來源: http://hk.apple.nextmedia.com/entertainment/art/20161028/19815032
Lynn 宣佈 做人 妻城 城城 城牛 一帶 Moka 戒指
PermaLink: https://articles.zkiz.com/?id=313831

郭富城護住去醫院城嫂Moka拎閃閃銀袋

1 : GS(14)@2016-11-27 14:27:45

郭富城和「城嫂」方媛( Moka)戀情升出水面,更盛傳婚訊。城城昨日被發現以林寶堅尼跑車和Moka去養和睇醫生,城城全程用心照顧,非常體貼,否認女友懷孕。淡妝Moka和城城一樣戴黑色口罩,全身低調黑色,但Moka揹的手袋就全銀色非常閃。銀手袋應來自Versace的Palazzo系列,全銀面配銀色金鍊鍊,相當lound。升呢城嫂的Moka,行頭一向不乏名牌,如去捧城城演唱會,就拎3萬多Chanel手袋、Cartier手錶。月前,城城落場賽車,高調力撐的Moka就拎Miu Miu Nappa Crystal手袋,配Stella McCartney厚底鞋。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161127/19846972
郭富城 護住 住去 醫院 城嫂 Moka 閃閃 銀袋
PermaLink: https://articles.zkiz.com/?id=317227

女友貼凸肚相稱小變化城城聞Moka有喜 速閃

1 : GS(14)@2017-02-12 13:52:38

【銅鑼灣】郭富城和上海模特兒方媛(Moka)去年高調晒愛,日前Moka突然在微博貼圖留言「我有一點小變化呢」,見她身穿黑色連身傘裙、腳踏高踭鞋,加上腹部微微隆起,令人容易聯想到她所謂的「小變化」是有喜,男友城城很快便會成家立室做爸爸。



【收工攰爆】■城城和小美(右)一齊離開工作室。

【撻車走人】■城城雖然封嘴不回應,但有禮貌向記者揮手。

■Moka日前自稱有小變化,被指腹部微隆似有喜。資料圖片

自稱瘦幾斤

雖然Moka很快在微博撥亂反正,解釋所謂的「變化」,其實是過年時瘦了「好幾斤」,不過跟照片所見腹部微隆卻有出入。真相惟有轉向城城求證,城城前晚11時半左右現身銅鑼灣小美工作室附近,跟小美一齊準備離開。戴住黑色口罩的城城當時一臉倦容,步向停在樓下的Porsche911 GT3 RS座駕,準備上車的城城被問到女友Moka是否懷孕?他不發一言,沒有回應即火速撻車離開,而小美就登上停在後面的七人車離去。


小美籲祝福

Moka傳出懷孕後,小美透過WhatsApp回應,她表示:「我其實並不太清楚。」又指覺得Moka只是開心share,叫大家不要想像力過份豐富,但又表示:「凡事大家都用祝福嘅心去睇係最美好嘅。」城城前晚的座駕正是大前晚余文樂用來接載女友、「皮帶大王」女兒王棠云的同一車款。城城這部是2010年以240萬購入,是平常去工作或代步之用,假如女友Moka在香港,他會出動另一部戰車,通常是林寶堅尼Huracán LP610-4辣跑,價值400萬元。採訪、攝影:吳耀輝、畢紹基




來源: http://hk.apple.nextmedia.com/entertainment/art/20170212/19925483
女友 貼凸 凸肚 相稱 變化 城城 城聞 Moka 有喜 速閃
PermaLink: https://articles.zkiz.com/?id=326547

「希望得到大家的祝福」城城圓母心願 年底娶Moka

1 : GS(14)@2017-03-26 15:38:18

■城城默認今年內會結婚,他表示:「我都51歲啦!希望得到大家嘅祝福!」資料圖片



四大天王只剩郭富城未曾成家立室!51歲的城城日前被傳與28歲女友方媛(Moka)於下月結婚。本報記者昨日向城城求證,他沒有否認結婚傳聞:「結婚係人生另一頁,乜嘢時候(結婚)容許我暫時唔講住……其實我都51歲啦!希望得到大家嘅祝福!」據悉出名孝順的城城,為圓母親心願,計劃下半年與Moka拉埋天窗!



現年51歲的郭富城前年被爆戀上海女模方媛,以往拍拖極為低調的城城,今次一反常態,自前年12月高調認愛後,經常又向身邊朋友暗示有意成家立室,不再做「冇腳雀仔」。有指他於50歲前是無婚論者,從來冇打算結婚和生兒育女,但踏入50歲後,想法完全改變,去年傳出女友Moka有身孕,更指兩人好事近,但城城都出面否認傳言,惟前日爆出兩人下月結婚,即哄動全城。其實城城最近接受訪問時,表明自己年紀不輕,是時候計劃以後的人生。前日有內地網民留言,指城城下個月要結婚:「剛才聽銀行工作人員說,她一個朋友要換港幣,說下個月父母要去香港參加表妹婚禮,表妹跟郭富城結婚,表妹是方媛。」



■28歲的上海女模特兒Moka深得城城歡心。資料圖片

■孝順仔城城知道媽媽一直想娶新抱。資料圖片


8月後放假

現時正身在無錫拍攝電影《西遊記之女兒國》的城城,估計下月中才能煞科,之後到5月初又開拍另一部警匪片,所以未來兩三個月,不可能有時間舉行婚禮,但8月後他開始放假,到時會否舉行婚禮就不得而知。不過據知情者透露:「城城一向孝順,佢覺得媽咪年紀唔細,而自己都51歲,都係時候結婚,等媽咪了咗件心事,自己又可以有一個新家庭,生個小朋友,有個幸福美滿嘅下半生。」到底城城是否下月結婚?本報記者昨向城城本人求證,他表示:「我一直都有講過要規劃一下自己嘅人生大事,不過?家都仲喺內地為電影趕工,冇乜嘢可以發表,亦希望喺呢件事上保留一啲私隱,至於乜嘢時候(結婚)請容許我唔講住。謝謝大家關心!」



■準城嫂Moka每次來港,城城定必出動名車接送。資料圖片

■Moka(右)昨凌晨相約好姊妹,未知是否商量婚事。微博圖片

■城城前年12月貼拖手相,高調認戀Moka。


或秘密註冊

再問城城如果結了婚會否公告天下?他說:「當然!其實我都51歲啦!希望得到大家嘅祝福!」問會否舉行盛大婚宴時,他就沒回應,但其身邊好友認為以城城的性格,應該不會大肆鋪張,可能秘密註冊結婚後才會告訴大家。對於城城結婚的傳聞,前晚城城經理人小美回應說:「呢個規劃會在今年內發生嘅機會亦係有嘅,而且亦都係時候。」而Moka昨日凌晨在微博貼相,她留言相約好姊妹見面,未知是否為結婚而做準備呢?採訪:鍾國仁




來源: http://hk.apple.nextmedia.com/entertainment/art/20170326/19970026
希望 得到 大家 祝福 城城 城圓 圓母 心願 年底 Moka
PermaLink: https://articles.zkiz.com/?id=328891

城嫂Moka愛A貨拎仿Rimowa篋 淘百元人仔仿Dior裙

1 : GS(14)@2017-04-15 23:27:56

本報早前率先爆Moka懷孕約兩個月,雙喜臨門,日前所見Moka穿adidas by Stella McCartney鬆身白色衞衣,遮掩身形,腳踏adidas Originals Tubular Viral波鞋,舒服為上,手挽的紙袋載有防孕吐的甜話梅,孕味濃到化不開。快將坐正城嫂之位的Moka,一向愛用名牌手袋,日前就以Lady Dior皮袋作隨身行李。以為銀色金屬篋是強國人至愛的行李箱名牌Rimowa出品?那就大錯特錯!Moka所用的銀篋是仿製品,相似度達90%,但8個角沒有圓釘,拉杆附近亦不見細小的品牌tag,價錢比近萬元的正品平一大截,一千幾百就有交易。
Moka用仿製品早有前科,早前在微博就穿Dior同款吊帶紅裙,是賣129人仔的淘寶貨,吊帶印一堆T、O、U等英文字,吊帶與長裙更是連體,與Dior2017春夏系列索價$69,000的長裙,以及分拆作內搭的$9,300繡品牌名字的bra有別。




來源: http://hk.apple.nextmedia.com/entertainment/art/20170415/19990667
城嫂 Moka 貨拎 拎仿 Rimowa 百元 人仔 仔仿 Dior
PermaLink: https://articles.zkiz.com/?id=330652

為網店做生招牌試新裝城嫂Moka狂練「影后」甫士

1 : GS(14)@2017-04-16 14:41:12

天王郭富城盛傳喺今個月同已註冊登記結婚嘅女友方媛(Moka)擺喜酒,男方昨日飛咗去飛去北京,出席北京電影節,城嫂呢?社交平台冇特別動靜,唔知係咪做咗跟得夫人上北京,定係乖乖哋籌備佢同城城嗰場低調嘅婚禮。睇番Moka個微博,待嫁嘅佢仍然好有事業心,努力為自己間網店拉生意,更親自着上新裝示範,不過……細心睇吓啲相,啲style咁相像嘅……一味畀個背脊大家睇,但又唔見得係大露背,定係件衫後面有咩特別設計或cutting,何解呢?有指Moka今次係雙喜臨門,日前現身香港機場時,又鬆身衫又話梅咁孕味勁濃,唔通係城嫂想用個背脊嚟呃視線遮孕肚?睇真啲,其實Moka都有正面相,只係相對地少啲,背面相比較多,但張正面相,髮色有啲唔一樣,話係早前影落嘅都講得通。唔知Moka呢批「影後」照,係咪要嚟襯番影帝城城呢?……(Sorry,爛gag一個…)至於城城呢,近日佢就去咗北京出席北京電影節,昨晚就現身星?娛樂搞嘅一個大型party,《西遊記:女兒國》嘅殺青酒會,現身嘅仲有馮紹峰、趙麗穎、小沈陽、羅仲謙等等,有傳城城今個月中就會結婚,唔知係唔係因為咁,所以當晚特別容光煥發呢?




來源: http://hk.apple.nextmedia.com/entertainment/art/20170416/19991771
網店 做生 招牌 新裝 城嫂 Moka 狂練 影後 甫士
PermaLink: https://articles.zkiz.com/?id=330753

【馮仁昭四圍超】城城擬為Moka申請留港定居生B

1 : GS(14)@2017-04-22 10:22:32

■城城前日娶年輕22年嘅Moka,加上有喜雙喜臨門。





現年51歲嘅郭富城,前日喺尖沙嘴半島酒店迎娶29歲內地模特兒方媛(Moka),加上佢已有身孕可謂雙喜臨門。前晚城城嘅婚宴酒席一啲都唔失禮,有燕窩、花膠同鮑魚呢類名貴菜式,但冇魚翅,都算環保。一對新人送完賓客之後,大約凌晨兩點工作人員搬大量行李同禮物,送上泊喺後門嘅七人車,之後一對新人上車,返回大坑寓所。噚日佢哋就留喺屋企休息,城城為咗應媽咪「開枝散葉」嘅要求,會加倍照顧好老婆。



■沈月(中)前晚跟老竇沈嘉偉同媽咪邱淑貞一齊離開城城婚宴。

■噚日凌晨,工作人員幫城城搬行李上車。

■排舞師兼好友Sunny噚日對Moka懷孕一事,同小美統一口徑表示唔知情。

Sunny冇出賣老友

一對新人暫時未去度蜜月,城城會暫時休息一陣,下個月就拍新戲,而Moka粗身大細,又未拎到居留權,所以要中、港兩邊走,城城知媽咪好期待粒孫出世,為咗方便照顧大肚Moka安胎,將會申請Moka來港定居,有傳已plan好喺香港生B。城城好友Sunny Wong同胡琳噚日喺觀塘出席一樓盤活動,講到前晚城城婚宴,Sunny話:「好開心好感動,見到阿王(城城)踏入人生另一個階段。」但唔肯講婚禮詳情。對於前日有接新娘片段流出,佢就話唔關自己事。網上又流傳話城城外父喺婚禮上同城城講自細聽佢嘅歌,問Sunny有冇聽到?佢話:「我忙住做兄弟冇聽到。」問到城城雙喜臨門,Sunny話:「咁快?我冇問喎!」至於城城會唔會度蜜月或返內地再擺酒?Sunny一概話唔知。撰文:馮仁昭



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170420/19994941
馮仁 仁昭 四圍 城城 城擬 擬為 Moka 申請 留港 定居
PermaLink: https://articles.zkiz.com/?id=331067

Moka急刪凸肚照

1 : GS(14)@2017-04-30 15:22:12

■從Moka的太陽眼鏡看到她肚凸凸。互聯網圖片



51歲郭富城本月18日在半島酒店迎娶29歲內地女模方媛(Moka),盛傳Moka奉子成婚,城城亦默認雙喜臨門。城城昨日到上海出席浪琴環球馬術冠軍賽。被問到Moka懷孕傳聞時,他只是笑說:「謝謝大家。」他透露工作太忙,所以沒時間度蜜月。



■城城昨日笑騎騎出席活動,心情大靚。

Moka昨在Instagram貼上一張自拍照,相中的她不但上圍極豐滿,猶如谷奶中,而且她更被相中太陽眼鏡出賣,從眼鏡中清楚看到Moka肚凸凸,但照片放上Ig沒多久,Moka即將照片刪除,明顯知道「出事了」。撰文:魯吉



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170430/20006171
Moka 急刪 刪凸 凸肚 肚照
PermaLink: https://articles.zkiz.com/?id=332044

城城開工前揸法拉利整髮陀女Moka上海新屋安胎

1 : GS(14)@2017-05-01 11:57:42

【去換Look】■郭富城日前趁未開拍新戲,單拖現身中環置地剪髮。




【中環】51歲天王郭富城升呢做人夫後,仍未公佈29歲內地老婆方媛(Moka)懷孕雙喜臨門,但城嫂的大肚已經遮不住了,據知,兩人的首個愛情結晶是小公主,預產期9月,揀好在香港的富豪級醫院養和出世,由於城城將要到外地拍新戲,城嫂已跟父母返上海安胎,擺駕入住老公賜贈的城堡。城城日前趁未開工,駕着值逾500萬的法拉利戰車,現身中環整頭髮。



郭富城於上月18日在香港半島酒店娶方媛,當時着裙褂的她腹部隆起孕味濃,但城城一直守口如瓶未承認老婆懷孕,前日他在上海出席活動,被問到老婆是否大肚,城城依然笑而不答,只透露將跟周潤發合作新戲,太忙沒時間度蜜月。


養和分娩

不過,據Moka的閨蜜爆料,指她已懷孕逾三個月,已經知道陀女,預產期是9月,城城很期待小公主出世,早前更斥資在上海買了一個較大的單位送給老婆,讓她可以在家人照顧下專心安胎,不過,BB就會在香港出世,更已定好在養和醫院生B。四大天王的劉德華及張學友巧合地都是生女,大家都是外父相。本身在上海居住的Moka,雖然嫁雞隨雞,但仍未適應香港的生活,在港沒有太多朋友,加上城城因工作太忙,經常不在港,本月就要開拍莊文強執導的新戲,分別到泰國和加拿大取景,完全沒時間照顧懷孕妻,故Moka早前已跟父母返上海,入住老公送贈的新屋安胎,今次城城到上海工作,就可以順道慰妻。Moka前晚秒刪肚凸凸的相片,之後再貼另一張相,今次好小心沒在黑超中現凸肚,只見到手上的疑似婚戒。



【泊靚跑】■城城先將法拉利戰車泊在大會堂附近的停車場,剪髮後再到停車場取車回家。

【轉車坐】■城城出巡中環十分大陣仗,自己駕駛跑車,又轉坐七人車到髮型屋。

Moka雖然一直對外聲稱是上海人,但她的身份證上清楚顯示是安徽南陵人,其家鄉是安徽省蕪湖市南陵縣弋江鎮蒲西村。有指她在蒲西村的蒲橋中學讀書,初中畢業後便到了上海,曾做會計,後來成為平面模特兒,認識城城之前已在上海買層細樓,父母就一直在家鄉生活,直至結識了天王郭富城,才改寫其人生。Moka的初中校友早前專程到其老家玩網上直播,令她老家的舊平房曝光。鄉親們大讚Moka好命,能夠嫁到有名有利的香港天王。採訪:鍾國仁攝影:徐錦池、孔志豪



【晒婚戒】■Moka前晚在Ig貼新相,左手疑似戴着婚戒。

■Moka上月18日在半島酒店嫁城城,據知她今胎陀女,囡囡已定於9月在養和出世。資料圖片

■據知Moka已在父母陪同下返上海,入住城城買的新屋安胎。資料圖片

難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170501/20006955
城城 開工 法拉利 法拉 整髮 髮陀 陀女 Moka 上海 新屋 安胎
PermaLink: https://articles.zkiz.com/?id=332157

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019