ZKIZ Archives


Celine夫舉殯電視直播

1 : GS(14)@2016-01-23 19:29:37

加拿大天后Celine Dion的丈夫Rene Angelil上星期癌症離世,其喪禮於加拿大時間本周五下午3點舉行。Rene的遺體被運到蒙特利爾聖母聖殿,由於該處正是他與Celine在21年前之婚禮場地,未亡人Celine當然百感交集。Rene舉殯當日安排公眾瞻仰遺容,並作網上及電視直播,Celine與囝囝在遺體前顯得哀傷,她更傷心到要用手巾拭淚。





來源: http://hk.apple.nextmedia.com/entertainment/art/20160123/19463298
PermaLink: https://articles.zkiz.com/?id=294890

天后王菲機場look繼續全身愛牌Celine

1 : GS(14)@2016-10-02 13:35:32

巴黎時裝周進行得如火如荼,天后王菲日前都現身北京機場出發巴黎,一直是Celine死忠粉絲的她將會去看品牌的春夏騷。王菲日前上機時,穿了一身Celine total look,以米白色sweater搭配藍色wide-leg pants,再加一個Twisted Cabas手袋,和出門必備的太陽眼鏡,貴為時尚icon的她,就算是一身casual look,都依然顯得時尚有型。王菲腳踩一對白色sneakers,貼潮之餘,亦示範了何謂正宗casual chic。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161002/19788632
PermaLink: https://articles.zkiz.com/?id=310986

王菲就是潮再搶閘着Celine未發佈早春新裝

1 : GS(14)@2016-10-10 04:28:31

王菲日前去2017春夏巴黎時裝周,捧愛牌Celine場,當日身穿連品牌官網都尚未發佈的2017早春系列透視上衣、黑色長褸及西褲,騷出「我就是潮流」的氣勢。阿菲卸用化妝師好友Zing隨行,連日都在IG po巴黎之旅相,其中一張見阿菲手持飲品,有型豪邁地在梳化上翹腳,身穿的混色織物樽領衫、長褲、平底鞋,又是來自品牌2017早春系列。2017早春系列要今年11月才落鋪開售,想即跟阿菲潮穿悠閒minimal look,已經in store的秋冬系列都有近似的樽領織物。




來源: http://hk.apple.nextmedia.com/entertainment/art/20161009/19795590
PermaLink: https://articles.zkiz.com/?id=311294

王菲專一愛Celine孭新款袋現身愛牌總部

1 : GS(14)@2016-12-11 14:12:51

即將在年底舉行《幻樂一場》演唱會的天后王菲,衣著一向有型有格,無論什麼造型衣服,只要放在阿菲身上,都會變成潮流與時尚,不過阿菲出名愛Celine,無論開記者會、現身機場,又或者行街,都會揀穿Celine。早前阿菲飛了去巴黎,並且現身品牌的headquarters,當時阿菲亦愛牌上身,孭了品牌的Trotteur手袋,所用的拼色設計屬於新季款式,設計簡約實用,線條俐落,備有大、中、小三個呎碼,而阿菲就用了最大的size。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161211/19861927
PermaLink: https://articles.zkiz.com/?id=319211

鬼怪新娘金高恩 Celine、Saint Laurent靚袋換不停

1 : GS(14)@2017-01-26 07:44:03

由孔劉、金高恩、李棟旭、劉仁娜等主演的人氣韓劇《鬼怪》日前已經播出大結局,最後都算係Happy Ending。睇韓劇除了帥氣OPPA之外,服飾造型亦是注目重點。劇中的金高恩由學生長大成人,頭髮剪短了,造型亦變得成熟時尚不少,最後三集的更不停變換搭手袋搭配造型。在第14集,分別孭了Celine的Class及Micro Belt手袋;劇尾時又用了Saint Laurent的Sac De Jour手袋。在第15集,就孭了Givenchy Nightingale Satchel手袋,搭配不同的長褸look,都顯得隨性又時尚。




來源: http://hk.apple.nextmedia.com/entertainment/art/20170124/19907226
PermaLink: https://articles.zkiz.com/?id=324006

鄭秀文穿Celine紅裙搶眼飄女神味

1 : GS(14)@2017-02-12 13:52:38

鄭秀文(Sammi)與張孝全日前現身北京,出席二人主演的電影《合約男女》的首映會。Sammi特別揀穿了一身紅裙,造型搶眼又有女人味。
Sammi所穿的長裙連身裙來自Celine2017春夏系列,雪紡的設計,顯得輕柔又飄逸,更上一曲長長曲髮,甚有女神feel,非常美艷。Sammi搭配了同樣來自Celine的珍珠耳環,腳上的一對金色尖頭高踭鞋,為造型增添了型格與時尚。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170212/19925893
PermaLink: https://articles.zkiz.com/?id=326546

挑機《全美一叮》訓練兩年9歲Celine歌藝震撼 點擊逾2千萬

1 : GS(14)@2017-06-18 11:18:10

■Celine與妹妹Dion(右)親手給爹哋做父親節心意卡。攝影:沈健程



【《蘋果》專訪】蕭定一旗下年僅9歲藝人、「香港小巨肺」譚芷昀(Celine)前年曾出戰英國音樂節目《全英一叮》(Britain's Got Talent),最近再下一城挑機美國才藝節目《全美一叮》(America's Got Talent),該節目的預告片前晚上載facebook及YouTube,截稿前已累積逾2000萬瀏覽。片中所見,Celine獻唱《My Heart Will Go On》歌藝技驚四座,全場觀眾喝采,評判Simon Cowell、Heidi Klum和Mel B也拍掌,Celine媽咪更感動到喊,英美媒體大讚Celine歌聲震撼。



■Celine近日參加美國才藝節目《全美一叮》,預告片在網上熱播。互聯網圖片

■《全美一叮》評判團對Celine表現一致好評。互聯網圖片

■Celine爸媽及妹妹都親到現場打氣,媽咪更看到感動流淚。互聯網圖片


養聲戒薯條

據知節目於美國時間本周二播出,Celine將順利晉級。蕭定一昨關賣子:「我哋簽咗保密協議,唔講得,不過係件開心事。」揚威海外的Celine有個歌唱老師爸爸譚順生,由她3歲開始栽培,譚爸爸昨日在電話說:「Celine參加咗《全英一叮》後,接到《全美一叮》邀請出賽,為咗呢次比賽,訓練咗足足兩年,Celine享受唱歌,初學三年打好基礎,每星期至少練習20小時,我逢周日唔教學生,淨係同囡囡練習。」譚爸爸強調唱歌有助囡囡快樂成長。小小年紀的Celine明白養聲的重要,自覺性戒吃煎炸食物,譚爸爸爆料:「Celine冇食薯條三年,有時佢表現好,我會獎勵買一包畀佢,Celine食兩條就唔食,養聲一定要身體好。」Celine每天用課餘時間練琴和練聲,譚爸爸續說:「佢唔睇電視,晚上9點瞓,瞓前有一小時上YouTube揀歌聽。」


心意卡冧父

Celine日前與妹妹Dion提早跟爸爸慶祝父親節,兩姊妹又唱又跳,還畫心意卡及不停向爸爸講「我愛你」,冧暈爹哋。譚爸爸講到近日Celine剛應付一個聲樂考試:「佢一take就考咗8級,成件事只不過係兩個月,佢好勝,壓力大,我同佢講做唔到當一個經驗,攞到咪當bonus。」採訪:劉敏、黃曉妍




來源: http://hk.apple.nextmedia.com/entertainment/art/20170618/20059509
PermaLink: https://articles.zkiz.com/?id=335764

被數臭史發聲明指家長搵上門Celine爸捐8萬學費 向家燕姐道歉

1 : GS(14)@2017-06-22 07:42:23

■家燕姐前日力數Celine爸搶學生不道義,昨日現身電視城時封嘴不再談論。



九歲小巨肺譚芷昀(Celine)日前在美國參加《全美一叮》名揚國際,因女之名的譚順生卻被連環爆臭史,入行近60年的薛家燕都爆seed,狠批Celine爸為人不道義撬學生,昨Celine爸發聲明辯稱在盛情難卻下答允家長要求,願以家燕姐名義將八萬元學費捐保良局,跪低認衰:「本人深感抱歉!」



年僅九歲的香港女孩譚芷昀自小已停不了參加歌唱比賽,多年前曾經是「家燕媽媽藝術中心」的學生,其父譚順生更向家燕姐自薦擔任歌唱導師,日前Celine在《全美一叮》(America's Got Talent)節目唱《My Heart Will Go On》一鳴驚人,父憑女貴的Celine爸為人卻惹非議,現年67歲的前輩藝人薛家燕都要爆seed,前日接受訪問怒轟Celine爸:「做我哋呢行,尊重行規,咁你自薦上嚟教,就算學生要補課或點樣上堂,都係要同我商量,唔係嗌學生去佢個工作室上堂嘅。」



■Celine父女日前現身機場離港,據知目的地是美國,似乎是繼續參加《全美一叮》比賽。

■Celine爸昨發聲明辯稱是盛情難卻教學生。


自稱有渠道

佛都有火的家燕姐說:「逐個逐個學生去咗佢度上堂,啲學生話學費好貴,我收二千幾,佢成萬幾蚊,走返嚟問我哋。佢喺我度教咗半年左右啦,咁我覺得『咦,呢個人道義上有啲問題喎,咁我決定唔用佢。』」Celine於2014年參加內地《中國新聲代》節目,其實是家燕姐幫忙搭路,但Celine爸卻在網頁宣傳有渠道安排學生參賽,家燕姐沒好氣說:「係啲學生話番畀我聽,我就得啖笑,不過呢啲嘢過咗去,我都好開心佢個女喺《全美一叮》攞到個名譽,係一件好事。」對於被家燕姐指控硬撬學生不道義,跟女兒身在美國的Celine爸昨發聲明,辯稱自己是盛情難卻:「當時有三位學生在家燕媽媽藝術中心報名參加群體歌唱課程,中途該三名學生的家長,曾多次誠意邀請本人擔任他們的私人歌唱老師,盛情難卻下,本人亦確有答允該三位學生之家長要求。」



■Celine日前在《全美一叮》參賽,表現一鳴驚人。資料圖片

■Celine父母和妹妹當日都有撐場,媽媽更感動到哭了。資料圖片

■家燕姐表示是由她搭路,Celine才可以參加內地《中國新聲代》節目。


捐贈保良局

不過,Celine爸最終亦跪低道歉及捐出八萬元學費:「上述事件若令家燕姐帶來不便及麻煩,本人深感抱歉;而本人會以家燕姐名義,將該三名學生之學費,全數捐贈保良局。一直以來本人及小女Celine對家燕姐非常尊重,並且感謝家燕姐對Celine的賞識及眷顧。」對於Celine爸爸的聲明,家燕姐昨現身電視城時封嘴:「佢嘅嘢我唔回應嘞。」此外,昨日本報亦收到多名讀者投訴Celine爸,一名自稱是其開設獵頭公司前員工表示,Celine爸經常強迫員工一人做幾個人工作,自己試過被迫開OT學寫網頁;另一名曾在歌唱中心做實習的前員工,則稱被指工作質素不佳而要扣薪。採訪:嵐山




來源: http://hk.apple.nextmedia.com/entertainment/art/20170621/20062809
PermaLink: https://articles.zkiz.com/?id=336199

Kelly驚嘆Celine爸教得好

1 : GS(14)@2017-06-22 07:42:24

陳慧琳(Kelly)昨日與楊千嬅在尖沙嘴出席護膚品牌揭幕禮,為護苗基金籌得一百萬善款。談到九歲的譚芷昀參加美國的《全美一叮》迴響好大,Kelly說:「我都想搵佢爹哋學,唱到好勁,點教㗎,教吓我好過。」對於有負評指Celine失去童真,Kelly說:「冇辦法,只係一段時間啫。」問可希望囝囝一樣叻?她笑指沒有可能,又說暫未知囝囝哪方面有天份。千嬅透露暑假打算送囝囝Torres去其他家庭過夜,希望他學守規矩及自理能力,千嬅說:「我想搵Kelly㗎,因為佢嗰個係哥哥,等哥哥教佢學啲好嘅嘢。」採訪:羅慧敏攝影:陳俊強箒




來源: http://hk.apple.nextmedia.com/entertainment/art/20170621/20062816
PermaLink: https://articles.zkiz.com/?id=336201

Celine爸爸道義上有問題?薛家燕:希望佢唔好影響到個女

1 : GS(14)@2017-06-22 08:03:19

近日因為參加《全美一叮》(America’s got talent)嘅比賽片段一夜成名嘅Celine(譚芷昀),前日就同爸爸一齊現身機場,搭飛機去旅行。不過人紅就梗係是非多啦!有人直指親手培養Celine妹妹嘅爸爸譚順生有問題,而苦主竟然係家燕姐!事源Celine曾經係「家燕媽媽藝術中心」嘅學生,而Celine當年仲係喺家燕姐介紹下去大台參加節目,其後喺2014年參加《中國新聲代》亦係由家燕姐穿針引線,不過家燕姐就好似對譚爸爸有微言。問及家燕姐係咪一早認識Celine爸爸?佢話:「係呀,Celine大約四五歲嗰陣就嚟家燕媽媽嗰度學嘢,我認識佢(譚先生)就應該係新城電台嗰陣識,佢唔知係咪參加個比賽定乜嘢,我唔記得,見到佢囡囡好精靈,同埋同聲好靚,咁我就問佢有冇興趣嚟我哋學校上堂呀?咁佢就嚟咗上演藝班嘅。佢爸爸教佢唱歌嘛。」原來譚順生後來成為「家燕媽媽藝術中心」嘅導師,家燕姐話:「後來佢爸爸(即譚先生)就上嚟自薦,話想喺我哋度做音樂導師,咁好啦。」咁之後發生咩事令家燕姐對譚順生有戒心?佢苦笑話:「應該係話失望。做我哋呢行,尊重行規,咁你自薦上嚟教,就算有乜嘢學生要補課,或者係要點樣上堂,都係要同我商量,就唔係嗌啲學生去佢個工作室上堂嘅。」家燕姐續指:「我最初都唔知嘅,咁逐個逐個學生去咗佢度上堂,啲學生話學費好貴,我收二千幾,佢成萬幾蚊,走返嚟問我哋,問『家燕媽媽知唔知我哋去佢度上堂好貴呀?上完又要再俾。』我就『吓?點解會咁㗎?』因為我就冇理到佢嗌啲學生去佢度上堂。我都唔知佢點聯絡啲學生,梗係逐個學生攞電話啦。就算個學生要上乜嘢堂,佢都應該要同我講聲。咁我諗起碼…佢喺我度教咗半年左右啦,咁我覺得『咦,呢個人道義上有啲問題喎,咁我決定唔用佢。』家燕姐不忙大讚Celine唱歌有天份同好乖。所以有合適工作都會安排畀Celine妹妹,佢話:「推薦過佢去無綫拍MV同母親節節目,大陸都有個《中國新聲代》。當時佢好似想去參加,但參加唔到,咁可能嗰期嘅年齡問題,咁佢有同我講,我話好吖,睇下我嘅關係可唔可以幫到佢,咁後來聯絡到湖南衛視畀佢上嗰個節目。」有指Celine爸爸當正自己有渠道安排學生去比賽,仲喺網站宣傳,家燕姐笑說:「係呀,佢話自己關係好,如果邊個想去就搵佢啦,哈哈哈哈。係啲學生話番畀我聽,我就得啖笑,唉,佢個人都係有點那個,不過真係其實呢啲嘢過咗去架喇,我都好開心佢個女,今次係《全美一叮》攞到個名譽,係一件好事,不過都提一提佢爸爸,以後安排自己做嘅嘢唔好影響佢個女。」對於好多人擔心Celine太細個唱歌會影響學業?家燕姐就認為唔會:「佢媽媽都ok,只係佢爸爸係佢經理人,所以處理事方面自己要留意。」而同樣喺「家燕媽媽藝術中心」工作過嘅蔡立兒回應《蘋果》話:「非常感激家燕姐之前給我機會在藝術中心教小朋友唱歌,任教時及現在都不認識及不曾接觸過譚先生及他的女兒Celine,所以對此事一無所知,不便參與任何意見!」




來源: http://hk.apple.nextmedia.com/entertainment/art/20170620/20062227
PermaLink: https://articles.zkiz.com/?id=336340

Next Page

ZKIZ Archives @ 2019