ZKIZ Archives


陳奕迅Wyman「齊整」賀阿徐

1 : GS(14)@2015-03-23 09:00:09





徐濠縈(阿徐)本月七日在巴黎工作中度過四十一歲生日,老公陳奕迅亦專登飛去慶祝,前晚,老友黃偉文(Wyman)及figure大師Michael Lau夫婦為她補祝食日本菜。年前曾傳出Wyman與Eason因演唱會歌曲版權鬧出不和及因財失義,之後二人都分別澄清,表示友誼不變,份屬好朋友。在合照中,Eason與阿徐捧蛋糕時,Wyman更搞氣氛擘大個口,與Eason齊齊扮鬼扮馬。
Wyman花心思送阿徐英文名Hilary的朱古力醬,他留言表示:「齊齊整整吃頓生日飯。belated happy birthday, Miss34510!」,以阿徐馬拉松最佳個人時間三小時四十五分十秒稱呼她。撰文:唐如





來源: http://hk.apple.nextmedia.com/entertainment/art/20150323/19085986
陳奕迅 Wyman 齊整 賀阿 阿徐
PermaLink: https://articles.zkiz.com/?id=288812

趙式芝阿徐急晒Apple Watch

1 : GS(14)@2015-04-25 09:08:08

Apple Watch昨日正式到貨,不少星級「果迷」收到新錶後急不及待晒錶,包括趙世曾女兒趙式芝、潮人徐濠縈及陳冠希契細佬潘世亨等。其中趙式芝揀了白色錶帶款,她在facebook晒新錶,而潘世亨則買了黑色錶帶運動型款。此外,阿徐在Instagram玩逐格睇,由拆盒、叉電,到戴上手試玩功能,她以條子裝襯她的白色Apple Watch。阿徐的友人不斷讚好,其中丁子高更留言問:「好唔好用。」,阿徐回覆:「學習中。」她所揀的白色運動錶帶鋁金屬款,有大小size,當中有38mm及42mm款式。撰文:唐如





來源: http://hk.apple.nextmedia.com/entertainment/art/20150425/19124387
趙式 式芝 芝阿 阿徐 徐急 急曬 Apple Watch
PermaLink: https://articles.zkiz.com/?id=289926

我Q你答問會:全智賢 VS 老婆阿徐Eason只能揀一個

1 : GS(14)@2015-06-10 09:01:59

■陳奕迅被問到有關脫髮問題時,他瀟灑回應。攝影:陳志嵐髮型:Derek Li@Xenter化妝:Karry Wong


連續一星期刊登的《我Q你答問會》,第二彈輪到「吹神」陳奕迅(Eason)嚟玩啦!日前Eason到將軍澳蘋果大樓坐定定,喝着咖啡睇16位在銅鑼灣行街的讀者的提問,連揀A餐定B餐的有趣問題,他都無條件地爽快答大家。有讀者問Eason閉起雙眼會掛念誰?他的答案竟然不是「老婆徐濠縈」而是另一位女藝人的名字,完全不怕被老婆扭耳仔。採訪:皓騫、魏嘉琳



■Eason話好想演丁蟹,因為「未試過揼人落街」。

■Eason話自己有陪過老婆徐濠縈跑步,但因為步速唔同,所以唔再陪。




1.呂同學:我想問你《大時代》裏面想做邊個角色呢?

Eason:呢個學生講嘢好快,同埋笑容好靚。都係丁蟹啦,我未試過揼人落街,連續揼4個,嗰種狀態已經失去理智,好狠!




2.彭同學:幾耐去一次炳記(茶檔)?點解撞極都撞唔到你?

Eason:呢位男同學有啲嗲,我其實朝早去炳記多啲,佢6、7點開門,可能你返咗學啦,炳記都正。




3.劉同學:你早餐會食A餐多定B餐多?

Eason:(大笑)乜嘢料?我冇理A、B喎真係,我就咁指住個牌,通常食五香肉丁公仔麵、腸蛋,唔知A、B乜嘢餐。




4.顏小姐:你老婆靚啲定全智賢靚啲呀?

Eason:嘩!(諗咗30秒)好難答喎呢題,各有各靚啦,我同我老婆熟啲,對一個人有感情,梗係唔同啲,問得幾好喎呢題。




5.黃先生:可唔可以唱兩句《無條件》畀我聽呀?

Eason:「當潮流愛新鮮,當旁人愛標籤」




6.王小姐:你最近有冇買CD?有邊個歌手推介吓?

Eason:外國買咗Blur《魔鞭The Magic Whip》,本地就盧凱彤《Pillow Talk》、李榮浩兩隻碟都鍾意,楊千嬅、梁漢文又未出,你試吓搵武漢樂隊逃跑計劃,好嘢嚟。




7.李小姐:你個女咁靚,如果佢帶男仔返屋企叫你Uncle,你會點反應呀?

Eason:多謝先呀,叫我Uncle我覺得啱,唔通叫我哥哥,叫我Uncle都幾有禮貌。




8.蕭小姐:你扮鹹(譚)校長同張學友咁叻,你仲識扮邊個呀?

Eason:(抵死地)邊個叫鹹校長?我其實幾鍾意扮郭富城,通常都係圍內,好欣賞佢仲係咁fit,同埋佢啲歌真係幾好聽。




9.黃小姐:你瞓覺有冇鼻鼾㗎?

Eason:我真係唔知,聽聞有,都幾大聲。




10.梁先生:你認為一段關係點先係無條件?

Eason:我個人好少有條件,唔識答,我冇乜要求,簡單咪得囉,唔好諗咁多。





來源: http://hk.apple.nextmedia.com/entertainment/art/20150610/19178539
答問 全智賢 VS 老婆 阿徐 Eason 只能 一個
PermaLink: https://articles.zkiz.com/?id=290757

那些年劉華力捧過的女生阿徐伴舞狂收負皮

1 : GS(14)@2016-03-19 22:15:55

又到講歷史時間,主角繼續係劉德華同佢long long time ago嘅愛將,除咗久違了嘅陳少霞,想當年,劉德華其實仲有兩個愛將,唔知大家有冇印象呢?第一個--徐濠縈,冇錯,你冇睇錯,係大家所認知嘅E神嫂、肯雅徐、康堤阿媽、潮流icon……!當年,同樣係90年代,正確啲嚟講,係92年,18歲卜卜脆嘅徐濠縈畀劉德華發掘,加盟「天幕」成為藝人。當時眼矇矇鼻唔細嘅徐濠縈,仲畀人話佢似足華仔個妹。得到老闆賞識,徐濠縈同年先後做咗華仔《謝謝你的愛》同《一生一次》嘅MV。93年劉德華喺紅館開20場演唱會,徐濠縈仲做埋劉華嘅伴舞嘉賓,風頭一時無兩,可惜當年外間對阿徐嘅反應認真麻麻,劉德華為咗顧全大局,亦要忍痛易角,臨時拉夫搵咗好友關之琳頂阿徐個位……。阿徐出道嘅第一部作品《天長地久》,就係飾演華仔個女,可惜星運一般,及後離開天幕之後,同陳少霞一樣,轉投無綫,但發展平平,徘徊喺二、三線角色之間,如《忘情闊少爺》、《天降財神》同《真命天師》,直至99年邂逅E神,扭轉命運……過去一段黑歷史,相信連E神嫂都唔多記得囉!第二個--亞視出身嘅劉錦玲當年畀華仔睇中,覺得佢有一種獨有氣質,即係o依家所講嘅「仙氣」。當年華仔更大膽起用劉錦玲做當時投資嘅電影《天長地久》擔正做女主角——係喇,即係徐濠縈做華仔個女嗰部,結果票房同口碑得出一個字--差。事後劉華亦承認呢套戲令天幕蝕得好甘,唔單止蝕錢,外界仲批評劉德華,唔應該搵一個藉藉無聞嘅新人去襯自己。錢銀事少,面子事大,自此,劉錦玲再冇出現喺華仔投資嘅電影。失落大銀幕,劉錦玲95年加盟無綫,拍過幾齣電視劇,最有印象都係《天龍八部》入面做深愛喬峰嘅阿朱。10年前約滿無綫息影,轉行賣保險,從此消失於幕前。





來源: http://hk.apple.nextmedia.com/entertainment/art/20160319/19536473
那些 年劉 華力 捧過 過的 女生 阿徐 伴舞 狂收 收負 負皮
PermaLink: https://articles.zkiz.com/?id=298501

阿徐豪洗百萬狂掃50卡鑽飾冇手軟

1 : GS(14)@2016-05-25 10:04:07

昨日有報道指徐濠縈之前行珠寶店,即睇中價值百萬元嘅鑽石鏈加耳環,估計成50卡,認真夠豪氣。話晒Eason曾經講過錫太太,任老婆買嘢,難怪阿徐一掃就百萬蚊,據知阿徐同友人合資開嘅時裝店近幾月有傳生意唔係太理想,只留番銅鑼灣總店,兩間分店均不續租,但係阿徐買衫、首飾嗰啲,一啲都冇手軟。





來源: http://hk.apple.nextmedia.com/entertainment/art/20160525/19626080
阿徐 徐豪 豪洗 洗百 百萬 萬狂 狂掃 50 卡鑽 鑽飾 飾冇 手軟
PermaLink: https://articles.zkiz.com/?id=301459

超儀賣甩阿徐獨撐LMF

1 : GS(14)@2016-10-10 16:14:32

■超儀興奮上台為LMF助興,但未見老公陳子聰同行。



樂隊LMF前晚在九展開騷,以往何超儀會約徐濠縈去捧場,但前晚阿徐去睇曹星如拳賽,超儀單獨撐LMF。據悉阿徐早前在Instagram公開了超儀老公陳子聰病癒近照,令超儀夫妻十分介懷。



■阿徐前晚沒有與超儀捧LMF場,反而去睇拳賽。

LMF於騷後受訪,被問到好友陳子聰沒現身,是否派超儀上台做代表?LMF說:「唔係,超儀睇得好興奮,即興衝上台。」對於在個唱中直指香港好荒謬,MC仁說:「太多共產黨仲唔荒謬?每一份報紙都係共產黨嘅,689仲喺度,點會唔荒謬,殺人放火金腰帶,而家唔相信報道,新聞係畀佢哋想我哋睇到嘅嘢,我唔想同蠢人睇埋同一樣嘢。」採訪:王連連攝影:陳慧安




來源: http://hk.apple.nextmedia.com/entertainment/art/20161010/19795878
超儀 儀賣 賣甩 甩阿 阿徐 徐獨 獨撐 LMF
PermaLink: https://articles.zkiz.com/?id=311385

康堤同阿徐平頭睇Eason打網球

1 : GS(14)@2016-10-11 08:11:52

■Eason要在兩分鐘發球打倒對面場的網球樽。



陳奕迅(Eason)昨日以推廣大使身份,參與在維園中央網球場舉行的首屆「Can Challenge慈善領袖賽」,太太徐濠縈與女兒康堤捧場。Eason與女子網球前世界排名第一的禾施妮雅琪同隊,要在兩分鐘內打倒對面場上的網球樽,Eason最終擊中一支網球樽。



■12歲的康堤與媽媽徐濠縈身高相若。

12歲的康堤以短褲晒腿示人,其身高已與媽咪相若,不過面對鏡頭仍比較怕醜,不時低着頭。賽事結束後,Eason不停與場內嘉賓合照及簽網球,更有女運動員要求抄牌,Eason大方問助手拎出手機交換聯絡方法,而阿徐和女兒離場時則不停回望老公。採訪:馬建華攝影:仇志德




來源: http://hk.apple.nextmedia.com/entertainment/art/20161011/19796977
康堤 同阿 阿徐 平頭 Eason 網球
PermaLink: https://articles.zkiz.com/?id=311537

阿徐用Chanel vintage康堤孭agnès b.

1 : GS(14)@2016-10-12 07:52:33

徐濠縈(阿徐)既是潮人又是跑步狂熱分子,所以周不時都以sporty風格潮裝打扮。阿徐前日就仗人做跟得夫人,同陳奕迅現身香港網球公開賽。阿徐穿上Nike bra top外襯魚網衫加牛仔褲,sporty兼casual,另外再襯一個金色鎖鏈孭帶的Chanel背囊,經典又lady的2.55格紋設計,是vintage款式,發揮mix& match功力,upgrade整個造型。一齊出現的囡囡康堤就着adidas運動裝,同媽咪一樣襯個時裝品牌的手袋,康堤就用受年青人歡迎的agnes b.,近年大熱的水桶包款,繼承阿徐的fashion sense。更多美容、時尚新聞,即上:http://add.appledaily.com




來源: http://hk.apple.nextmedia.com/entertainment/art/20161012/19798020
阿徐 徐用 Chanel vintage 康堤 agn b.
PermaLink: https://articles.zkiz.com/?id=311703

阿徐:同超儀情不變

1 : GS(14)@2016-10-13 08:09:34

徐濠縈、鄭秀文及張智霖等昨晚在中環出席手袋品牌Coach活動,阿徐一現身即被追問跟何超儀反目的傳聞,她說:「你哋覺得有冇可能吖?我哋有通電話、有通message。」但拒談子聰近況。阿徐解釋當日是因去看曹星如拳賽,而沒有跟超儀一起去看演唱會,她說:「好明顯同超儀姊妹情不變,我哋好sweet又得、反目又得,作乜都得up to you。最唔開心day one搞呢件事嘅人。」



徐濠縈

游學修接受訪問時透露,有留意前度蘇麗珊的消息,但封口不答兩人有否聯絡。另外,鄭秀文透露今日會到北京工作,但仍未能復唱。採訪:盧妹攝影:林德雄




來源: http://hk.apple.nextmedia.com/entertainment/art/20161013/19798998
阿徐 同超 超儀 儀情 不變
PermaLink: https://articles.zkiz.com/?id=311843

阿徐求老公生仔

1 : GS(14)@2016-10-14 06:52:19

■徐濠縈表示與超儀沒有不和,並叫大家:「你哋問Josie好過。」



徐濠縈與吳千語等昨日在金鐘出席Victoria Beckham彩妝活動,阿徐表示欣賞Victoria的事業及家庭成就,記者笑指Victoria有四名子女,阿徐也表示好想再追小朋友,她說:「我都努力緊,減少跑步,希望呢一年老公得。」問到有否向朋友求生仔秘方,她笑說:「朋友叫我煲啲海參花膠湯畀佢飲,我哋之前想要隻馬騮,因為個女12歲,似一個循環,鍾意馬騮聰明又易湊。」



■千語代男友林峯否認回巢無綫。

對於有指與何超儀(Josie)不和,阿徐說:「我哋隔日就微信,由頭到尾都冇事,我講乜你哋都唔信,你哋問Josie好過。」另外,千語指樂易玲找林峯回巢屬煲水新聞。採訪:盧妹攝影:陳俊強




來源: http://hk.apple.nextmedia.com/entertainment/art/20161014/19800147
阿徐 徐求 老公 生仔
PermaLink: https://articles.zkiz.com/?id=312007

【爆相爆片】超儀落閘唔講阿徐Eason便服封腩

1 : GS(14)@2016-10-16 08:20:05

【精神唔錯】■陳奕迅日前被發現與太太徐濠縈到尖沙嘴的亞太中心,逗留一小時後才離去。讀者提供圖片



陳奕迅(Eason)曾肥到180磅,大半年前狂做運動減肥,結果成功減去不少肥肉,近期出席活動時已消瘦不少。讀者黎先生透過本報「爆相爆片」報料,指日前中午12時許碰見Eason與太太徐濠縈現身尖沙嘴漢口道的亞太中心,Eason一身便服打扮,見他肚腩消失,估計二人前往該處睇醫生。



【動作多多】■陳奕迅離開大廈時邊行邊玩手機,表情多多。讀者提供圖片

■何超儀前晚開騷時表現落力,心情看來不俗。

■有傳何超儀(左)不滿徐濠縈將陳子聰大病初癒照放上社交網。資料圖片


疑去做體檢

黎先生指Eason夫婦大概一小時後離開大廈,然後急步往另一條街乘保母車。從讀者提供的照片所見,Eason邊行邊睇手機,又一時抿嘴一時皺眉,表情多多。雖然讀者估計二人前往睇醫生,但二人精神十足,又沒有戴口罩,相信身體沒有大礙,只是做身體檢查。



■陳裘大(右)對兒子Eason管教甚嚴,曾反對他做歌手。

揈頭落力唱

另一方面,日前有傳何超儀不滿老公陳子聰大病初癒的照片被阿徐放上Instagram,導致好姊妹反目,但其後阿徐否認此事。前晚超儀聯同Kevin Boy(KB)為啟德遊輪碼頭舉行的第四屆香港國際紋身展擔任表演嘉賓,她先後唱了《黑超》和《天眼通》兩首歌,又揈頭又跳舞,表現落力,心情不俗,但就一早表明不接受訪問,阿徐和陳子聰亦未見前來捧場。對於阿徐與超儀反目,KB笑謂:「我呢啲做僆仔都唔信,不過唔容許我出聲,佢兩個係大姐姐。」此外,Eason的父親陳裘大日前接受港台《我們不是怪獸》訪問時,自言是怪獸家長,從小對Eason管教甚嚴,當年兒子讀大學選修學科也是由他決定,一心想兒子成為建築師,故Eason以唱歌作事業時他極為反感,直至在歌唱比賽首次聽到兒子唱功,才慢慢接受。採訪:皓騫、張俊銘攝影:沈健程




來源: http://hk.apple.nextmedia.com/entertainment/art/20161016/19801988
爆相 相爆 爆片 超儀 儀落 落閘 閘唔 唔講 講阿 阿徐 Eason 便服 封腩
PermaLink: https://articles.zkiz.com/?id=312269

【馮仁昭四圍超】阿徐嗌買車老公冇反應

1 : GS(14)@2016-10-19 05:49:41

徐濠縈早前為汽車品牌拍宣傳片,佢提到一直想有一架越野車,不過已經明示兼暗示過好多次,老公陳奕迅(Eason)都冇反應,阿徐笑話:「可能男人喺呢方面滿足咗自己先啦!加上平時都係由司機接送,自己都係Sunday driver,對車嘅要求好簡單,最緊要係安全同舒適。以前拍戲就會成日自己揸車,而家少揸,技術差咗,好多時會整花架車。」撰文:馮仁昭




來源: http://hk.apple.nextmedia.com/entertainment/art/20161019/19804926
馮仁 仁昭 四圍 阿徐 徐嗌 買車 老公 反應
PermaLink: https://articles.zkiz.com/?id=312720

慶幸老公戰勝死神超儀寸阿徐多手洩密照「佢有分享症」

1 : GS(14)@2016-10-30 14:35:55

■何超儀昨日被問及與徐濠縈反目一事,她指已原諒對方,但雙方甚少聯絡。



相識逾20年的好姊妹何超儀與徐濠縈,近日傳因超儀不滿阿徐將她老公陳子聰大病初癒照片放上社交網而反目。雖然阿徐矢口否認,但昨日有報道指超儀承認照片外洩後已沒跟阿徐聯絡,又表示沒想過一張相片也被人利用。昨日超儀出席活動時,表示慶幸老公戰勝死神。對於與阿徐割席傳聞,超儀寸爆阿徐手多上載相片:「佢真係有分享症。」



賭王女婿陳子聰月前因腸胃問題入院做手術,並因病而體重急跌。雖然超儀對老公病情一直保持低調,但好姊妹徐濠縈卻將陳子聰大病初癒照片放上Ig,盛傳超儀為此極度不滿,與阿徐反目。日前阿徐被問到超儀因照片外洩而跟她反目時,阿徐加以否認,揚言仍有跟超儀聯絡。不過,昨日有周刊指陳子聰照片外洩後,超儀遭老爺奶奶及胞姊何超瓊指摘,超瓊並下令超儀禁阿徐再探訪。另外,陳子聰出院後休養的新地址又被曝光,由於地方僅得阿徐等幾個朋友知道,接二連三事件令超儀起疑。事後超儀受訪時,自爆再沒跟阿徐聯絡,揚言沒想過一張照片也被人利用。



■超儀(中)昨日為化妝品牌開幕任嘉賓。

■有指何超瓊(右)下令超儀禁止阿徐再探望陳子聰。

■阿徐(右)早前將陳子聰病癒相放上Ig,有傳相片外洩令姊妹反目。


「出頭髮靚仔番」

超儀昨日現身又一城出席化妝品牌NARS新店開幕禮,說到老公健康狀況時,她笑說:「而家老公身體好好,肥番少少。而家日日都買好嘢佢食,執番條命梗要食番好啲。佢出番頭髮,成個靚仔番,好似出道時做model咁弗,如果build up番啲肌肉就推佢返出嚟做model,而家佢好似筋肉人咁。老公好叻,戰勝咗死神。」超儀在外洩照片中變成佈景板,問她是否介意時,她說:「我同老公都唔介意朋友post嘢分享,但我哋立場係分享喜悅,真係唔明白阿徐點解會俾人偷咗相。」可覺得被人出賣?她說:「唔識答係咪俾人出賣,大家都要放過阿徐,佢可能錯手㩒咗箒,大家知佢出嚟食飯連啲菜都要影,佢真係有分享症。」



■超儀早前多次出入醫院探陳子聰,她昨指老公已戰勝死神。資料圖片

■超儀昨日寸阿徐(右)有「分享症」,愛在社交網貼相。資料圖片


「好憎Post相上網」

問超儀可覺不受尊重?她謂:「有少少唔小心咗,佢打咗嚟耍冧,都原諒咗佢。」會否下令朋友不要再影相放上網?她說:「都唔係第一次,朋友嚟屋企玩都有叫佢哋唔好影相,因為我唔鍾意影相,好憎佢哋post上網,互聯網唔可以相信。」超儀否認超瓊下令禁阿徐再探訪陳子聰,指家人只是不想探訪時惹來傳媒關注。問陳子聰是否介意近照被公開時,超儀謂:「我同老公都好無奈,估到佢係隨便咁post,多手咗。」跟阿徐是否仍是朋友?她笑謂:「我哋一夜係姊妹,一世都係姊妹。」有否跟阿徐聯絡?她說:「其實一直比較少,因為近來老公件事先至多咗聯絡,因為各有各忙,都少咗聯絡,朋友聚會都好少。」記者昨日曾致電阿徐,但截稿前未獲回覆,至晚上她繼續在Ig貼相,原來她在上海為馬拉松練跑。採訪:羅慧敏攝影:陳俊強




來源: http://hk.apple.nextmedia.com/entertainment/art/20161030/19816670
慶幸 老公 戰勝 死神 超儀 儀寸 寸阿 阿徐 徐多 多手 洩密 佢有 分享
PermaLink: https://articles.zkiz.com/?id=314110

撐老婆超儀剝阿徐皮Eason㷫,爆

1 : GS(14)@2016-11-14 01:08:33

2016-11-10 NM

因為放相上私人IG而令陳子聰消瘦病容曝光的徐濠縈,雖然已向何超儀道歉,並獲對方表示原諒;但事隔兩個月,超儀卻公開寸爆阿徐有分享症,又自稱討厭分享,聲言同阿徐冇聯絡。

舊事重提,超儀此舉即時辣着愛妻號Eason,更同友人鬧爆對方「講一套做一套」,專登搞大龍鳳落阿徐面,表明以後冇朋友做!舊事重提

老公陳子聰病容曝光,何超儀至今仍耿耿於懷,早前更公開寸爆徐濠縈有分享症,聲言討厭同人分享的她又直指與阿徐已經再冇任何聯絡,毫不留情地數落昔日好姊妹,令曾表示同超儀尚有聯繫的阿徐,更加冇晒面。

為此,徐濠縈心情極度不佳,老婆愁爆,身為老公的陳奕迅,亦對超儀所作所為有微言。

「阿徐放相上私人IG,純粹係佢見子聰好番好多,戥對方開心,冇諗過會俾人攞咗嚟登。不過,佢都知道係自己大意疏忽,所以都即刻打電話同超儀道歉認晒錯,就連Eason都有親自打俾超儀,當時超儀仲話知道阿徐係冇心,唔會放喺心度,叫佢兩公婆唔使擔心。「點知件事過咗成兩個月,超儀忽然又攞出嚟講,仲寸爆阿徐有分享症,講到好似佢有心放料咁,阿徐真係好唔開心!Eason亦有同身邊幾個朋友狂呻,話超儀講一套做一套,專登搞場大龍鳳出嚟落阿徐面!咁以後唔好再做朋友囉!」知情人說。

嫌疑最大

事實上,當得知陳子聰有病,Eason兩公婆都相當擔心,後來醫生批准陳子聰放假出院,超儀想搬去酒店住,等老公靜養,當時阿徐都有份陪超儀去搵地方。「就係因為阿徐同超儀去睇過地方,所以先會被懷疑放料,佢冇諗過,大家識咗咁多年,超儀都唔信自己,所以阿徐先咁唔開心!」徐濠縈身邊好友說。

好姊妹

徐濠縈與何超儀相識超過廿年,當年阿徐和Eason拍拖,也是超儀做紅娘撮合,多年來,阿徐同超儀好似孖公仔咁,互相見證人生重要階段。

Eason榮獲博士14年,陳奕迅獲英國母校倫敦金斯頓大學頒授「Honor Degree of Arts」榮譽博士,表揚他對音樂上的貢獻,Eason一家飛英國觀禮,何超儀夫婦及一班好友亦有拉大隊到賀。

超儀受勳早年何超儀憑喪屍片《Open Grace》啞女一角於歐洲黑山走紅,去年,更獲黑山政府頒發女爵士名銜,表揚她對電影熱誠。第一次獲封女爵士,陳奕迅、徐濠縈、劉浩龍等一眾好友組團現身見證。

演唱會互撐每逢Eason開演唱會,何超儀兩公婆必定現身撐場,去年,何超儀與樂隊Oni Boys在九展舉行演唱會,Eason兩公婆亦有到場支持。

撰文、攝影、攝錄:娛樂組
老婆 超儀 儀剝 剝阿 阿徐 徐皮 Eason
PermaLink: https://articles.zkiz.com/?id=315399

邊個好睇啲?Sammi冬天照露臂 阿徐玩layering

1 : GS(14)@2016-12-30 02:58:11

徐濠縈身為潮店Liger老闆之一,經常做自家時裝店的人肉衣架,兩星期前示範過由韓牌pushBUTTON為其潮店設計的橫間露肩衫,以紅色樽領長袖衫打底,潮玩layering又保暖,示範露肩衫的冬季穿法。前晚就輪到鄭秀文(Sammi)示範同一件上衣,Sammi不理季度,照樣以單肩衫露手臂,simple but chic,各自演繹出自己的風格。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161229/19880330
邊個 個好 好睇 睇啲 Sammi 冬天 照露 露臂 阿徐 徐玩 layering
PermaLink: https://articles.zkiz.com/?id=320528

阿徐 超儀 破冰行善

1 : GS(14)@2017-01-07 07:08:08

何超儀和徐濠縈十多年姊妹情,因去年陳子聰秘密出院後,阿徐在社交網貼合照令陳子聰的病容曝光,令姊妹情決裂,超儀暗寸阿徐有分享症,直指二人很久沒聯絡。不過,昨日起一連三天在銅鑼灣舉行的明星二手衫義賣,超儀、阿徐和老公陳奕迅(Eason)都捐出大批衣物,為善事破冰。



■Eason前晚到義賣場地巡視,於西裝口袋摷出利是封。互聯網圖片

Eason夫婦前晚親到現場視察義賣預備情況,有網友在社交網貼了Eason的短片,見到他正在巡視檢查西裝,發現口袋有一個利是封,Eason誇張笑說:「利是封,咁都摷到喎。」他立即拆開看看有否利是,之後鬼馬說:「冇嘅,一早已經攞咗。」阿徐亦於Instagram貼親做model的相,落力為義賣宣傳。撰文:皓騫




來源: http://hk.apple.nextmedia.com/entertainment/art/20170107/19888944
阿徐 超儀 破冰 行善
PermaLink: https://articles.zkiz.com/?id=321758

Eason傾電話冷落阿徐

1 : GS(14)@2017-02-11 18:37:56

■陳奕迅與太太徐濠縈日前現身上環普慶坊嘆咖啡。



陳奕迅(Eason)和徐濠縈結婚十年,兩人得閒就拍拖去街,依然不失情趣,日前下午4時許,兩夫婦又拍拖現身上環普慶坊,還齊紮噴泉情侶頭在街頭放閃,想不到平日麻甩的Eason,都會肯跟老婆玩情侶look。原來當日他們約了友人在咖啡店見面,但Eason卻不停在店門外煲電話粥。



■Eason全程煲電話粥,阿徐孤獨玩電話。

阿徐見Eason傾到雞啄唔斷,自己先去買咖啡,曾被何超儀寸有「分享症」的阿徐,買了咖啡後果然「手機先飲」影靚相,然後才拿着咖啡會合友人,其間阿徐發現了記者馬上通知Eason,但Eason望兩眼沒理會,繼續發揮吹神本色傾電話,傾足半小時才收線,行回老婆和友人身邊再吹水,又煙又咖啡傾到盡興後才離去。採訪、攝影:徐錦池、吳耀輝




來源: http://hk.apple.nextmedia.com/entertainment/art/20170210/19923263
Eason 電話 冷落 阿徐
PermaLink: https://articles.zkiz.com/?id=326289

阿徐迷上腰包用$268 Line Friends聯乘潮牌新款

1 : GS(14)@2017-05-06 11:38:42

許志安聯同本地樂隊Supper Moment、觸執毛、RubberBand、Dear Jane,日前於會展舉行《21安士音樂會》,徐濠縈與朋友去了捧場。潮裝自成一格的阿徐一身ruffles透視上衣,配舒服闊褲、厚底涼鞋,綴韓國潮牌pushBUTTON字樣的白色腰包最亮眼,是繼背囊後興起的運動風袋款,阿徐近日在IG都頻頻示範腰包穿搭。阿徐這個腰包並不是pushBUTTON出品那麼平凡,細看見到Line Friends的Brown熊仔隱藏其中,是兩者的聯乘系列「PLF」,香港是繼韓國專門店外,首個海外限量發售的地區,系列有T恤、cap帽、背囊、腰包、拖鞋等產品,上衣有整個James人像,非常有趣。




來源: http://hk.apple.nextmedia.com/entertainment/art/20170506/20012416
阿徐 徐迷 迷上 腰包 268 Line Friends 聯乘 乘潮 潮牌 新款
PermaLink: https://articles.zkiz.com/?id=332290

鄭紹康搵阿徐打頭陣

1 : GS(14)@2017-05-06 11:38:44

公關鄭紹康近日踩入電視,為即將開台的奇妙電視主持節目《天下第一Friend》,碌盡人情卡請來好友徐濠縈擔任第一集嘉賓。阿徐將會講到A餐B餐事件、網上照片外洩風波、被指揮霍購物及與老公陳奕迅(Eason)家人不和等傳聞。另外,阿徐更會披露她與Eason的愛情故事,二人經歷低潮時如何度過,以及跟女兒康堤相處之道。




來源: http://hk.apple.nextmedia.com/entertainment/art/20170506/20012078
鄭紹 紹康 康搵 搵阿 阿徐 打頭陣 打頭
PermaLink: https://articles.zkiz.com/?id=332300

阿徐自稱陳奕迅餐

1 : GS(14)@2017-05-19 05:28:02

徐濠縈為鄭紹康打響頭炮,亮相奇妙電視節目《天下第一Friend》訪問,回應A餐B餐、婆媳不和及屢傳與陳奕迅婚變等問題,她淡言說:「成日話我哋離婚,慣晒啦,時間係最好證明,即管放長雙眼。好似A餐B餐咁,到?家我都分唔清自己係A餐定B餐,是但啦,至緊要係佢揀啱自己嗰餐,佢啱食咪得囉!」對於初入門遭夫家大力反對的傳聞,阿徐笑說:「我哋結婚都米已成炊,嗰時個女都歲幾啦,仲反對咩,我同奶奶關係好好。」談到「大花筒」,阿徐直言:「咁要問陳奕迅啦!我唔鍾意買珠寶、名車,我只係適中囉!至緊要係身邊嗰個唔覺得你過份,可能佢仲大使過我。」此外,陳奕迅即將推出國語專輯,頭炮推出兩首新歌《放》和《披風》,MV近日曝光。撰文:葉綠悠




來源: http://hk.apple.nextmedia.com/entertainment/art/20170518/20024519
阿徐 自稱 陳奕迅
PermaLink: https://articles.zkiz.com/?id=333558

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019