ZKIZ Archives


發訊息再請飲鍾鎮濤范姜君悅擺酒

1 : GS(14)@2015-05-14 12:21:34

2015-05-04 NM

鍾鎮濤與范姜去年八月在印尼峇里島舉行百萬婚禮,過百好友講心唔講金,自費越洋到賀;但原來仲有下文,為感謝范姜多年來無名無分的付出,B哥已定於本月廿二日在灣仔君悅酒店補擺喜酒,再慶多鑊!堂而皇之收多次人情,鍾鎮濤和范姜沒有發帖,只透過訊息,通知各友好,刻意低調。嘉玲偉仔補番數

陪住鍾鎮濤度過人生谷底的范姜,去年終於得到一個正式名分,過百好友自費飛到峇里,見證十七年情進入另一階段。「上次大家基本消費都過二萬蚊,但難得咁齊人,成班朋友當去旅行玩三、四日,可惜係偉仔同嘉玲唔到,阿B同范姜都失望o架!冇所謂啦,緊廿二號(下星期五)都擺酒啦,嘉玲同偉仔已經答應會,不過峇里轉已經俾人情,而家再多round,都唔知係咁意定再重手好。」其中一個獲邀出席婚宴的友 人說。

向老人家交代

鍾鎮濤與范姜將於今個月二十二日在灣仔君悅酒店補擺酒,預計四十圍以上,不過一對「舊人」好低調,未有發喜帖。「上次峇里全部都係朋友,雙方家長都冇參與,今次補擺酒,其中一個原因都係俾老人家一個交代;加上阿B覺得范姜同自己咁多年都無計較過,真係想搞個傳統婚宴俾老婆,係一份心意。君悅個ballroom都算大,就算計埋live band同跳舞位,都可以擺到差不多四十圍。總之除峇里原班人馬,仲請好多親朋戚友,但佢冇派帖,只係打電話同WhatsApp通知確認。」星期日(五月十日),鍾鎮濤拉埋兒子鍾嘉浚,女兒嘉晴、鍾懿和鍾幗,到中環Cova為范姜慶祝母親節,對於今個月二十二日補擺酒,阿B說:「係呀係呀,唔講喇!私人時間私人事唔想講太多。」

賺硬

婚宴統籌機構「OiKa愛家」,以各大酒店婚宴菜單最基本菜式價錢,包括加一及基本酒水,正價和週末價的程式,整合出一份「人情打和價」,主人家想知道擺酒賺定蝕,參考下列例子,便可略知一二。

分段收費

無論因為時間關係,抑或刻意安排,圈中人結婚,流行分段進行,人情,隨時雙計!梁烈唯與拍拖十一年的女友Tina在去年元旦一月一日註冊結婚,因場地有限,當日只招待雙方家人及至親好友;朋友多的梁烈唯已定了本月二十九日假洲際酒店,擺多次酒,筵開五十圍,廣宴親朋。

鄭希怡13年11月,Yumiko和化妝師男友梁學儲在蘇梅島舉行pre-wedding party,80親友嘉賓出席,當中包括徐濠縈、陳小春、應采兒、黃伊汶、陳國坤等圈中好友,賓客自費機票,食宿則由一對新人負責。去年9月,二人再於港島海逸君綽補擺喜酒兼註冊,筵開三十圍。
訊息 再請 請飲 飲鍾 鍾鎮 鎮濤 濤範 範姜 君悅 擺酒
PermaLink: https://articles.zkiz.com/?id=290327

男人最痛 前妻出軌忍痛離婚吳奇隆鍾鎮濤覓真愛

1 : GS(14)@2016-08-16 06:28:03

大陸藝人王寶強前日自爆老婆出軌,偷食男仲要係自己經理人,當日網上就傳佢做過親子鑑定。昨日王寶強去咗法院控告妻子,事情發展真係好多劇集都比唔上。不過喺娛圈經歷過男人最痛嘅,唔只王寶強一個嘅,或者佢可以搵其他人訴下苦:八両金:97年金融風暴令八両金嘅投資凍過水,經濟陷入困境。大難當前,八両菜於99年狠心拋夫棄子,留低八両金獨力照顧當年只得4歲嘅八両仔。吳奇隆:06年底喺昆明同拍拖5年嘅大陸女星馬雅舒註冊結婚,直至09年馬雅舒被爆同澳洲男友「爆房」,先揭穿吳奇隆同馬雅舒喺08年底簽咗離婚書。吳奇隆今年3月喺峇里舉行結婚派對,再組幸福家庭。庾澄慶(哈林):哈林同伊能靜結婚9年,直至08年伊能靜北上拍劇,期間偷會同劇嘅台灣男演員黃維德手拖手斷正,同年哈林發聲明表示離婚,兒子就跟隨哈林生活。上月那英喺大陸節目,口快快爆響口指,哈林即將與台灣民視主播張嘉欣結婚。鍾鎮濤:鍾鎮濤前妻章小蕙搭上同樣已婚嘅製衣商人陳曜旻,直至99年章小蕙先同鍾鎮濤正式離婚,鍾鎮濤喺14年同范姜喺峇里結婚。




來源: http://hk.apple.nextmedia.com/entertainment/art/20160816/19738240
男人 最痛 前妻 出軌 忍痛 離婚 吳奇隆 鍾鎮 鎮濤 濤覓 真愛
PermaLink: https://articles.zkiz.com/?id=306091

【爆相爆片】鍾鎮濤三女面試爭演出

1 : GS(14)@2016-09-03 23:28:49

■范姜日前帶着三個囡囡參加節目面試。



鍾鎮濤(B哥哥)和范姜所生的囡囡鍾懿及鍾幗,盡得父親遺傳,對音樂方面相當有興趣,現年12歲的鍾懿已有豐富演出經驗,更訂立目標要在16歲舉行個人音樂會,妹妹鍾幗亦受感染立志做歌手。日前讀者劉小姐透過本報「爆相爆片」,分享在尖沙嘴朗廷酒店遇見范姜帶着繼女鍾嘉晴、鍾懿及鍾幗參加一個由Premiere舉辦的試鏡,如果成功過關,她們可以參與Disney Channel節目演出。劉小姐說:「等候期間佢哋好安靜,成個過程大約兩個幾鐘,有劇本畀佢哋即場試戲,之後B哥哥嚟接佢哋一齊離開。」劉小姐續謂:「呢個面試報咗名就一定有得interview,有啲人會被即時foul,有啲人會收到一個folder,裏面有指示畀大家上網查核有冇複試。」採訪:唐琛悠



■面試後,鍾鎮濤現身接家人離開。讀者提供圖片





來源: http://hk.apple.nextmedia.com/entertainment/art/20160903/19758175
爆相 相爆 爆片 鍾鎮 鎮濤 濤三 三女 面試 演出
PermaLink: https://articles.zkiz.com/?id=307329

【馮仁昭四圍超】鍾鎮濤爆細女呷醋

1 : GS(14)@2017-07-05 03:42:37

鍾鎮濤(阿B)噚日去商台宣傳月中推出嘅黑膠發燒碟,首次以微電影方式做宣傳,阿B大讚有創意。今次佢同囡囡鍾㦤翻唱《閃閃星辰》,仲已經拍好MV,佢計劃再問囡囡有冇興趣拍微電影,「唔知佢肯唔肯,之前拍MV時被蚊咬到飛起,等佢知道老竇搵錢辛苦。」原來細女鍾幗有時會呷醋點解家姐可以演出,阿B話:「睇吓有冇機會,佢冇鍾懿唱得咁有職業水準。」撰文:馮仁昭




來源: http://hk.apple.nextmedia.com/entertainment/art/20170704/20077715
馮仁 仁昭 四圍 鍾鎮 鎮濤 濤爆 爆細 細女 女呷 呷醋
PermaLink: https://articles.zkiz.com/?id=337916

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019