ZKIZ Archives


【動畫●學識護齒】跌甩牙咪浸水 浸牛奶塞回原位先有救

1 : GS(14)@2016-09-28 05:04:58

不幸撞甩牙齒,不論大人抑或小孩,想救回牙齒必須保持牙周細胞濕潤。註冊牙醫唐逸謙:「牙齒脫落越久,細胞會不斷壞死。通常甩牙掉在地上會沾上髒物,你可以用水沖一沖,但絕不能浸在水中。」



秋風起,又是時候行山,但是意外就是意料之外,經常聽不少大人行山跌甩門牙。你又懂得處理嗎?小朋友跑跑跳跳,撞甩牙亦十分常見,大人懂得處理嗎?本港有調查發現,中小學老師每年都會遇上學生撞甩牙的意外,但有70%老師都不懂處理。

誤用水洗,用紙巾包裹


大眾普遍誤以為,甩牙要用水潔淨,再用紙巾包好。註冊牙醫唐逸謙直斥其非,指出不論大人抑或小孩,想救回牙齒必須保持牙周細胞濕潤。「牙齒脫落越久,細胞會不斷壞死。通常甩牙掉在地上會沾上髒物,你可以用水沖一沖,但絕不能浸在水中。」由於水的酸鹼度和滲透壓(Osmolality),跟牙齒不同,用水浸牙反而會殺死牙腳的牙周細胞,難以救回牙齒。用紙巾包裹,更加會令細胞乾涸死亡,一小時後便不能再放回原位。醫生更提醒大家,一般急症室醫生不懂牙科治療,大家意外掉牙,應盡快到牙科診所求醫。


正確方法(一):塞回原位


很多人因為怕痛,又或缺乏相關知識,都不敢把掉牙塞回原位。然而,唐醫生認為這是最好方法。「大家應該盡快把掉牙放回原位,這樣牙齒的存牙腳。一旦傷害了牙周細胞,牙齒就難以重生。」


正確方法(二):使用牛奶或生理鹽水


不論是整隻牙齒甩掉,還是斷裂,大家都必須拾回,並放入牛奶或生理鹽水中儲存。此舉可保牙周細胞濕潤,而且減少細菌感染的可能。「有研究顯示,攝氏4度或以下的全脂牛奶,可以維持牙周細胞生命,四小時內都有八成機會救回。」唐醫生表示,如果處理不善,最壞情況是牙齒被身體排斥,傷者需要鑲假牙取代原有牙齒。因此,勸告大家戶外活動時一定要小心,大人處理小朋友甩牙亦必須冷靜,參考以上建議以保牙齒。記者:黃凱婷攝影:徐振國



水的pH值和滲透壓(Osmolality),跟牙齒不同,用水浸牙反而會殺死牙腳的牙周細胞,難以救回牙齒。相反,牛奶pH值與牙齒較相近(大於6),可以維持牙周細胞生命。

有研究顯示,攝氏4度或以下的全脂牛奶,可以維持牙周細胞生命,四小時內都有八成機會救回。

唐醫生指,最理想方法是盡快把掉牙放回原位。另外,亦提醒大家拾起掉牙時,盡可能不要碰到牙腳位置,一旦傷害了牙腳上的牙周細胞,牙齒就難以重生。

想輕輕鬆鬆健康?,記住留意健康蘋台
http://health.appledaily.com.hk/




來源: http://hk.apple.nextmedia.com/su ... t/20160928/19783802
動畫 學識 護齒 跌甩 甩牙 牙咪 浸水 牛奶 塞回 原位 有救
PermaLink: https://articles.zkiz.com/?id=310467

【學識護齒】衰過食糖 飲白酒食薯片更傷牙?

1 : GS(14)@2016-09-28 05:04:58

(01A,01B,01C代美術砌)唔好再話小朋友成日食糖會蛀牙啦,大人成日飲白酒原來啲牙仲快壞呀!



由細到大都聽人話食糖會蛀牙,大個咗唔食糖,原來都仲有好多食物好傷牙!加州牙科博士Justin Sycamore就指白酒、提子乾、代糖食品、薯片和冰粒都是最壞牙的,到底點解呢幾樣食品咁大鑊呢?

白酒


以為飲白酒比紅酒更好,因為唔會有酒迹,其實白酒如Chardonnay酸度好高,比紅酒更快侵蝕琺瑯質,長期飲白酒會令牙齒對冷、熱和甜食更敏感。飲完白酒牙齒琺瑯質會被酸性環境軟化,立即刷牙反而令牙齒更快變壞,唔想咁樣,可以邊飲邊食芝士,因為芝士是高鈣食品,有助改善口腔酸性環境。


提子乾


細個阿媽一定話食提子乾好過食糖,其實提子乾也含大量果糖,而乾了的水果令糖份更黐牙,殘留在口腔比糖果的傷害更大!唔想蛀牙,可以食果仁,無糖份還夠飽肚。


代糖食品


汽水或香口珠的代糖正是酸性的添加劑,跟真糖一樣會侵蝕牙齒,傷牙程度都同真糖相約,改飲代糖飲品對防止蛀牙絕對冇幫助!


薯片


以為食鹹嘢冇事?其實食脆脆潛藏好大危機,因為薯片被咬到好碎之後,碎屑易於藏在牙縫,碳水化合物經口水分解變成單糖,同糖果一樣傷牙。




就咁飲凍飲加冰係無事的!但咬冰呢,就係問題所在啦。好多人覺得咬冰好爽好有口感,其實咬冰令牙齒承受很大壓力,分分鐘會咬裂或咬崩牙,如果真係咁口痕,牙醫建議你都係咬下同樣有空氣感的低糖或低鹽爆谷比較安全。記者:容慧心



提子乾比糖果更黐牙、更易殘留在口腔,蛀牙機會仲高過食糖。

代糖是酸性的添加劑,跟真糖一樣會侵蝕牙齒。

薯片被咬到好碎之後,碎屑易於藏在牙縫,經口水分解變成單糖,又係同糖果一樣傷牙。


好多人覺得咬冰好爽好有口感,其實咬冰令牙齒承受很大壓力,分分鐘會咬裂或咬崩牙!

飲完酒牙齒琺瑯質會被酸性環境軟化,立即刷牙反而令牙齒更快變壞。

邊飲白酒邊食高鈣芝士,有助改善口腔酸性環境,減低壞牙的機會。

想輕輕鬆鬆健康?,記住留意健康蘋台
http://health.appledaily.com.hk/




來源: http://hk.apple.nextmedia.com/su ... t/20160928/19783787
學識 護齒 衰過 食糖 白酒 薯片 更傷 傷牙
PermaLink: https://articles.zkiz.com/?id=310468


ZKIZ Archives @ 2019