【菜市場學】唔好再認錯 究竟係帶子定元貝？
1 :
GS(14)@2016-09-14 05:53:17經常吃帶子、元貝，但原來大家都儍儍分不清兩者的分別。
帶子、元貝，兩者都是白色肉，雖然外殼形狀有很大分別，但裏面的柱肉無論形狀、顏色都十分相似，究竟平日我們吃進肚皮裏的是帶子還是元貝呢？
我們拿着元貝（扇貝、紅毛鏡）及帶子（沙插）三幅圖，在街上隨機訪問了八個路人，結果得出了不少奇怪答案。有人拿着元貝的圖，說是帶子；有人拿着帶子的圖，卻說是蟶子、青口、象拔蚌。原來大家平日經常吃帶子元貝，但甚少人認得它們真身，甚至經常將兩者混淆，今次就請大生海產檔主阿鳳，教大家如何一眼分辨帶子和元貝。大生海產北角糖水道12號記者：黃子卓攝影：徐振國、潘志恆
長帶子每隻$15別稱：沙插、江瑤煮法：蒜蓉粉絲蒸、鮮炸、蒜蓉炒真正的帶子，最特別的地方是外殼呈三角形，而顏色是神秘的孔雀綠色；帶子肉質比元貝更豐厚，但口感較韌，而且柱肉會比較呈橢圓形，裙邊較滑身；一般市面上見到的江瑤柱，皆是由帶子的柱肉乾曬製成。
扇貝每斤$56（約3隻）別稱：無煮法：蒜蓉粉絲蒸、清酒牛油燒元貝日本人通常叫它做帆立貝，外殼呈扇形，殼身有直線坑紋，底面顏色不同；貝柱肉就是元貝，肉質細嫩，清甜爽滑，柱肉呈圓形，裙邊有少許波浪紋；日本帆立貝刺身通常都是用這款元貝，而非用沙插。
紅毛鏡每斤$48（約15隻）別稱：日月貝煮法：蒜蓉粉絲蒸、火鍋貝柱肉是元貝的一種，屬本地貝類，外殼呈扇形，殼身光滑無坑紋，而且非常薄殼，底面顏色不同；日月貝雖然體積小，也不夠厚肉，但肉質比扇貝鮮甜得多，柱肉呈圓形，裙邊滑身呈雪白色。
張金鳳是大生海產的檔主，也是水上人，從小已認識各類海產。
來源:
http://hk.apple.nextmedia.com/su ... t/20160914/19769990
商天娥向大台舊同事認錯解「耍大牌」之謎
1 :
GS(14)@2016-10-19 05:28:4654歲商天娥前年約滿大台，點知上年拍完《樓奴》就甚少見佢喺公仔箱出現，早前商天娥接受電台訪問，佢就自爆離巢係因幾年拍《結‧分@謊情式》被指犯眾憎，商天娥又認自己嗰陣，成日遲到，與同事嘈過，後嚟就決定離開無綫，佢喺電台節目中，好有悔意稱希望佢哋聽到，可以體諒佢當時嘅處境，佢又話之前佢爸爸身體唔好，老公又要搬公司，咁啱商天娥又要開工，平時又要睇劇本，當時因為忙成日遲到，心情亦好差，幾乎有病，與同事關係麻麻，傳出好多新聞，令佢o依家都有心結。商天娥喺訪問中，稱自己當時好奇點解做咗咁多年都會畀人誤會，連好友都覺得佢麻煩兼耍大牌，後來佢先知自己錯，因為當時冇同大家講佢嘅情況，亦冇同公司交代，只係做人報喜不報憂，點知拍完呢套劇，爸爸就過咗身，今次商天娥忽然喺電台開咪，唔知係唔係想向大台同舊同事認錯，今日有周刊指，商天娥近日返咗大台錄《我愛香港》嘅其中一集，佢就冇再變「黑天鵝」，見人就笑晒打招呼，之前商天娥已放風想返大台拍劇，今次忽然變nice，睇嚟真係好恨返去噃!?
來源:
http://hk.apple.nextmedia.com/entertainment/art/20161019/19805046
周麗淇認錯唇彩賴助手
1 :
GS(14)@2016-10-29 13:20:32■周麗淇（小圖）收到品牌送的禮物，卻在Ig擺烏龍發錯文。互聯網圖片
周麗淇（Niki）前日在Instagram貼出國際大品牌送給她一盒共六支裝的唇彩，但她竟然說：「我很想塗指甲油，可是我現在不能塗，好吧等我拍完戲之後，給大家看看美美的指甲。」之後，她還tag了該品牌，過了數小時Niki終於知錯，她即刻修改Ig的文字「Thx beautiful lip gloss」。本報致電擺烏龍的Niki，她在電話中大笑說：「我而家喺山西拍劇《那年花開月正圓》，助手收到品牌送畀我嘅禮物，佢話係指甲油，之後有朋友同我講唔係指甲油，anyway我唔會怪助手，一個小小美麗誤會，OK嘅，希望品牌唔會怪我啦！」採訪：皓騫
來源:
http://hk.apple.nextmedia.com/entertainment/art/20161029/19815560
Banker捧周六福場 認錯記者係老闆
1 :
GS(14)@2016-11-11 08:02:50【明報專訊】PR主動搵記者換卡片就見得多，banker主動搵記者真係第一次見！噚日內地珠寶品牌周六福位於旺角嘅首間旗艦店正式開幕，公司請嚟影星劉嘉玲做剪綵嘉賓，吸引唔少途人湧入舖頭搵嘉玲合照，場面混亂。除咗嘉玲姐fans，噚日竟然有銀行派人嚟拜會董事長，估計都係想睇吓日後有無貸款需要咁。
見係記者即時掉頭走
可能人太多嘅關係，來自一間大馬銀行嘅banker就搵咗位職員帶佢見管理層，點知職員竟然帶咗位banker埋記者堆中，話希望同我哋交換卡片喎。
小琴瞄一瞄，見banker竟然主動搵記者「換片」，梗係拿拿臨拎卡片出嚟啦！嗰位banker好有禮，半鞠躬兼雙手奉上卡片，小琴心諗，咁有禮嘅banker真係好少見！點知佢話：「恭喜晒你哋今日開張！」哦！明晒！原來係點錯相，小琴同一班記者即刻表露身分，誰知banker哥哥竟然瞬間變臉，收番張卡片掉頭走。真係一張卡片，見盡人情冷暖。
email:
[email protected]
[小琴密語]
來源:
http://www.mpfinance.com/fin/dai ... 1328&issue=20161111
與小三斬纜 被無綫停工李潤庭偷食認錯：太太選擇離婚
1 :
GS(14)@2016-12-10 13:29:35■李潤庭昨日在電視城開記招，為自己的婚外情向太太、家人及Tiffany道歉。
現年37歲、去年由有線過檔無綫主持《東張西望》的李潤庭，上月才與空姐老婆Crystal慶祝結婚5周年，原來幸福背後有暗湧。大前日李潤庭終被踢爆背妻偷嗒人妻Tiffany，昨日他現身將軍澳電視城開記招，除攬上身認錯外，更表示太太Crystal此刻選擇離婚，他也結束與小三的關係，工作上則暫時停工，花心男頓變「雙失中佬」。
無綫節目《東張西望》主持李潤庭大前日被爆出軌，趁空姐老婆Crystal離港，即帶小三Tiffany返其荃灣寓所偷情。事件曝光後，李潤庭形象插水，他由北京公幹返港，昨日被召喚返將軍澳電視城「照肺」，還見傳媒公開道歉及交代事件，歷時約7分鐘的記者會，李潤庭6次強調「係我嘅錯」，眼濕濕的他兩度鞠躬致歉。昨午1時半，李潤庭返電視城見高層余詠珊後，便開記者會。着灰色長袖衫、戴上眼鏡的他先企定讓記者拍照，他先說：「我喺度向受影響嘅屋企人、太太講聲『對唔住』，呢件事完完全全係我一個人嘅錯，我覺得我應該行出嚟一力承擔，我鄭重再次向受影響嘅人致歉。」說罷更站起來鞠躬。
【兩度鞠躬】■7分鐘的記者會，眼濕濕的李潤庭兩度鞠躬致歉。
【眼泛淚光】
「我一個人承擔」
李潤庭表示會為過錯負責：「非常過意唔去，呢個時候，除咗認錯，要做番個男人承擔責任，希望所有傷害可以停止，呢件事我一個人承擔就可以。」問無綫有處分嗎？他說：「我唔知公司有乜嘢決定，如果有，我欣然接受。」偷食事件曝光後，李潤庭直認有與老婆聯絡，他覆述老婆所說：「傷心，失望。」至於是否仍跟小三聯絡？他說：「處於冷靜期，唔應該再去聯絡。」他表示會結束婚外情。問婚外情維持了多久？他說：「呢啲冇需要再講，唔想再去傷害，再挖多啲嘢。我只係覺得我對唔住兩邊屋企人。」早前李潤庭曾指太太早知小三存在，他昨日解釋：「『一早』意思係報道出之前，唔係話好耐之前。」問會否離婚？他續說：「我絕對尊重Crystal決定，佢呢一刻選擇離婚，我冇選擇權。」他更表示現時與太太分房瞓。
■李潤庭直認太太Crystal選擇與他結束5年婚姻關係。資料圖片
■小三Tiffany被爆近日考獲瑜伽導師資格。讀者提供圖片
■余詠珊前晚表示愛將李潤庭心情難過。
向外父外母道歉
李潤庭承認有向外父外母道歉，他說：「令咁多人面對呢個咁尷尬情況係我嘅錯。」他自爆暫時未與父母溝通，問父母是否生氣？他即眼濕濕，並說：「應該係。」李潤庭拒談有關Tiffany及是否認識女方丈夫何俊傑的問題，他只是再次道歉，便隨即離開。記者追問是否會停工？無綫企業傳訊部助理總監蘇燦榮代答：「短時間會停咗先。」李潤庭於11年與Crystal結婚，他於上月24日還在facebook貼出當年婚紗照慶祝結婚5周年，翌日老婆離港工作即作反。今年7月，他與穿背心短裙的Tiffany在赤柱偷會，毫不避忌攬着小三摸pat兼濕吻，而Tiffany被揭是有夫之婦，並育有兩名子女，四角關係複雜。撰文：劉敏
來源:
http://hk.apple.nextmedia.com/entertainment/art/20161210/19860527
狩野英孝嗒女學生 喊住認錯
1 :
GS(14)@2017-01-23 07:45:22日本諧星狩野英孝曾被爆一腳踏6船，近日他再爆出暗嗒17歲女學生，對方是地下偶像組合成員，二人拍下親密合照，半同居期間更多次發生性行為，令狩野工作全部叫停，其有份演出的節目相繼停播或刪走其鏡頭。
狩野疑觸犯東京都青少年保護育成條例，昨他舉行記者會交代，他出場時先鞠躬4秒認錯，其間緊張得不斷標汗，又落淚表示對自己影響到合作的工作人員深感慚愧，承認搭上該17歲少女，不過就避談是否有肉體關係，狩野再聲稱初時對方訛稱已經22歲。狩野並謂已向女方父親道歉，又指對方父親反為女兒報大數致歉。整個記招逾一小時，狩野在臨走前再鞠躬6秒道歉。撰文：哥羅
來源:
http://hk.apple.nextmedia.com/entertainment/art/20170122/19904664
以身作則教子女認錯
1 :
GS(14)@2017-02-26 13:24:03■胡家驊和吳婉芳教仔有方。
吳婉芳跟胡家驊育有兩子一女，22歲長子Caspar現於英國修讀碩士課程，二子Lynus則在牛津大學讀書，年前曾在英國一健美先生比賽中獲「Men's Physique Tall」組別冠軍，兩子跟幼女Helene都遺傳了媽咪美麗基因。吳婉芳上月接受梁佩瑚《佩瑚密語》訪問時大談湊仔經，表示只要求子女不要做壞事、不要吸毒和不要入娛樂圈，又承認自己曾是惡媽，逼子女做功課和要有禮貌，又指自己做錯也會跟子女說對不起，她說：「人係要喺錯誤中學習，如果你都唔認錯，你根本唔會進步。」
■吳婉芳的女兒遺傳了美麗基因。資料圖片
另外，對於被封「超級美魔女」，吳婉芳表示不夠膽打botox，只偶爾接受輕巧的激光醫學美容，以及做基本皮膚清潔護理，閒時吃得清淡和接受中醫調理。撰文：魯吉
來源:
http://hk.apple.nextmedia.com/entertainment/art/20170226/19940269
數臭設計師男友後 Hazel突然認錯
1 :
GS(14)@2017-06-18 21:45:0929歲《G-1》女拳手唐紫睿（Hazel），舊年情人節公開戀情，仲俾埋分數話男友值95分。不過日前Hazel喺社交網貼出「淚眼」照，話自己遇到世上最差嘅男人，宣佈分手。之後Hazel受訪時仍難掩心痛，並以短訊回覆稱「以後都唔會再放閃，之前係佢想曝光，現在我變咗笑話。」怎料昨午Hazel又突然於fb寫道「兩人分手，雙方面也有錯，我是不應該太高調公開戀情的（以後我一定會收埋收埋），因為我工作關係，導致而家分手雙方都承受巨大壓力（我完全沒有數臭對方的意思，媒體報道可能會令大家誤會），這點我深感遺憾與抱歉…我知道我們都會很快走出陰影，我們愛過也珍惜過對方，可惜最後都唔work，希望他早日找到對的那位…」之後仲話多謝大家關心。
來源:
http://hk.apple.nextmedia.com/entertainment/art/20170616/20057852
Next Page