ZKIZ Archives


豪言大志:唔該畀條路我行啊

1 : GS(14)@2012-04-25 23:30:32

http://www.sharpdaily.hk/article/sup/20120425/82663
電視經常播放一條「阻街」的宣傳片,不同年齡層的市民,老中青連天真無邪的小朋友都粉墨登場,苦口婆心、無限委屈的對着鏡頭說「唔該畀條路我哋行啊」,原來是政府的宣傳廣告,勸商販別在街邊擺放貨物,阻塞通道。
如果我是商販,我會好整以閒的撥撥頭髮,然後漫不經意的說:
「這不是霸佔,只是,官民合作啫。我擺啲貨喺條街度,都係方便市民嚟挑選採購,咁都唔得?你如果逼我嘅話,我得兩條路行,第一,準備流第一滴汁啦……無錯,人哋流血我流汁,因為生活逼人,你哋仲要趕絕我哋,簡直想將我哋汁都榨埋。
第二,我唯有講個真相出嚟,就係呢條街其實係我哋嘅私人地方,政府霸嚟做行人路十八年啦……我哋一直啞忍,呢個moment 我要爆啦!!」
雖然網絡廿三條刀懸頭上,但這條宣傳片仍是惡搞好題材。
請記協找來老中青文字記者攝影記者靚女主播,對住鏡頭說「唔該畀條路我哋行啊,我哋想採訪啊,搬走你啲花槽同鐵馬啊,花槽應該擺喺香港花卉展,鐵馬你可以捐埋畀馬會,畀番條新聞自由嘅路我哋行啊﹗」
社運人士又係排排坐,望住鏡頭:「唔該畀條路我哋遊行啊,我哋要路,唔要胡椒噴霧,多謝!」
盛女也要哭訴:「唔該畀條路我哋行啊,45度角真係好斜,我穿斗零踭會跌㗎,唔該。」
香港市民集體上鏡:「唔該畀條路我哋行啊,唔好真係委任阿邊個同邊個入政府做啦,叫佢地提早上路,又或者,躝屍趷路……」

電郵:mcwriter@sharpdaily.com.hk

曾志豪
豪言 大誌 唔該 該畀 畀條 條路 我行
PermaLink: https://articles.zkiz.com/?id=278937

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019