ZKIZ Archives


萬梓良患糖尿息影

1 : GS(14)@2016-09-07 21:46:16

■59歲萬子(左)清減了,拗腰起來腰力不遜36歲的白只。



萬梓良(萬子)、張繼聰、顏卓靈和白只前晚在灣仔出席電影《今晚打喪屍》煞科宴,59歲的萬子還即場開金口大唱當年主演經典劇《大內群英》主題曲助興。



■顏卓靈表示可再跟男友白只情侶檔拍戲。

入行40周年

問到萬子可有考慮過退休?他說:「我本身想做到66歲,到時個仔21歲,但本身有糖尿病,雖然有運動,消瘦啲,都減咗磅。」萬子表示這次劇組很體諒,作出遷就,不過他計劃明年60歲便退休,他說:「明年7月生日前退下火線,退居幕後,做啲自己想做嘅幕後工作,我心願係做一部戲嘅導演,同一套劇嘅監製,做唔做到就要睇我啲徒弟。」出年更是萬子從事演藝事業40周年。此外,白只和女友顏卓靈孖咇接受訪問,兩人仍想情侶檔?顏卓靈說:「唔知仲有冇機會,唔介意再合作。」開工時可有激烈討論,白只說:「學術上討論有,但冇啲激烈嘅劇情去討論。」有增進感情嗎?白只續說:「唔關部戲事,平時都有增進感情。」採訪:張俊銘攝影:沈健程




來源: http://hk.apple.nextmedia.com/entertainment/art/20160907/19762385
萬梓良 糖尿 息影
PermaLink: https://articles.zkiz.com/?id=307998

萬梓良拖妻賀老師

1 : GS(14)@2017-03-24 17:08:00

萬梓良(萬子)罕有地與老婆十指緊扣到場,不少在場演員都尊稱他為師兄,他說:「King Sir係我麗的訓練班老師,我哋近排合作咗套叫《人民公敵》作品,做咗圍讀,算係送畀老師嘅生日禮物。」萬子表示老師身體回復得不錯,亦感受到老師對戲劇的熱情,他說:「自己同老師認識四十年,當時自己20歲,King Sir係一名謙謙君子,教出嚟學生好多,老師80歲我仲可以同佢一齊演出,係我嘅福氣。」另一位大師兄黃秋生笑言自己是演藝的大師兄,他說:「要數真正大師兄係毛俊輝,佢至係入室弟子。」



■黃秋生在壽宴上表演棟篤笑。





來源: http://hk.apple.nextmedia.com/entertainment/art/20170324/19967981
萬梓良 拖妻 妻賀 老師
PermaLink: https://articles.zkiz.com/?id=328646

【我主場】受糖尿病困擾 訂明工作時間萬梓良出山打喪屍 張繼聰白只擋子彈

1 : GS(14)@2017-06-11 16:09:17

■萬梓良(中)和後輩張繼聰(左)及白只合作,鏡頭前後都十分合拍。攝影:仇志德



【《蘋果》專訪】系出名門,萬梓良(萬子)、白只和張繼聰都是鍾景輝的高徒,都稱之為演技派,難得今次為了「打喪屍」聚首一堂。不同年代的演技派代表人物,同場較勁,白只和張繼總都自愧不如,同被萬子的氣場震攝,亦親眼目到「成吉思汗」上身的萬子,在片場如何威武非凡。採訪:君喬久別銀幕的萬梓良,繼12年《懸紅》和13年的《古惑仔:江湖新秩序》後,今次再跟一班陌生的年輕後輩合作,拍攝港產片《今晚打喪屍》,原來背後有段古。萬子日前於觀塘接受本報記者專訪,談到為何相隔幾年才有一部作品,他哈哈笑說:「冇乜人請!」



■張繼聰(左)表示從萬子身上學到演員應有的專業態度,獲益良多。

■萬子(右二)為拍這場避喪屍戲,在街市跑足兩晚。

■萬子是鍾景輝(中)藝訓班的學生。資料圖片


導演誠意打動

萬子近年長居內地,坦言對香港電影已經生疏,今次難得為港產片出山,原來是被導演盧煒麟和監製鄭思傑的誠意打動,他說:「佢哋好有心,經好多人輾轉搵到認識我嘅朋友再聯絡我,咁我就約咗個時間返香港傾。」回港傾談期間,發現面前素未謀面的年輕人均是他的影迷,對自己以往作品有深刻印象。萬子笑謂:「佢哋好希望同我合作,最後我用咗去兩次洗手間時間去諗,然後返埋位就答應演出。但最重要係時間,因為近年健康情況唔好,有糖尿病。」萬子希望與劇組訂明工作時間,令作品得以最佳精神體力狀態演出,不負影迷的寄望。首次接拍喪屍片,豈不是要經常進入瘋癲狀態不停走避?萬子透露自己戲份甚少需要走避,動作場口都集中在結尾,但都跑了兩晚。憶起這兩晚演出,萬子指辛苦了戲中飾演他兒子的白只及世姪張繼聰,他說:「嗰場戲喺街市拍,現場佈滿反應彈,所以拍攝時要一take過,導演嗌開始,佢哋兩個就扶住我跑,旁邊啲菜同食物就炸到亂飛,我夾喺中間,咁佢哋就幫我擋晒,尤其白只要保護爸爸就中得最多。」


叫前輩印象深

跟兩位後輩張繼聰及白只首度合作,萬子表示由於大家都是King Sir鍾景輝的學生,所以一開始已經有共同話題,而最有趣是首日開工當他坐在片場等待時,白只匆忙走到其身旁,九十度鞠躬大叫「前輩」,令他印象深刻。跟萬子合作,白只表示完全感受到甚麼叫氣場,最記得第一次對稿時,聽到萬子哥讀出對白,便完全感覺到這便是戲,白只說:「萬子哥就似一個舵手,有佢帶領住,我就有個跟住對象,每一個鏡頭拍完都唔係望導演先,係望萬子哥先睇吓係咪收貨。」阿聰指最深印象是一場萬子哥獨自近六分鐘的戲,現場環境又熱又焗,但從鏡頭中深深感受到演員在鏡頭前的力度已經不是演技,而是跟鏡頭融為一體,他說:「呢份態度令我立即學到,真係遇到好攰嘅時候都唔好話辛苦,耐心啲去繼續做。」原來在街市走避喪屍一幕有小故事,便是三人等埋位經已等到深夜好累,但導演一叫埋位,萬子哥就捉住白只及阿聰大叫「畀個好嘅」,然後埋位拍,那刻兩人指感受到「成吉思汗」在旁。場地提供:TOWARD Studio




來源: http://hk.apple.nextmedia.com/entertainment/art/20170611/20051648
主場 糖尿病 糖尿 困擾 訂明 工作 時間 萬梓良 出山 打喪 喪屍 張繼 聰白 白只 只擋 子彈
PermaLink: https://articles.zkiz.com/?id=335334

大台直播恬妞婚禮萬梓良糖尿病纏繞暴脹

1 : GS(14)@2017-06-11 16:09:17

下月滿60歲嘅萬梓良(萬子),縱橫影視圈40年,代表作多不勝數,包括《大內群英》、《太極張三豐》、《流氓大亨》、《大家族》、《他來自江湖》、《巨人》等等,但係講到感情,咁就一隻手可以數晒,經歷過兩段婚姻,與第二任妻子郭明黎育有一子。鄧萃雯當年18歲,就加入無綫藝訓班,之後就委派佢拍攝劇集《薛仁貴征東》,仲要做女主角,夥拍萬梓良,雖然萬子比雯女大9年,有指男方當時向雯女展開熱烈追求,就係咁,佢哋就好快熱戀起來,有指萬子係雯女嘅初戀。可惜最後萬梓良移情別戀,愛上恬妞而與雯女分手。88年,萬子同恬妞因為合作電影《大哥大》而認識,其後有指佢哋到馬來西亞為劇集拍外景時,兩人戲假情真,而最重要係萬子好錫恬妞嘅囡囡彤彤,當時恬妞就覺得萬子就係佢最理想嘅老公人選。92年佢哋就結婚,當時全城哄動,因為佢哋嘅婚禮由無綫直播不特止,仲要請嚟邵逸夫爵士為佢哋證婚,萬子讀誓言時話:「三個人一條命」,可惜呢段婚姻只維持咗4年,離婚收場。對於離婚,萬子當年曾講過,也許自己年紀少,有啲地方對唔住恬妞,但佢哋依然係朋友。同恬忸離婚後,萬子都有傳過緋聞好似長沙美女劉凌同新加坡美女陳婉嫻等。第二任妻子郭明黎原來係佢嘅影迷,任職南方航空嘅郭明黎,話12歲睇萬子嘅《流氓大亨》,自此就封咗佢做偶像,96年,佢喺新加坡邂逅萬子,見到偶像當然開心,郭明黎仲同一班姊妹接受咗萬子嘅邀請,一齊去唱卡拉ok。萬子雖然當時剛同恬妞離婚,但都向郭明黎表達愛意,可惜佢哋就要分隔兩地,直至99年嘅農曆新年,萬子專程跑到昆明接郭明黎,咁先至得到郭明黎嘅歡心,正式拍拖,至2002年結婚。




來源: http://hk.apple.nextmedia.com/entertainment/art/20170611/20052161
大臺 直播 恬妞 婚禮 萬梓良 糖尿病 糖尿 纏繞 暴脹
PermaLink: https://articles.zkiz.com/?id=335336

【馮仁昭四圍超】張繼聰打喪屍各司其職吳家麗萬梓良談情

1 : GS(14)@2017-06-22 07:42:37

萬梓良(萬子)同吳家麗日前喺觀塘宣傳新片《今晚打喪屍》,吳家麗直認全因萬子先會接拍呢部電影,另一個原因就係因為自己係喪屍片迷。不過佢同萬子主要係講上一代嘅感情戲,追跑打喪屍就留畀一班後生演員張繼聰、白只、王敏奕、顏卓靈等負責。吳家麗笑話身邊朋友都問可唔可以客串演喪屍,因為香港太耐冇呢類題材。戲中萬梓良和吳家麗都各自有抒發情感嘅戲份,吳家麗有場戲要感懷身世不停喊,當導演嗌cut後,佢依然失控繼續喊,當時萬子在場,即刻上前搭住佢膊頭安慰,吳家麗話:「當刻好投入角色,個情感一路抒發出嚟,點知導演嗌停,我啲情緒都未抒發完,所以要時間再爆發吓。」下個月就踏入60歲嘅萬子,近年受糖尿病困擾,佢話兩年前開始用咗九個月時間同意志,堅持自己早午晚親自煎中藥,第二年身體有明顯好轉,能夠完成拍攝工作,佢話自己都開心。



■《今晚打喪屍》已接獲歐美三個影展嘅邀請,認真巴閉。

■張繼聰喺片中追打喪屍,少啲精力都唔掂。

■吳家麗坦言因為自己係喪屍片迷,加上因為萬子先接拍《今》片。

參加三影展

電影於去年7月開拍,正值盛夏,萬子笑話最辛苦其實係特技化妝:「當時天氣好熱,所以成日要用風筒吹住啲汗,唔係會影響個妝,我個妝要化個半鐘。」另外,《今晚打喪屍》已接獲歐美三個影展邀請,包括紐約亞洲電影節閉幕日電影、西班牙錫切斯奇幻電影節、瑞士納沙泰爾國際奇幻影展,而吳家麗已落實會同導演盧煒麟一齊飛紐約同各地電影人交流。撰文:馮仁昭場地提供:TOWARD Studio




來源: http://hk.apple.nextmedia.com/entertainment/art/20170621/20062768
馮仁 仁昭 四圍 張繼 聰打 打喪 喪屍 屍各 各司 其職 吳家麗 吳家 萬梓良 談情
PermaLink: https://articles.zkiz.com/?id=336232

萬梓良睇病情接戲

1 : GS(14)@2017-07-05 03:49:42

萬梓良前晚為新戲《今晚打喪屍》到荃灣出席謝票活動,該片自上月29日上映,截至前日,三天票房約收228萬,成績不俗。首次參與謝票的萬子,表示很開心可以和觀眾互動,而且能看到觀眾反應熱烈。萬子笑言會視乎《今》片的成績,才決定是否繼續再拍戲,但最重要是看自身糖尿病病情。對於導演郭子健評《今》片演員表演出色,但劇情和剪接卻令電影變成cult片,萬子說:「我做好自己演員部份已夠,其他嘢唔清楚亦都唔識。」提到本月25日是萬子60歲大壽,問到會如何慶祝時,他說:「仲諗緊,身邊朋友、親人、同事個個開始約我食飯,有排忙。」採訪、攝影:馬健華




來源: http://hk.apple.nextmedia.com/entertainment/art/20170703/20076711
萬梓良 病情 接戲
PermaLink: https://articles.zkiz.com/?id=338035


ZKIZ Archives @ 2019