ZKIZ Archives


直擊恒基總部簽約作實 陳豪豪宅豪贈陳茵媺

2013-05-02  NM
 
 

 

拍拖已兩年的拖友陳豪陳茵媺,恩愛再升溫!早已鎖定對方為結婚對象的陳豪為盡快完成人生大事,近年密密搵儲彈藥,上週被本刊拍得他親身到位於中環IFC的恒基地產總部,扑槌簽約,以3368萬購入大埔比華利山4000呎獨立屋。未正式簽字結婚,但陳豪相當識做,樓契預咗加埋女友名,陳茵媺呢個「豪嫂」,走唔甩!

開聯名戶口

財經界普遍認為樓市在未來兩年向下調,但早想成家的陳豪卻不想夜長夢多,睇準時機,趁一手樓新例殺到前,以低出市價兩成,購入比華利山最後一幢別墅。單位位於屋苑內湖景道,建築面積4000呎,實用面積2461呎,共分四層連天台,飯廳客廳及主人套房外,還有三間客房及兩個車位,景觀飽覽吐露港全海景。與陳茵媺拍拖後,陳豪事事以女友行先。早前陳茵媺在大馬拍攝新劇《單戀雙城》,疑被臨時演員非禮,陳豪二話不說,即飛當地安撫。據了解,陳豪為給女友驚喜,今次的買樓大計,由搵樓、睇樓到扑槌,全盤親自策劃,更打算在樓契中加上女友名字,由二人共同持有。接受訪問時,他更透露稍後會開聯名戶口,有錢與女友齊齊使,進一步確認「豪嫂」地位。「Moses個人好穩重,Aimee就比較活潑鍾意玩,兩個性格一凹一凸,但又出奇夾,Moses同身邊啲朋友都講過,結婚係遲早嘅事,而家只係專心做好啲準備,儲多啲錢,plan好啲佢同Aimee嘅將來;又話遲啲同Aimee開個聯名戶口,反正佢哋而家啲錢都係共用,一齊開戶,反而可以更有計劃咁儲錢同投資。」陳豪身邊朋友說。

高人睇風水

近幾年開始信風水的陳豪,在麥包(麥長青)介紹下,由娛圈御用風水高人苗師傅睇風水;前年他與陳茵媺租住深井碧堤半島,今次買比華利山獨立屋,全部由高人教路。「Moses仲搵苗師傅夾過佢同Aimee嘅時辰八字,擺埋風水陣。跟苗師傅嗰批藝人,唔係住貝沙灣就係碧堤半島同比華利山,好似黎耀祥、麥長青、張兆輝、古天樂全部都係聽佢話,個個有名有利,Moses同Aimee搬咗入碧堤都真係好旺,Moses唔使講,最緊要帶旺埋Aimee,今年搵多咗好多。」

第二日扑槌

上週五(二十六日)中午十二點,一早約好地產經紀的陳豪,現身位於中環IFC的恒基地產總部,直上七十三樓的營業部,簽臨時買賣合約,只見他拎住其他樓盤樓書,詢問經紀意見,在內逗留接近兩個鐘,拎住公文袋的陳豪才與經紀離開。「比華利山呢個盤都有好多藝人住,之前徐濠縈同Eason都睇過樓,不過佢哋嫌大埔太遠,但Moses一睇就好啱心水,睇完樓第二日,就打俾經紀扑槌。」

密密買工廈

自稱穩陣派,鍾意買磚頭保值的陳豪,手上除了持有將軍澳都會駅單位及一間西貢村屋,原來早於○四年,便與家人聯名,以一百二十萬購入柴灣工業城一個寫字樓。今年二月,他與家人成立新公司「The Black Drop Limited」,準備再出擊。據了解,簽約當日,陳豪對恒地最新推出、位於黃竹坑的環匯廣場寫字樓單位,十分有興趣。「嗰日佢問經紀攞晒資料,Moses對中層嗰啲一千呎嘅單位最有興趣。其實佢一向有投資買寫字樓,全部都係同屋企人聯名持有,Moses眼光都幾準,賺唔少。」知情者說。

明星別墅

位於大埔三門仔半島的比華利山別墅,是區內最大型的別墅屋苑,屋苑分三期,共有535戶。雖然屋苑洋房建築密度高,私隱度不足,但飽覽吐露港海景,又擁有超豪會所,設施包括影院、網吧、宴會廳、泳池、緩跑徑等應有盡有,吸引大量明星客入住及投資。

方力申、鄧麗欣

拍拖八年的方力申和鄧麗欣,早年在西半山租住碧麗道洋房同居,去年以月租八萬進駐比華利山4,000呎別墅,有指二人睇中屋內有私人泳池。

黃浩、徐淑敏

11年,黃浩父親黃文霖病逝,為免觸景傷情,加上徐淑敏再誕下細女,於是舉家搬進比華利山銀地道的4,300呎別墅。

謝安琪、張繼聰

原本以4,000元租住大埔村屋,10年搬到月租28,000的比華利山翠樺道2,600呎連700呎花園洋房,租約期滿後,再搬到附近同樣呎數的單位。

舒淇

11年,舒淇以發展商超筍價1,830萬購入比華利山翠樺道2,600呎獨立屋,作投資用途。

雷頌德

09年以2,300萬購入比華利山湖景道單號屋,面積4,046呎,享有船灣海景,他更指屋苑的會所設施多,加上大埔空氣好,適合兒子居住。

信者得救

近年深受圈中人擁護的風水師苗師傅,行事低調不愛曝光,平日只能靠用傳真聯絡,追隨苗師傅的圈中藝人如黎耀祥、麥長青、古天樂、張家輝經他指點後,事業一帆風順。

張家輝

08年,搬入背山面海的貝沙灣後,轉投英皇電影,憑住電影《証人》,成為七料影帝。

何韻詩

11年,何韻詩聽取苗師傅意見搬入貝沙灣,並以綠色改運。其時何韻詩凡出席公開場合,都一身綠色打扮,國語碟也以《GREEN》命名,之後更出奇打入台灣極具分量的「金曲榜」女歌手五強。近年她主演的舞台劇《賈寶玉》叫好叫座,不時在內地巡迴公演,長做長有。

黎耀祥

早年開始跟隨苗師傅放生積福及布家居風水陣,搬住碧堤半島後,09年出現事業第一個高峰,憑住《巾幗梟雄》成為視帝,近年繼續當旺,分別在10年及12年再度奪視帝。

古天樂

02年,苗師傅建議古天樂買下京士柏山當旺屋,自此片約一部接一部。10年,古仔再依指示搬入貝沙灣,年拍七片的他賺過億,近年的《單身男女》、《竊聽風雲》等,票房大收,片酬颷升到千三萬人仔。

崑妝趕客

無綫四月劇集檔期先後推出兩套重頭劇,八點半時段,三料視帝黎耀祥主演的《神探高倫布》持續「柴九」式誇張演技,加上劇本唔掂,被網友圍插「悶到想爆電視」。九點半時段,以為久等九年的《金枝慾孽貳》可以補番數,一樣失望!花了六十萬拍攝的崑曲重頭戲,大戲妝下,平日稱得上「四正」的陳豪、關禮傑走晒樣,極之趕客;加上崑曲不為港人所熟悉,兩人表現吃力不討好,觀眾網友齊聲叫悶。《金枝貳》頭兩集十八個角色一齊出,人物關係加上對白,觀眾短時間內無法搞清;一班主要演員如鄧萃雯、蔡少芬、陳豪都算有演技之人,可惜配角不濟,葉翠翠「唸口簧」,苟姑姐廣東話唔鹹唔淡,就連主角之一的伍詠薇,都被批浮誇,講對白如「急口令」,節奏未能配合其他演員,劇集出街首週,同《神探高倫布》一樣,平均收視同得23點,比起八點播的處境劇《愛‧回家》有24點,還要低。

 

直擊 總部 簽約 作實 陳豪 豪宅 豪贈 贈陳 陳茵 茵媺
PermaLink: https://articles.zkiz.com/?id=55173

爽視彈:陳茵媺的背心熱褲 朱國亮

1 : GS(14)@2013-05-22 14:27:29

http://www.sharpdaily.hk/article ... %E7%86%B1%E8%A4%B2/

《情越海岸線》上周平均收視25點,已是無綫最高收視的節目,按過去的經驗,這應該被稱為低開劇,現在卻可以開香檳慶祝了,況且首播只是起步,往後收視應該仍會上升。《情》劇以長洲做背景,還要精心安排在飄色盛會時播映,戲裏戲外一齊搶包山,易於引起共鳴。不過《情》賣的不是長洲,而是美色,陳茵媺的背心熱褲,李綺雯的三點色,都是亮點。剛巧傳出陳茵媺懷孕消息,如果屬實,陳的豐胸美腿隨時是絕唱,宜珍惜機會,多看幾眼。要批評的是《情》跟姊妹作《情越雙白線》實在太似,黃浩然揸車換了揸船,前作撞車今次撞船,父子關係同樣惡劣,男女主角都是由鬥氣變成情侶,監製編劇太太太懶惰了。

朱國亮
逢一、三、五
爽視 視彈 陳茵 茵媺 媺的 背心 熱褲 朱國 國亮
PermaLink: https://articles.zkiz.com/?id=282924

陳豪茵媺鬥脹囝囝剝帽見人

1 : GS(14)@2015-01-19 09:02:41





【挺肚開餐】■陳茵媺日前挺住巨肚抱住囝囝跟脹爆陳豪到圓方開餐,兩公婆越脹越幸福。








【圓方】陳茵媺(Aimee)前年十二月為老公陳豪生下大仔陳梓燁(Aiden)後,去年六月又為陳豪懷有B仔,預產期為今年三月。雖然Aimee懷孕七個月,但仍頻頻外出,日前記者便見她陀住巨肚偕陳豪、Aiden和陳媽媽一起到圓方食晏。當日下午一時半,陳豪一家由司機駕駛七人車抵達圓方後,陳媽媽第一時間抱住Aiden走入商場。由於Aimee因為抱B而患上筋膜炎,所以左手仍要戴住手托保護,戴上黑超的她落車後即穿上外套免着涼,並負責推BB車,而陳豪則孭住裝有奶樽的奶粉袋,平時螢幕上型爆的小生即時變身湊仔公。



面紅紅似爸爸

最搞笑的是陳豪身形跟大肚Aimee一樣越來越脹爆,當日他穿上一件頗貼身的冷外套襯白褲,行路時不時「唧」出腰間贅肉,可謂越脹越幸福。陳豪一家人走到圓方的Nahm食泰菜和越南菜,擦足四十五分鐘便埋單,繼而一家人帶埋B仔走入育嬰室,估計是為B仔換片。擾攘了十五分鐘後,Aimee便抱住囝囝離開,見Aiden眼仔睩睩、面珠紅卜卜,跟容易面紅的陳豪十足餅印。不過,Aimee為不想囝囝入鏡,於是拉起囝囝外套的連身帽遮掩,豈料活潑好動的Aiden左閃右避扭扭擰擰之餘,還跟媽咪鬥力似的用手扯開帽子,在旁的嫲嫲惟有不停又哄又
陳豪 豪茵 茵媺 媺鬥 鬥脹 脹囝 囝囝 囝剝 剝帽 帽見 見人
PermaLink: https://articles.zkiz.com/?id=287349

陳豪避躁茵媺搬返舊居

1 : GS(14)@2015-05-06 23:15:05

■陳豪(左)為集中精神開新劇,最近搬回將軍澳舊居暫住。資料圖片


陳豪和陳茵媺(Aimee)生了兩個仔,出院當日揚言會繼續生。日前Aimee出席公開活動,提起老公和兒子眉飛色舞,昨日卻有報道指Aimee產後躁底,陳豪難忍,二人疑似半分居。報道指陳豪努力賺奶粉錢,不過Aimee自細仔Nathan出世後,脾氣開始暴躁,加上陳豪在家未有幫手湊仔,陳豪慘變出氣袋。下周開新劇的陳豪為了集中精神,不想給細仔的喊聲影響,陳豪最近搬回將軍澳舊居暫住,Aimee跟兩名兒子繼續住在比華利山,展開短暫的半分居生活。撰文:非非





來源: http://hk.apple.nextmedia.com/entertainment/art/20150506/19136867
陳豪 豪避 避躁 躁茵 茵媺 媺搬 搬返 舊居
PermaLink: https://articles.zkiz.com/?id=290197

陳豪茵媺抱仔攞出世紙

1 : GS(14)@2015-07-22 09:01:13

【爆相爆片】陳茵媺在今年2月為陳豪再添一個囝囝Nathan Lucas,直到生B後3個月,陳茵媺再透露細仔已改了中文名叫陳浩鋒。昨日本報讀者韓小姐經過「爆相爆片」報料,指見到陳豪夫婦在下午1時左右,與5個月大的細囝鋒鋒現身上環入境處辦理領取出世紙。當時因為是午飯時段的關係,人流不算太多,孭住鋒鋒的陳茵媺以及戴帽的陳豪全程親力親為,亦未見有工人姐姐同行,跟住陳豪去櫃枱交錢後,會合陳茵媺離去。另一邊廂,陳茵媺前晚在微博上載了為囝囝設計兼自製的家具相片,兩張凳仔油上黃色,凳腳位白色,分別配上兩隻不同的貓頭鷹的坐墊,製成品令網友激讚!採訪:唐心悠



陳豪、陳茵媺資料圖片

■陳茵媺在微博上載自製家具的過程。



來源: http://hk.apple.nextmedia.com/entertainment/art/20150722/19227519
陳豪 豪茵 茵媺 媺抱 抱仔 出世
PermaLink: https://articles.zkiz.com/?id=291556

陳豪茵媺孭大細B嘆世界

1 : GS(14)@2015-08-09 11:55:39

■陳豪和茵媺各孭一仔,閒逛精品首飾店。讀者提供圖片


【爆相爆片】出名恩愛的陳豪和陳茵媺,婚後努力造人,三年抱兩,生了可愛的大仔陳梓燁(Aiden)與細仔陳浩鋒(Nathan Lucas)後,恩愛程度有增無減,不時見到他們一家四口出巡周圍去。經常開口話太太照顧小朋友很辛苦的陳豪,忙完手頭上的宣傳工作,加上咖啡店的準備功夫又已經七七八八,於是一家人去旅行嘆世界,享受一下家庭樂。而陳豪夫婦早前更被本報讀者目擊到入境處為細仔辦理證件,原來是為了今次旅行做足準備。



■陳茵媺在微博晒老公拖着大仔行沙灘的照片。

■陳豪夫婦早前被目擊到入境處為細仔辦理證件。資料圖片

■日前陳茵媺抽空外出Shopping。資料圖片



踢拖行精品店

前晚有讀者透過「爆相爆片」,直擊他們一家四口去旅行,但未有透露他們身處的地點,只見到陳豪夫婦身穿T恤短褲兼踢拖,陳豪負責孭着大囝,陳茵媺則孭着細囝,他們在一間賣首飾精品的店中被捕獲,當時陳茵媺專心地看飾物,細仔看起來處於半夢半醒的狀態,陳豪似乎發現有人偷影他們。其實陳茵媺日前在微博已經貼了旅行晒B相,有一張見到陳豪拖實大仔行沙灘的背影相,兩父子手牽手在沙灘漫步,其後她又再貼細囝瞓吊床的相片並說:「Baby Prince relaxing on a hammock。」陳茵媺除了當時生B在微博貼過囝囝的相片後,甚少再貼囝囝相,似乎今次很滿意旅程,所以貼圖分享。採訪:張曦彤





來源: http://hk.apple.nextmedia.com/entertainment/art/20150808/19247512
陳豪 豪茵 茵媺 大細 世界
PermaLink: https://articles.zkiz.com/?id=291973

張嘉兒下月嫁人 茵媺為準新娘「加冕」

1 : GS(14)@2015-09-01 07:00:13

張嘉兒下個月與未婚夫Nate拉埋天窗,而咁啱曹敏莉下月2號生日,所以佢哋一班港姐嘅好姊妹,前晚就為兩人搞咗個生日加婚前party,出席者包括陳茵媺(Aimee)、朱凱婷、李潔瑩、戚黛黛同周美欣,昨日張嘉兒仲喺微博貼咗好多張相。相中佢哋玩得好開心,其中一張仲係Aimee幫張嘉兒加冕戴「后冠」,睇真啲,其實個后冠係一副大眼鏡嚟0架,張嘉兒仲掛住彩帶,拎住紮花好開心咁接受加冕,佢留言表示:「點解你哋可以對我咁好嘅,還在感動中. I don't know how to express how grateful& blessed I m to be receiving so much love. I m officially the happiest bride to be!」





來源: http://hk.apple.nextmedia.com/entertainment/art/20150831/19276795
張嘉 嘉兒 下月 嫁人 茵媺 為準 新娘 加冕
PermaLink: https://articles.zkiz.com/?id=292089

靚媽換秋裝茵媺Kathy齊披Burberry

1 : GS(14)@2015-10-14 08:02:20

秋風陣陣,但又未至於凍到穿大褸,最啱就係披上一件poncho。舊年成為最多位女星追捧嘅Burberry格仔披肩,今季又再度強勢回歸,靚媽陳茵媺與周汶錡(Kathy)最近就先後披上品牌最新出品。陳茵媺一向形象甜美,選了一件紅撞紫的款式,仲襯上一個粉紅色的品牌新款Banner bag,走嬌俏路線。至於Kathy就將卡其拼灰色的poncho配搭喇叭褲,加上一個本季大hit的水桶袋,襯出hippies型格感。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20151014/19332626
靚媽 媽換 秋裝 茵媺 Kathy 齊披 Burberry
PermaLink: https://articles.zkiz.com/?id=293170

大肚茵媺最愛露肩裙着$4,300英國名牌報喜

1 : GS(14)@2015-11-01 23:12:44

陳豪陳茵媺一向甜蜜恩愛,兩人的小家庭亦快速擴張。已育有兩子的茵媺昨日更宣佈陀了第三胎,三年抱三,認真厲害兼勤力!茵媺前日在圓方出席鑽飾活動報喜時,着嘅露肩長裙係來自英國品牌Forever Unique出品。胸口心形閃石華麗味濃,伴以鬆身雪紡長裙,而高腰位就輕輕透出大肚微圓嘅腰線,令已陀B三個半月嘅佢看起來更性感健康。茵媺向來愛露肩裙,不少幸福時刻都會揀着露肩裙,由2013年結婚的Lanvin婚紗,到去年宣佈陀第二胎時的Matthew Williamson花卉晚裝,一律都係性感輕露香肩。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20151101/19355611
大肚 茵媺 最愛 露肩 肩裙 裙著 300 英國 名牌 報喜
PermaLink: https://articles.zkiz.com/?id=293638

茵媺陀第3胎陳豪:會畀老婆副偈唞吓

1 : GS(14)@2015-11-02 00:08:26

【三年抱三】■索爆人妻陳茵媺生完第二胎八個月,昨又宣佈第三度懷孕,三年抱三,生產力相當驚人。



陳豪近日不但開行turbo工作頴銀,原來更開行turbo跟老婆陳茵媺(Aimee)造人。今年2月才為陳豪生下二仔Nathan的Aimee,昨日又宣佈懷孕三個半月,三年抱三,雙陳生產力可謂極度驚人。Aimee昨日谷咪上陣出席活動,腰肢圓潤。至於三度一擊即中的陳豪,昨被讚勁力十足時鬼馬地以「hehe」回應,並笑說:「生完三個之後會畀佢副偈唞唞㗎啦。」


陳浩民早前宣佈太太蔣麗莎第四度懷孕,還以為他五年抱四最勤力,但原來一山還有一山高!34歲陳茵媺跟44歲陳豪結婚才兩年多,已三度懷孕,前年12月產下大仔Aiden陳梓燁的Aimee,今年2月再誕下二仔Nathan陳浩鋒,原以為她月前約滿無綫後全力湊B,但原來她又準備生第三胎,三年抱三,生產力極度驚人。



【追B成功】■陳豪與陳茵媺認兩個未夠數,所以繼續造人,成功製造第三B。資料圖片

【谷出巨咪】■懷孕三個半月的陳茵媺昨谷咪上陣,腰肢顯得十分圓潤。

【友人扶實】■上落樓梯時均由前經理人嘉莉小心扶實。



「三個夠喇,四個太攰」


昨日Aimee穿上低胸晚裝襯五吋高踭鞋出席在九龍環球貿易廣場舉行的ASHOKA鑽飾品牌活動,身上佩戴過億鑽飾,閃爆全場,但最「爆」的,還是她宣佈第三度懷孕消息。Aimee昨上落台時均由前經理人嘉莉小心扶實,記者問她老公可有送她甚麼貴重禮物時,Aimee笑指兩個兒子,並大爆:「嚟緊就會有第三個!呢份係一份最大嘅禮物。有咗喇!三個半月!未知仔定女,仔女冇所謂,最緊要健康。」昨見Aimee腰肢圓潤,她指今次懷孕並非意外,自言跟老公都早已有共識生三個小朋友,並有預感今胎也是囝囝,她說:「因為阿Mo(陳豪)嗰邊都係三兄弟,我自己都有細佬,仔女都冇所謂,都係嗰句,好開心!」記者笑指她三年抱三豈非很辛苦時,Aimee則表現輕鬆說:「屋企已經有兩個小王子,加埋阿Mo有三個小王子,所以知道點照顧,多一個都冇問題。」三度懷孕的Aimee,不但不會推工作安胎,還揚言會繼續出席商場活動賺奶粉錢。Aimee今年8月舉家到蘇梅旅行,至上月到大馬與杜汶澤拍攝電影《開飯喇!》,當時又跑又拍通宵的她還未知道懷孕,直至拍攝完返港後才獲悉。問BB是否在蘇梅製造?Aimee表示未敢肯定,並說:「其實我同阿Mo係plan咗要三個小朋友,三個夠喇,四個太攰,而且我自己想繼續演戲。」



【狂影愛女】■陳茵媺父親昨日在活動上不停為愛女拍照。

【又係大馬】■陳茵媺前年在大馬拍攝劇集《單戀雙城》(左圖)時未知自己懷有第一胎身孕,豈料上月到大馬拍攝電影《開飯喇!》又是懵然不知懷有第三胎,還毫無顧忌喪跑(右圖)。



陳豪:多啲嚟密啲手


密密造密密生的陳豪,昨日透過WhatsApp回應本報說:「I'm rather happy to share this joyful news of ours to the public.(我很開心可以同大家分享喜訊)」記者笑指他「好勁」,陳豪即鬼馬回應「Hehe」,揚言會加倍努力搵奶粉錢。之後他再於電話分享喜悅說:「自己一直希望五年生三個小朋友,而家係快咗啲,比預期嚟早咗,但呢啲係上天賜畀我哋,多啲嚟密啲手囉!」問為何不讓老婆「副偈」唞唞時,他笑說:「趁佢後生快啲收工吖嘛,生完三個之後會畀佢副偈唞唞㗎啦。」今胎是否想生女?陳豪謂:「如果係女就固然好啦,但我同Aimee仔女都冇所謂。」採訪:譚倩宜、魯吉攝影:陳志嵐





來源: http://hk.apple.nextmedia.com/entertainment/art/20151031/19354522
茵媺 媺陀 陀第 胎陳 陳豪 會畀 老婆 副偈
PermaLink: https://articles.zkiz.com/?id=293679

陳豪賺錢畀茵媺追夢

1 : GS(14)@2015-11-06 15:02:20

陳豪有心有力,3年抱3,但為多賺奶粉錢要頻頻接工作,他昨日在尖沙嘴出席歐陸嘉年華記者會,一副慈父樣手持公仔亮相,他笑說:「以前攞2個,而家要攞3個。我已經夢想成真,有3名成員,遲啲到太太(陳茵媺)追求夢想,我會努力搵錢,小朋友係我哋嘅指標。」被公認為好男人好老公的陳豪揚言工作重要,但家庭亦不可忽略,要見證小孩成長時刻。他表示太太身體狀況良好,主力照顧兩子。雖然夫婦二人忙於照顧兩小孩,但陳豪亦不會錯過和太太過二人世界的機會,他大賣關子說:「去二人世界嘅地方,做二人世界嘅事,我並唔係一個浪漫嘅人,但會學習。」採訪、攝影:卓寶花





來源: http://hk.apple.nextmedia.com/entertainment/art/20151105/19359916
陳豪 賺錢 畀茵 茵媺 媺追 追夢
PermaLink: https://articles.zkiz.com/?id=293752

【猴B報到】陳茵媺3年抱3

1 : GS(14)@2016-01-06 14:26:55

陳茵媺


李蘊去年6月與羅章冠註冊結婚,前日於海南補擺酒,李蘊默認陀猴B,雙喜臨門。娛圈今年亦有多位猴年BB,將會陸續與大家見面。



陳茵媺 陳豪

去年2月才誕下次子浩鋒,10月陳茵媺再宣佈懷有猴B,實行3年抱3。



黃伊汶 陳國坤

二人兩年前結婚,去年黃伊汶宣佈成功懷孕,預產期為4月中。




蔣麗莎 陳浩民

多仔公陳浩民去年宣佈太太蔣麗莎懷有第4胎,預產期為今年夏天。



徐熙媛(大S) 汪小菲

大S去年10月被爆再度懷孕,她自稱只懷孕1個多月,直斥爆料者破壞懷孕未夠3個月不張揚的習俗。



Jessica C. 安志杰

去年10月宣佈造人成功後,其後男方更於馬爾代夫向女方求婚,JC現於美國待產。



張梓琳 聶磊

張梓琳13年嫁給內地銀行高層聶磊,上月宣佈懷孕喜訊。





來源: http://hk.apple.nextmedia.com/entertainment/art/20160105/19438798
報到 陳茵 茵媺 年抱
PermaLink: https://articles.zkiz.com/?id=294094

又係Hermes袋!陳豪幫茵媺揹Lindy享家庭樂

1 : GS(14)@2016-01-18 14:34:25

日前陳茵媺(Aimee)同老公陳豪,被野生捕獲帶住大仔陳梓燁(Aiden)去中環「AIA友邦歐陸嘉年華2015」玩,享受家庭樂,Aimee更為贏公仔畀Aiden,就算粗身大細,照樣玩得投入。
Aimee差不多每次出街都用Hermes手袋,而且更經常轉款,Birkin、Kelly、Evelyne,又或Garden Party,相當富貴,日前當然都唔例外,揹了一個Hermes的酒紅色Lindy手袋,搭配一身casual look,陳豪仲好sweet咁幫老婆揹手袋,羨煞旁人。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160115/19453159
又係 Hermes 陳豪 豪幫 幫茵 茵媺 媺揹 Lindy 家庭
PermaLink: https://articles.zkiz.com/?id=294432

陳茵媺挽闊太必備Hermes袋 襯一身紅噹噹

1 : GS(14)@2016-02-11 10:21:34

正在為老公陳豪陀住第三胎陳茵媺(Aimee),日前亦在微博po相和大家拜年,穿了一身紅噹噹的造型,仲話自己係「I am lady in red」。
Aimee身穿紅色連身裙,成功遮巨肚,加上手腳看起來仍然非常纖瘦,睇落完全唔似佗B6個月。經常都使用唔同款Hermes手袋的Aimee,日前就手拎Hermes酒紅色Lindy手袋,配襯同樣來自Hermes的帽子及scarf,差唔多由頭紅到落腳,腳踩一對Chanel平底鞋,一身造型行頭十足,睇落亦似足一個闊太。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160211/19486850
陳茵 茵媺 媺挽 挽闊 闊太 必備 Hermes 一身 紅噹 噹噹
PermaLink: https://articles.zkiz.com/?id=295829

茵媺第三胎又係仔?

1 : GS(14)@2016-03-09 16:25:57

■陳豪日前陪老婆陳茵媺到中環做產前檢查。《FACE》圖片


陳豪和陳茵媺(Aimee)已育有兩子,分別是兩歲多的陳梓燁和一歲多的陳浩鋒,正在陀B的Aimee,預產期在今年5月,有指她第三胎依然係囝囝,早前兩夫婦都暗示上天賜他們「三劍俠」。愛妻號陳豪近日被周刊拍到陪老婆Aimee到中環做產檢,並照超聲波,做「口罩黨」的他們離開診所後還乘機拍拖行街,肚大如籮的Aimee全身包到冚,陳豪小心翼翼拖實老婆,Aimee婚後肚皮密密生,如果這胎又生仔,要圓生女夢,兩公婆又要再努力了。撰文:楊定





來源: http://hk.apple.nextmedia.com/entertainment/art/20160309/19521381
茵媺 媺第 第三 三胎 胎又 又係 係仔
PermaLink: https://articles.zkiz.com/?id=297363

【奉子女神】茵媺三年抱三 最生得

1 : GS(14)@2016-07-06 08:11:27

先結婚後生仔屬中國傳統習俗,不過時移世易,不少港、台女藝人都改為奉子成婚,當中陳茵媺更三年抱三。



JC

去年和安志杰火速撻着的Jessica C.(JC),今年3月於美國誕下愛情結晶品Tessa,兩人將在今年10月補辦婚禮,地點選擇香港或美國,更透露有意再追多個。



陳茵媺

大前年6月跟陳豪遠赴巴黎舉行婚禮,當時陳豪默認老婆奉子成婚。茵媺於同年年底誕下大仔梓燁,去年12月誕次子浩鋒,今年4月再誕細女Camilla,三年抱三。



曾愷玹

當年夥拍周杰倫演出《不能說的秘密》一炮而紅,大前年她突然在微博上宣佈結婚及懷孕的消息。



朱茵

跟黃貫中(Paul)拍拖十年,2012年傳出未婚懷孕三個月,當時Paul默認與朱茵意外懷孕,囡囡叉燒包同年10月出世。





來源: http://hk.apple.nextmedia.com/entertainment/art/20160706/19682719
子女 茵媺 媺三 三年 年抱 抱三 生得
PermaLink: https://articles.zkiz.com/?id=302707

陳茵媺李施嬅做姊妹戚黛黛嫁副機師 古堡行禮

1 : GS(14)@2016-08-07 02:13:42

■戚黛黛與副機師男友Calvin,已定於下月13日在意大利古堡內結婚。


現年34歲的戚黛黛與比她年輕兩年的副機師男友Calvin拍拖3年多,今年5月男友在峇里沙灘上求婚,黛黛一口答應。黛黛前晚在電話中透露已定於下月13日在意大利一座古堡行禮,並邀請約80名親友出席。除意大利外,亦會在多倫多及香港擺酒,而其妹將擔任伴娘,姊妹團則有陳茵媺、曹敏莉、朱凱婷、張嘉兒、李施嬅及張紫櫻(車車)等。



■好姊妹陳茵媺、朱凱婷、李施嬅、張嘉兒等將做姊妹,陪黛黛出嫁。

■自言最怕熱的黛黛,大部份的結婚相都安排在室內拍攝。

■黛黛與未婚夫Calvin有共識,婚後過半年二人世界,之後便努力造人。



三地擺喜酒

黛黛回應婚禮安排時說:「嘉兒就快(下月)生BB,所以唔會飛去意大利,但我都有邀請佢做姊妹。因為未婚夫父母喺多倫多,遲啲仲會喺香港同多倫多補擺喜酒,同一時間搞三地wedding,行程都幾緊密。」問到心情是否很緊張?她說:「開始有啲,得番個幾月,因為未婚夫比較忙,通常我揀完ABC畀佢決定,冇鬧過交,大家磨合得好好。」



心急想造人

黛黛直言心急造人,問是否奉子成婚?她笑住否認:「有都係肚腩,我同未婚夫商量過,原本都諗住想快啲生,因為我年紀都差唔多嘞,但唔係話有就即刻可以生,所以諗諗吓又想過一陣二人世界先,頭半年至一年盡量過二人世界,之後就順其自然。」一對準新人早前影婚紗相,除有黛黛至愛的cupcake背景外,還有去國泰城影飛機,以配合Calvin副機師的型仔look,但主景仍在影樓內拍韓風婚照,她解釋:「好耐之前已經想影韓國style婚紗相,但我哋又唔想出埠影,咁啱搵到個贊助有韓風studio,我份人最怕熱,如果出街影我諗一定會癲咗同黑面。」結果黛黛合共影了8個不同造型,在攝影師半推半就下,只有一套衫出戶外拍攝。問有否刻意減肥?她笑說:「都唔係只係影婚紗相嘞,結婚都要減肥,呢個行動keep住做緊,都OK弗咗啦!」採訪:嵐山





來源: http://hk.apple.nextmedia.com/entertainment/art/20160806/19724591
陳茵 茵媺 媺李 李施 施嬅 嬅做 姊妹 戚黛 黛黛 黛嫁 嫁副 機師 古堡 行禮
PermaLink: https://articles.zkiz.com/?id=304687

陳茵媺幫陳豪硬銷咖啡

1 : GS(14)@2016-08-08 00:17:13

政府上月公佈加強管制違地契工廈,包括荃灣順豐工業中心,而陳豪(阿Mo)經營的「Blooms Roastery& Craft Tea」咖啡實驗室正位於該工廈。不過,陳豪上月出席活動時,強調申請時依足規矩及取得相應牌照,不存在違規,加上不做零售生意,只是咖啡店供應商,所以沒有影響。雖然陳豪不做零售生意,但就有招待老友試飲,日前他就以8小時沖泡的冰咖啡招待老友李丞責和劉倩婷。劉倩婷昨日將大合照放上微博,大讚說:「精湛的烘焙方法。」陳茵媺亦在微博上載冧爆嘆咖啡照片說:「享受緊用8小時沖泡的冰咖啡!」撰文:魯吉





來源: http://hk.apple.nextmedia.com/entertainment/art/20160807/19725956
陳茵 茵媺 媺幫 幫陳 陳豪 豪硬 硬銷 咖啡
PermaLink: https://articles.zkiz.com/?id=304840

茵媺拉隊紀念選美10年

1 : GS(14)@2016-08-14 14:29:22

一班06年港姐前晚舉行聚會,當年亞軍周家蔚在微博貼上大合照,除了冠軍陳茵媺、旅遊大使獎的徐淑敏外,還有大家可能已遺忘的黃瑩、曾瑞珊、周詠懿、謝穎珊等,姚子羚雖不是選美出身,但亦有出席。茵媺昨透過短訊謂:「我哋選嗰晚係2006年8月12日,昨日是相識10年,難得嘅友誼!」茵媺衣着最casual,她笑說:「casual dinner嘛!」




來源: http://hk.apple.nextmedia.com/entertainment/art/20160814/19735268
茵媺 媺拉 拉隊 紀念 選美 10
PermaLink: https://articles.zkiz.com/?id=305791

婚宴茵媺嘉兒座上客戚黛黛攞造人貼士

1 : GS(14)@2016-09-28 05:04:28

■03年港姐季軍戚黛黛與副機師老公Calvin前晚在港擺酒,不少無綫藝人到賀。微博圖片



現年34歲的03年港姐季軍戚黛黛,今年5月與拍拖3年多副機師男友楊智龍(Calvin)在峇里訂婚,本月中在意大利古堡舉行浪漫婚禮,一對新人前晚於尖沙嘴朗廷酒店擺酒,劉錫賢、林韋辰、蔡國威、張嘉兒、李施嬅、楊洛婷、陳豪及老婆陳茵媺、朱凱婷和曹敏莉等到賀,亞視前藝人跟無綫小生花旦濟濟一堂。戚黛黛前晚婚宴上貼心招呼賓客,經過一晚休息,她昨日在電話中說:「噚晚好開心,主要邀請去唔到意大利婚宴嘅親友嚟分享我哋喜悅,噚晚冇乜嘢儀式,簡單食餐飯。」戚黛黛表示先享受二人世界,但造人計劃就順其自然,她續說:「我好多姊妹都生晒BB,佢哋group chat都好多生仔貼士,我收集晒備用㗎喇。」



■前亞視藝人劉錫賢打呔執到正出席戚黛黛的婚宴。DV圖片

■婚宴現場的小食及擺設都十分精緻。DV圖片

■戚黛黛本月初在香港出閣,新郎照足傳統接新娘。資料圖片

攬新娘送祝福

坐月中的張嘉兒和再陀B的曹敏莉都有出席,張嘉兒昨在電話中說:「噚晚婚禮好感動,舊年黛黛有飛嚟加拿大參加我婚禮,今年佢結婚我特別有感覺,咁啱我又做媽咪,所以去唔到佢喺意大利搞嘅婚禮,終於等到香港擺酒,可以親自去攬實祝福好姊妹。」問到新手媽咪張嘉兒湊女情況,她說:「第一個星期好唔習慣,未熟悉囡囡脾性,呢個星期掌握好。」張嘉兒希望戚黛黛趕快加入人母行列:「我鼓勵佢快啲生BB,同我哋啲BB一齊玩。」



■蔡國威跛腳都撐着去飲宴,場中碰到友人傾唔停。DV圖片

蔡國威跛都到

蔡國威日前不慎弄傷右腳,他前晚紮着腳出席婚宴,並在Ig留言:「好兄弟好姐妹好同事好拍檔黛黛嫁啦,梗係跛都要嚟飲啦!」前晚11時許,婚宴尾聲,無綫藝員差不多全部離開,只剩亞視昔日藝人不捨留下吹水,戚黛黛夫婦則興奮跟親友影相。採訪:劉敏攝影:梁繼光、朱志聰




來源: http://hk.apple.nextmedia.com/entertainment/art/20160928/19783716
婚宴 茵媺 媺嘉 嘉兒 座上客 戚黛 黛黛 造人 貼士
PermaLink: https://articles.zkiz.com/?id=310433

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019