ZKIZ Archives


西環集中營:勸退曾俊華 西環圖令習冇得揀

1 : GS(14)@2017-01-17 01:49:00

政務司司長林鄭月娥辭職宣佈參選特首後,建制陣營開始為林鄭造勢。有政界中人更指西環近日不斷向建制派發出訊息,聲稱建制派只會支持林鄭、甚至說會軟硬兼施勸退有意參選的財政司司長曾俊華。但該政界人士稱,西環及建制派始終不答一個最重要問題,就是國家主席習近平是否已決定支持林鄭做下屆特首?「抑或只要勸退曾同葉劉,等習冇得揀、只能揀林鄭?」


港澳系統力撐林鄭


該政界中人稱從不同內地線人了解,收到訊息也是中央最高層未對下屆特首人選有決定,「只可以話,港澳系統支持林鄭,但好多個內地收風人話冇聽過習核心已經拍板,撐林鄭做下屆特首」,當然在西環及建制全力支持下,林鄭較曾有更大優勢,「淨係講拎選委提名,曾俊華一定頭痕過林鄭,咁嘅情況下,曾要拎150個建制選委提名難度非常之大」。有民主派選委分析,西環今次最聰明的是一方面向中央稱,太多建制候選人,會分散建制選委票,有可能流選,這是中央最不願見,「咁就大條道理動員建制派保林鄭、勸退曾俊華同葉劉」,最重要是勸退其他人後只剩胡國興,「就算泛民再派人選都好,已經令習近平冇得揀,只可以支持林鄭做下屆特首」。但政界人士質疑西環的如意算盤是否打得響,相信習近平仍然希望在下屆特首人選上「有得揀」,「習唔會咁快做決定,喺提名階段已令佢冇得揀、只可以揀一個,唔係佢風格」。而習一向用人,都要是他認同有能力,「唔係你港澳系統、左派支持佢就一定接受,所以林鄭嘅能力係咪得到習近平認同,先係最重要」。季陶周一、三、五刊出




來源: http://hk.apple.nextmedia.com/news/art/20170116/19898590
西環 集中營 集中 勸退 曾俊 俊華 圖令 令習 習冇 冇得 得揀
PermaLink: https://articles.zkiz.com/?id=322731

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019