ZKIZ Archives


【壹週刊】鄧麗欣孖Angela銅記素顏篤魚蛋

1 : GS(14)@2014-11-09 13:33:01



【壹週刊】餅女各散東西,Stephy鄧麗欣自言同Cookies成員Angela、Kary及Miki經常聯絡,仲周不時齊齊出埠玩。
Stephy真係唔係亂講,呢日就被我哋撞見佢同Angela响銅鑼灣,兩個人似乎啱啱做完運動。唔知係唔係做完運動特別肚餓,兩人邊行就邊拮魚旦,等的士仲食唔停,戴晒黑超又冇化妝,Stephy毫無顧忌,食得好滋味。雖然有話做完運動即食嘢係大忌,但睇Stephy同Angela兩個fit到漏嘅身形,真係大把本錢,使乜怕!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁
http://nextplus.nextmedia.com/




來源: http://hk.apple.nextmedia.com/entertainment/art/20141109/18928269
週刊 鄧麗 麗欣 欣孖 Angela 銅記 記素 素顏 顏篤 篤魚 魚蛋
PermaLink: https://articles.zkiz.com/?id=286362

【壹週刊】王曼喜孖妹素顏跑街 專車接送食茶記

1 : GS(14)@2015-02-13 00:03:02





【壹週刊】王敏德同馬詩慧兩個都擁有模特兒嘅樣貌身材,兩個囡囡王曼喜、王麗嘉當然都有番咁上下。早前佢哋兩姊妹一齊去shopping,雖然最近天氣持續寒冷,但兩位美女一於少理,照著短褲、短裙,邊晒腿邊行街。掃完一大輪衫,再去掃埋護膚品,入到去SK-II,店員一邊介紹產品,王曼喜就好專心慢慢聽,相反細妹就掛住玩手機,好似一啲興趣都冇。隔咗幾日,我哋再撞到佢兩姊妹素顏去跑步,唔使講當然都係短褲出擊啦,仲要著埋背心,不知幾癢眼。記者問到王曼喜咁勤力跑步,係咪諗住打入娛樂圈,王曼喜就笑笑口咁話:「唔係,平時同妹妹都鍾意做運動,所以約埋一齊跑步keep fit啫。」細妹麗嘉隨即趁機會笑家姐好貪靚,咁作為模特兒嘅後代,貪靚都好正常嘅。跑完步之後,司機就車咗佢哋去附近嘅茶餐廳食飯,呢兩位星二代嘅生活都並非想像中咁遙不可及嘅。特約報道





來源: http://hk.apple.nextmedia.com/entertainment/art/20150212/19039513
週刊 王曼 喜孖 孖妹 妹素 素顏 顏跑 跑街 專車 接送 食茶 茶記
PermaLink: https://articles.zkiz.com/?id=287803

素顏秀智狼狽遮面

1 : GS(14)@2015-04-05 23:49:20





韓國女團miss A主將秀智,近日因為公開和男神李敏鎬的戀情而受到追訪,可惜因為正值miss A新碟《Colors》的宣傳期,秀智想避也沒法避。昨日早上,紮起髮髻、身穿短裙的秀智現身KBS電視台綵排音樂節目《Music Bank》,可能她早起趕時間出門,又沒有預計會有大批記者和粉絲在場,所以她沒有化妝,一見鏡頭即用雙手遮面,但又要遮又要偷望。此外,秀智近日接受綜藝節目《Happy Together》訪問時,坦言沒想過戀情會火速見光,又透露拍過的廣告加起來大概有30至40個,秀智說:「雖然曾經獲斟拍內衣廣告,但因為對身材沒有自信,所以拒絕了。」而其所屬的JYP事務所,將於下月推出新星選拔節目,力捧新女團做miss A接班人。至於秀智的男友李敏鎬,前日結束香港活動後返韓,出閘時他主動伸手接過小妹妹粉絲送的禮物,又逗她玩,認真父愛爆棚。撰文:江瑚



■素顏的秀智怕上鏡,狂用雙手遮面。

■李敏鎬前日返抵韓國時,見到小妹妹粉絲即父愛爆棚。



來源: http://hk.apple.nextmedia.com/entertainment/art/20150404/19100755
素顏 顏秀 秀智 狼狽 遮面
PermaLink: https://articles.zkiz.com/?id=289260

【壹週刊】安仔開騷狂操許太Sammi素顏跟到實

1 : GS(14)@2015-04-24 08:51:14

【壹週刊】除咗陪許志安排舞,自認係『減肥達人』嘅Sammi,更日日陪老公跑步、健身,再加埋Sammi私人減肥餐單,幫安仔減咗12磅。想知更多?記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150424/19123029
週刊 安仔 仔開 開騷 騷狂 狂操 操許 許太 Sammi 素顏 顏跟 跟到 到實
PermaLink: https://articles.zkiz.com/?id=289880

何超蓮素顏得13歲

1 : GS(14)@2015-05-04 13:56:55

近日城中掀起一個「目測」年齡的熱潮,只要將相片上傳到「How old do I look?」的app,就能測出歲數,結果大家一窩蜂分享測試結果。賭王三房二女何超蓮昨日亦有share結果,素顏的超蓮與化妝的女友人經過測試後,結果現年23歲的超蓮測出只得13歲,她的女友人反而有23歲,超蓮留言說:「哈哈哈哈哈素顏看起來還比較嫩?怎麼辦喇!天理何在!」日前超蓮留言稱在馬路上跑步時,不小心扭傷兼擦傷手掌,其後她又貼了張傷癒結疤的相片,留言問大家:「變這樣請問會有疤嗎?」愛美果然是女人的天性!撰文:張嘉澄





來源: http://hk.apple.nextmedia.com/entertainment/art/20150504/19134484
何超 超蓮 蓮素 素顏 顏得 13
PermaLink: https://articles.zkiz.com/?id=290106

【馮仁昭四圍超】陳法拉素顏約姊妹飯局

1 : GS(14)@2015-06-16 08:49:18

回復自由身嘅陳法拉,最近返咗嚟香港為電影《神秘寶藏》配音,向來都念舊嘅佢,前晚約咗陳爽、胡蓓蔚、宋熙年及李亞男等舊同事食飯敍舊,其中宋熙年噚日凌晨貼出佢哋嘅合照,留言:「難得一聚!」素顏示人兼露出小酒窩嘅法拉狀態好好,睇嚟大家應該傾得好開心,難怪陳爽回覆話:「Nice catch up!」撰文:馮仁昭





來源: http://hk.apple.nextmedia.com/entertainment/art/20150616/19185402
馮仁 仁昭 四圍 法拉 素顏 顏約 姊妹 飯局
PermaLink: https://articles.zkiz.com/?id=291004

素顏王君馨 處女黨團圓

1 : GS(14)@2015-09-08 07:18:26

■王君馨與李亞男等好姊妹齊撐苟姑娘。微博圖片


李亞男今年情人節嫁予王祖藍,雖已脫離「處女黨」,但她與鍾嘉欣、王君馨、苟芸慧感情要好,前日相約聚會。早前莊思敏揚言不知苟姑娘是「點心代表」老闆之一,搞到苟姑娘不開心,一班姊妹當然力撐,前日齊穿「蛋黃哥」tee貼相上微博,她們的素顏look獲不少粉絲留言讚索,苟姑娘更鬼馬加上迷你兵,代表缺席的岑麗香。君馨好大感觸,在instagram貼了多張姊妹昔日舊照,並用英文寫了大段深情說話:「終於來到今日,如果沒有你們幾位,我在TVB的旅程會很不一樣。我向上帝祈求在來年我們姊妹感情會更穩固,不論好與壞都會支持對方……」撰文:嵐山


■王君馨(右)感謝鍾嘉欣等好友一直的支持。微博圖片





來源: http://hk.apple.nextmedia.com/entertainment/art/20150907/19285183
素顏 王君 處女 團圓
PermaLink: https://articles.zkiz.com/?id=292152

素顏千嬅大方送簽名

1 : GS(14)@2015-10-05 07:29:56

楊千嬅(右)昨日素顏加黑超兼孭起背囊,約下午4時一身運動員look坐七人車到銅鑼灣利園Anya Hindmarch店舖,千嬅在店內挑選背包及扣起背包的貼飾,店鋪出動兩個售貨員一齊招呼千嬅,到最後千嬅沒有揀中背包,反而買了十幾個貼飾。其間有市民向千嬅要求簽名都有求必應,大約逗留了半個鐘離開。





來源: http://hk.apple.nextmedia.com/entertainment/art/20151003/19318750
素顏 顏千 千嬅 大方 簽名
PermaLink: https://articles.zkiz.com/?id=292730

城城舊愛素顏現身姚正菁陪中年男 吹水笑唔停

1 : GS(14)@2016-03-13 02:40:31

【銅鑼灣】郭富城近日新歡舊愛都有新聞,舊愛熊黛林宣佈接受同拍拖一年幾、郭可盈嘅細佬郭可頌求婚,而城城現任、比細佢23年嘅國產辣模方媛(Moka)就傳扭男友買上海千萬豪宅,搞到城城疏遠女友,城城噚日向本報開腔回應:「最近又有一些荒謬作料新聞。我只有一如既往一笑置之!」盡顯保護女友Moka之情。



【分工合作】■姚正菁(右)喺商場美食廣場排隊買飲品,西裝男就去霸位。 DV圖片

【不時冧笑】■姚正菁同中年男有滔滔不絕嘅話題,仲不時手指指露出笑容。 DV圖片



身形圓潤唔少


城城一向對戀事保密,不過佢未走紅時喺無綫做舞蹈員年代,亦曾經認過同當時做藝人嘅姚正菁相戀。淡出娛樂圈已有一段日子嘅姚正菁,前日同一個西裝中年男現身銅鑼灣購物,見佢一身黑皮褸、四個骨褲同平底波鞋打扮,素顏妝容五官冇乜大變化,只係身形就圓潤咗唔少,以年屆半百之齡算保養得宜。二人應該之前行咗一輪,姚嘅男伴已拎住一袋購物袋,行到附近嘅希慎廣場,大部份時間二人都並排而行,但就隔咗一個人身位,唔多見有親暱動作。原來二人想醫肚,入到商場嘅美食廣場休息買嘢飲,中年男就負責霸位,而姚正菁就去畀錢買飲品,之後由男伴接力去拎飲品。兩個人坐足30分鐘,全程都係男士主講,姚正菁就做聆聽者,佢聽得投入全程笑笑口,嘆完飲品就一齊離開。雖未知姚正菁嘅婚姻狀況,但佢兩年前曾出過活動,當時透露已有17同13歲嘅囡囡,男伴係唔係佢另一半,就不得而知喇。採訪、攝影:梁繼光



【90年索樣】■活躍於90年代電視圈嘅姚正菁,當年曾同城城拍過拖。資料圖片

郭富城



來源: http://hk.apple.nextmedia.com/entertainment/art/20160312/19526034
城城 舊愛 素顏 現身 姚正 正菁 菁陪 中年 吹水 水笑 笑唔 唔停
PermaLink: https://articles.zkiz.com/?id=297740

《潮流教主》女星半素顏逐個睇網民評亦妮似巫婆

1 : GS(14)@2016-03-14 01:43:50

講明唔睇大台嘅網民,面對《潮流教主》呢套劇似乎定力唔多夠,正所謂有女睇,點會冇人睇,尤其是一班女人喺辦公室勾心鬥角,咁就算現實冇咁誇,可以都有一、兩個呢啲女人喺你附近!講到成間公司啲女藝人李佳芯、莊思敏、湯洛雯、陳瀅、楊秀惠、許亦妮、李璧琦及李亞男,個個喺劇中化濃妝嚟喬妝,忽然誘發網民想睇吓佢哋半素顏嘅樣,當中網民就覺得人妻李亞男素顏竟然後生咗,亦有覺得許亦妮個樣就有啲似巫婆。





來源: http://hk.apple.nextmedia.com/entertainment/art/20160313/19527136
潮流 教主 女星 半素 素顏 逐個 網民 評亦 亦妮 妮似 巫婆
PermaLink: https://articles.zkiz.com/?id=297810

奧瑪花曼素顏抵港

1 : GS(14)@2016-03-19 22:16:36

現年45歲的《標殺令》(Kill Bill)女星奧瑪花曼昨晚8時半抵港,準備出席今日舉行的第二屆愛滋病研究基金會慈善晚會。她十分低調,只有一名助手同行,另有兩位空姐幫手推行李去停車場。一身caual打扮的她只戴住眼鏡,由於沒有化妝,見到鏡頭即用手遮面,差點撞柱。之後她乘車到港島區一間酒店,與最近傳與濱崎步反面的Alvin Goh(吳吉倫)見面即攬攬,似乎好friend。





來源: http://hk.apple.nextmedia.com/entertainment/art/20160319/19535736
奧瑪 瑪花 花曼 曼素 素顏 顏抵 抵港
PermaLink: https://articles.zkiz.com/?id=298517

撩店員吹水 郭藹明素顏玩貓咪

1 : GS(14)@2016-07-17 15:41:34

■郭藹明今年雖然48歲,但依然保養得宜。








【西貢】要數圈中最得民心的夫妻,劉青雲與郭藹明(Amy)一定是其中一對。現年48歲的Amy,91年奪港姐冠軍後拍過不少劇集,但跟劉青雲結婚18年,已鮮有出現幕前,樂於當老公背後女人的她,只偶爾陪青雲出席頒獎禮,去年亦試過一齊拍廣告。劉氏伉儷結婚多年感情依然保鮮,難怪青雲去年獲封香港電影金像獎影帝,要在台上發表火星論冧老婆。



【雞啄唔斷】■買貓糧時,郭藹明和店員有講有笑。DV圖片

【小貓八卦】■小貓(箭嘴示)從紙箱探頭出來,郭藹明和小貓玩了一會。

【上車返歸】■郭藹明戴上護腕,未知是否扭傷。



急步入寵物店

前日《蘋果》在西貢巧遇素顏、腳踢鮮黃色Crocs膠鞋襯風褸牛仔褲的Amy,保養得宜的她,即使零化妝站在陽光下依然索靚正,十分吸睛。當日下午5時左右,Amy由司機駕駛房車到西貢市中心,落車後即一個箭步走入一間寵物店,原來她趕着為愛貓買糧。


■郭藹明和劉青雲是圈中出名的恩愛夫婦。資料圖片

閃身避踩小貓

明顯是熟客仔的Amy,入店後全程與店員有講有笑,其間Amy更被店內一隻小貓吸引着,事關小貓忽然從紙箱探頭出來,又在她腳邊經過。她為免踩到小貓,即快動作閃身避開,之後又跟小貓玩了一會。離開時,Amy發現記者正在影相,見慣大場面的她依然淡定,繼續保持招牌甜美笑容望鏡頭,而記者就發現她左手的手腕戴了一個黑色護腕,未知是做運動還是做家務時不慎扭傷。採訪、攝影:畢紹基、徐錦池





來源: http://hk.apple.nextmedia.com/entertainment/art/20160716/19696829
店員 吹水 郭藹 藹明 明素 素顏 顏玩 貓咪
PermaLink: https://articles.zkiz.com/?id=303951

素顏喬妹遊美嘆紅酒

1 : GS(14)@2016-07-17 15:41:44

宋仲基


韓國女星宋慧喬(右)近日透過Instagram公開近況,指自己去了美國三藩市,貌似度假,而恰巧緋聞男友宋仲基早前亦飛到美國洛杉磯工作,兩人前後腳抵美,有否在當地一聚令粉絲相當關注。不過喬妹懶理粉絲的推測,繼續晒近況,打扮簡單的喬妹與友人前往酒莊嘆紅酒,在街頭隨便一坐都已經星味十足,喬妹素顏上鏡一樣咁索。而宋仲基昨日飛上海準備今天的粉絲見面會。





來源: http://hk.apple.nextmedia.com/entertainment/art/20160716/19696750
素顏 顏喬 喬妹 妹遊 遊美 美嘆 紅酒
PermaLink: https://articles.zkiz.com/?id=303985

素顏洪欣

1 : GS(14)@2016-07-17 16:01:36

【玩枱布】■晞彤扭計玩枱布,洪欣即時手指指兼鬧爆,當眾教女。DV圖片








【金鐘】現年44歲的洪欣與細她11年的內地演員張丹峰09年結婚後,育有兩歲多的囡囡張晞彤,連同與莫少聰所生的15歲大仔莫鎬濂,湊夠一個「好」字。日前素顏的洪欣帶同仔女、媽媽及外籍傭人,一行五人到金鐘太古廣場食晚飯,身穿黑tee及牛仔短裙的洪欣負責做司機,而大仔落車後即幫手抱着妹妹,身穿黑白波點裙的晞彤面圓圓眼仔精靈,輪廓似足媽咪。



扭計唔食

洪欣等人點了北京填鴨及多款菜式,等待上菜時,囡囡晞彤即要自己用匙羹進食,更要與媽咪齊齊玩她手上的手錶,不過食了一會,囡囡就開始冇耐性兼扭計,又不肯進食、不停玩枱布及餐具。洪欣見狀即手指指及鬧囡囡,而大仔見狀即幫手夾食物給妹妹,以及為洪欣斟茶。相信洪欣十分緊張子女,她先幫囡囡夾填鴨,見大仔掛住玩電話即開口教訓。



【抱女走】■洪欣日前嘆完北京填鴨後,抱着兩歲大的細女晞彤與大仔一同離開。DV圖片

【有笑容】■洪欣終於可以安心食飯,不時與大仔密密傾。DV圖片

■晞彤食到一半扭計,要婆婆(左)同傭人帶出餐廳外玩。



囡囡食量不多,傭人為她帶上奶嘴,更與洪欣媽媽帶她到餐廳門外玩,洪欣見囡囡蹦蹦跳,又不時行向她一方露出笑臉氹她開心,之前黑面已全消,心情好轉後胃口更不錯,其間不時與大仔傾談並露出笑容,最後她將食剩餸菜打包,就親自抱囡囡離開菜館。採訪、攝影:畢紹基、徐錦池





來源: http://hk.apple.nextmedia.com/entertainment/art/20160717/19697915
素顏 顏洪 洪欣
PermaLink: https://articles.zkiz.com/?id=304063

【馮仁昭四圍超】王祖賢素顏網友激讚

1 : GS(14)@2016-08-04 04:06:22

現年49歲王祖賢退休多年,早年更加移民到加拿大,港台兩地嘅fans想見偶像都唔係咁易,不過祖賢間中都會透過百度嘅「王祖賢貼吧」post吓近照同講吓近況咁。前日祖賢用「行覺居士」個名喺貼吧晒出幾張生活照,佢仲玩食字:「小伙伴們,思念是一種病」從相中睇嚟,祖賢依然係一把又黑又長嘅秀髮,雖然就快步入50歲,不過仲keep得好好。相片一貼出,立即有網友讚佢唔化妝個樣,仲靚過化妝㖭。撰文:馮仁昭





來源: http://hk.apple.nextmedia.com/entertainment/art/20160803/19720223
馮仁 仁昭 四圍 王祖 祖賢 賢素 素顏 網友 激讚
PermaLink: https://articles.zkiz.com/?id=304304

公園拍拖亂丟煙頭50歲關秀媚素顏碌眼保靚樣

1 : GS(14)@2016-08-16 06:28:02

【肉緊舌戰】■關秀媚與男友李尚文前日在數碼港海濱公園談心,傾到指手畫腳七情上面。DV圖片





【數碼港】曾選港姐的關秀媚今年50歲,那些年被封為性感女神的她,退隱10年已經洗盡鉛華,前日她跟男友李尚文拍拖行公園舌戰,素顏的她着阿媽款背心襯灰裙,打扮隨意舒適,而且全程不停扯煙,還將煙頭丟在草叢做垃圾蟲,又用手隔衫整理bra帶,腿張開坐姿更不慎春光乍洩,昔日女神光環灰飛煙滅,回歸平淡享受人生。



於1987年參選港姐落敗的關秀媚,憑三級片《賊王》跟任達華床上肉搏出位,被封為性感女神的她接拍多部王晶電影,收歸為「晶女郎」後在影圈平步青雲,惟02年捲入頂包官非判監14日,05年拍完《黑白戰場》後絕迹影圈至今。現年50歲的關秀媚前日再現芳蹤,孖前藝人男友李尚文到數碼港海濱公園拍拖,雖然兩人年紀相差7歲,但保養得宜的她跟姐弟戀男友十分合襯。


坐姿豪邁走光

前日下午約4時許,李尚文駕駛白色波子載女友到公園拍拖,素顏的關秀媚戴cap帽遮樣,着阿媽款背心收起性感身材,甫落車即煙癮起點火吸煙,擔住煙邊扯邊跟男友行入公園,幸好範圍又大又空曠,令公園內的小朋友未至於被迫吸二手煙;二人散步了一會兒後,關秀媚就坐在長凳上休息,嘆完一支煙後起身離座,以為她找垃圾桶,怎知卻是用第一支煙點第二支煙,然後隨手將煙頭丟在草叢,男友就跟在她的身後陪散步。



【貪靚碌眼】■素顏的關秀媚即買即用導入眼霜,女人唔補好易老!

【踎住吹水】■李尚文有凳唔坐,蹲在女友面前似聽訓示。

行了一陣之後,關秀媚又再次坐下休息,李尚文在她身前邊踱步邊閒聊,兩人各自篤手機,顯得百無聊賴,其後李尚文蹲在女友面前傾偈,講到興起終於陪女友坐下,兩人更指手畫腳舌戰,關秀媚還肉緊指着自己心口,傾到七情上面的她,隨意地用手隔衫整理bra帶、伸懶腰,本來將手袋放在大髀上的她,將手袋改放在身旁長凳上,腿張開坐姿豪邁不慎洩春光!



【煙癮發作】■關秀媚煙癮好大幾乎全程煙駁煙,在公園內吞雲吐霧。

【吸完即棄】■關秀媚將煙頭丟在草叢,當街做垃圾蟲。

■當年選港姐入行的關秀媚被封性感女神,樣靚身材正。資料圖片

用特價抗皺霜

由於關秀媚全程幾乎煙駁煙,的確會影響皮膚的狀態,眼圈有點浮腫,不過貪靚的她都很注重保養,隨手拿出新買的兩支導入眼霜,拆開其中一支即用,邊跟男友傾偈邊搽眼霜,不介意在男友面前做保養工夫,愛情長跑9年的他們,表現有如老夫老妻,令人羨慕。其實近年很多女星潮用導入美容器,如徐若瑄、林心如亦曾用被喻為「瘦面神器」的日本Beauty Bar24K金瘦臉電動按摩棒,而關秀媚前日就用L'OREAL活力緊緻透明質酸充盈導入眼霜,這支眼霜聲稱有抗皺、修減眼袋及減淡眼紋等功效,原價215元,現於某連鎖店做特價150.5元,不知她是否在連鎖店購入,所以連買兩支呢!採訪、攝影:畢紹基、吳耀輝




來源: http://hk.apple.nextmedia.com/entertainment/art/20160816/19737399
公園 拍拖 亂丟 煙頭 50 歲關 秀媚 素顏 顏碌 碌眼 眼保 保靚 靚樣
PermaLink: https://articles.zkiz.com/?id=306085

50歲關秀媚素顏見得人美白秘密靠呢支嘢?

1 : GS(14)@2016-08-16 06:28:02

關秀媚自從05年拍完內地劇《暴雨梨花》之後就淡出幕前,50歲嘅佢o依家只係間中出席活動,唔係就同男友或者朋友出街。就好似6月嗰陣前關秀媚坐男友李尚文架「波子」去北角同朋友high tea,當時素顏嘅佢一入到餐廳即刻俾經理認出,靚女梗係有着數,即刻被安排坐靠窗靚位o添!雖然隔住塊玻璃,但係都feel到佢嗰股仙氣。咩話?隔住塊玻璃睇唔清?唔緊要,前日關秀媚又出動喇!佢同男友李尚文去咗數碼港海濱公園散步,咁耐冇見關秀媚都仲係白雪雪,唔知佢有咩保養秘訣呢!突然佢拎咗支碌眼袋嘅筆出嚟係咁碌,唔通呢個就係佢秘訣之一。




來源: http://hk.apple.nextmedia.com/entertainment/art/20160816/19738234
50 歲關 秀媚 素顏 見得 美白 秘密 靠呢 呢支
PermaLink: https://articles.zkiz.com/?id=306088

素顏妍希懷孕4個月晒泳照激似陳曉

1 : GS(14)@2016-08-17 08:01:30

33歲陳妍希同細佢4年嘅大陸男星陳曉喺今年7月於北京辦結婚證,其後二人宣佈有喜,目前妍希有咗四個月,老公陳曉去咗拍新劇《舒克的桃花運》演售樓員舒克,而妍希BB就好好安胎,前晚11點幾,佢就喺網上貼出多張泳照,素顏示人,皮膚keep得幾好,即使粗身大細,仲堅持游泳鍛煉身體。媽媽級嘅網民都佩服妍希身體咁好,懷孕都冇孕吐反應,不過更多網民覺得妍希同老公陳曉越嚟越有夫妻相,「只有我一個人覺得第一張特別像陳曉嗎」、「我怎覺得和陳曉越長越像」及「跟陳曉是失散多年的親兄妹吧」。




來源: http://hk.apple.nextmedia.com/entertainment/art/20160817/19739836
素顏 顏妍 妍希 懷孕 個月 月曬 曬泳 泳照 照激 激似 陳曉
PermaLink: https://articles.zkiz.com/?id=306253

洪欣素顏約張文慈飯敍

1 : GS(14)@2016-09-01 06:12:29

人妻洪欣昨晚約7時單拖現身中環,撇甩老公張丹峰和一對仔女,原來約了好友張文慈到置地廣場的cafe飯敍,着短褲騷長腿的洪欣,身材依然好弗,完全不似是生了兩個小孩的師奶。不過,素顏的她見到記者表現好避忌,明顯不想沒化妝的樣子示人,即時擰轉面背向記者打電話。不久後,着吊帶裙襯草帽的張文慈姍姍來遲,兩人在餐廳門外大約等了5分鐘,獲侍應安排到僻靜角落開餐,大約十分鐘後食物陸續上枱,兩女邊食邊傾十分開心。上月初,洪欣在金鐘又被影到素顏開餐,似乎脫去明星光環的她,完全不喜歡化妝,崇尚自然。採訪、攝影:羅德光




來源: http://hk.apple.nextmedia.com/entertainment/art/20160831/19754661
洪欣 欣素 素顏 顏約 張文 慈飯
PermaLink: https://articles.zkiz.com/?id=306926

全智賢素顏濕平

1 : GS(14)@2016-09-10 13:54:51

韓國女神全智賢近日忙於拍攝新劇《藍色海洋的傳說》,不過前日就被網民影到她忙裏偷閒、現身首爾狎鷗亭。在公開的照片中可見,全智賢身穿T恤牛仔褲,以輕便裝扮行街,似乎沒有化妝,對素顏相當有信心。該網民令其他網民大表羨慕,紛紛留言稱自己都想偶遇女神。另外,昨日有指全智賢將會孖新劇拍檔、「長腿Oppa」李敏鎬於明天出發,前往西班牙拍攝外景。




來源: http://hk.apple.nextmedia.com/entertainment/art/20160910/19765869
全智賢 素顏 顏濕 濕平
PermaLink: https://articles.zkiz.com/?id=308527

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019