ZKIZ Archives


中環在線 陳廷驊舊臣爆料:「佢」令兩姊妹起磨擦 李華華

2010-12-14  AD





 

一向低調嘅南豐陳廷驊家族,人口唔係多,但係依然搞到有爭產官司,上流社會中人,好多都話不勝欷歔!單嘢揚咗出嚟之後,各大傳媒都忙於追料,但係入咗司法程序,涉案嘅個個都要封嘴,幸好因緣際會之下,俾華華搵到個唔使封嘴嘅,同大家八吓卦。

下 個月61歲嘅Sammy李孝仁(下稱阿Sam),係南豐前稽轄部主管兼美加地產嘅董事,係陳廷驊嘅嫡系人馬,1998年8月8日離開南豐,退休去咗英國生 活。點解同華華傾偈?阿Sam話「剛剛喺英國返嚟度假,見到董事長(佢對陳廷驊嘅尊稱)屋企搞成咁,喺報紙周刊睇到嘅,有好多唔係事實,所以咪出嚟講句正 義嘅嘢,你見南豐無老臣子敢出嚟講嘢o架!」佢又強調,自己同南豐無瓜無葛,亦無話幫兩位陳小姐任何一位做嘢。

一個孝而不順一個順而不孝

「董事長夫婦對兩個女同樣愛錫,我未走之前,佢有同我講過,第日希望兩個女一齊管理佢嘅王國…… 兩姊妹幾好o架,我感覺到係佢出現之後,兩個家庭開始有啲磨擦。」阿Sam口中嘅「佢」,係指陳慧慧嘅同居男友司徒啟瑞。

「司徒係二小姐(陳慧慧)介紹入南豐嘅,大約係95、96年左右,董事長唔係好喜歡嘅,呢個係佢睇人嘅問題……」

至 於近排報紙周刊所講所寫嘅種種,阿Sam話:「大小姐當日嫁賓仔(菲律賓人),董事長嘅傳統思想,當然想佢嫁中國人,有不滿唔奇,但唔係外間咁講好唔鍾 意,大小姐比較鍾意美國嘅生活;二小姐就鍾意香港,大小姐比較顧家,細妹就比較外向啲,總之一個孝而不順、一個順而不孝喇……個阿媽冇話企喺邊個女嗰邊 嘅,我諗佢都係覺得連自己都唔安全,驚俾外人搶走晒啲嘢,逼不得已先出手告個細女……」

到底誰是誰非,都係留番畀個官去審喇!

為官司頻撲陳慧芳染恙

南 豐呢單爭產案熱爆全城,陳廷驊兩個女自然成為傳媒追蹤焦點,細妹陳慧慧俾人影到同男朋友司徒啟瑞搞party跳舞;噚日華華就撞到家姐陳慧芳,孤伶伶一個 人喺灣仔新鴻基中心地下搭的士。據聞,佢呢排經常穿梭醫院同律師樓之間,可能頻撲得滯,呢幾日仲感冒病埋,雖然戴住口罩,但係都睇得出佢心事重重。

由於家事已經變成法庭案件,華華知道陳慧芳應該唔想講嘢。最近有人話佢唔畀個妹去醫院探媽咪,華華問起佢,佢果然只係答:「呢啲係屋企嘢,同埋已經入咗司法程序,所以唔方便講咁多。」

關 於陳氏家族,華華八多樣嘢畀大家聽,上星期四(9號)陳廷驊外甥何正昂墮樓,原來餘波未了!話說噚日有報紙報道,收到匿名電郵,話何正昂墮樓身亡前一日, 佢阿哥曾經去過佢荃灣嘅廠房(即係墮樓現場)同佢嘈交。何正昂嘅哥哥Stephen噚日同華華講,佢已經幾個月無同細佬接觸,由何正昂墮樓至到噚日,佢屋 企人都無通知過佢呢個大伯。

李華華

LiWaWa@AppleDaily.com

 


中環 在線 陳廷 廷驊 驊舊 舊臣 爆料 令兩 姊妹 磨擦 華華
PermaLink: https://articles.zkiz.com/?id=20320

有磨擦各自要求「冷靜吓」王宗堯黎紀君情變

1 : GS(14)@2016-05-08 01:44:06

■王宗堯和Christy拍拖8個月,曾經糖黐豆,今年3月還被拍到攬實行街。資料圖片


王宗堯去年10月在Instagram洩蜜,被踢爆跟模特兒黎紀君(Christy)把臂同遊日本,之後發展一日千里,想不到拍拖8個月之後,王宗堯在本月1日於Ig留下疑似分手留言:「不想成為對方的負擔……對不起……愛,相信……還沒死」傳二人情變,惟遭男主角否認。



■Christy前晚指壓力好大,與王宗堯處於冷靜期。

■王宗堯(右)最近忙於開戲做導演,沒時間處理感情。互聯網圖片



指男友情緒化

前晚Christy在圓方出席電影《小花的味噌湯》愛心特別場時,被追問到與王宗堯發生何事,她說:「佢應該係唔得閒,呢排我哋好少見,我忙我嘅嘢,佢忙導演,大家冇時間相處,交畀男方交代,我要時間處理,畀少少空間我哋。」Christy指二人處於冷靜期:「大家壓力好大,生活上價值觀唔同咗。」
Christy未有否認跟王宗堯曾鬧交,被問到是否分手?她說:「呢段時間大家好忙,想畀私人空間大家,佢好care我,當然如果佢喺我身邊嘅時候,都一路會keep住check住我,但係冇管住我,我哋之間冇第三者。」提到王宗堯在Ig傷心留言,Christy說:「佢比較情緒化,我唔想特別同佢講啲乜嘢,我都係今朝考完試,佢透過第三者知道。」但Christy持正面態度,二人仍有轉機。



「我開戲佢考試」

本報致電王宗堯求證鬧分手一事,他說:「大家都忙,我又開戲,佢又考試,壓力爆煲,又要做佢artist嘅工作,又好多活動要去,變相大家少時間見,大家見到有少少磨擦,希望呢段時間大家冷靜吓先,唔想大家有好大壓力、心情唔好嘅時間令到對方受傷害,希望搵番少少空間畀對方同自己。」採訪:卓寶花攝影:陳慧安





來源: http://hk.apple.nextmedia.com/entertainment/art/20160506/19599490
磨擦 各自 要求 冷靜 王宗 宗堯 堯黎 黎紀 紀君 情變
PermaLink: https://articles.zkiz.com/?id=299741

【東京直擊】安全套是如何煉成的?磨擦測試要磨幾耐?

1 : GS(14)@2017-08-04 06:35:39

工場女工用純熟的手法將安全套套上金屬棒作導電測試。



現在安全套廣告也常見於港鐵車站,用上戰鬥力、持久力up等標語大家也只覺得好笑多於尷尬,安全至上、要有一套也不算甚麼社會禁忌,不過當記者來到日本神奈川厚木市相模像膠工業(下文採用英文名字Sagami)工場還是會肅然起敬。皆因它是全日本首間安全套生產公司,成立於1934年。



安全套有多安全或者你和我要用時都沒有留意,參觀工場的除了了解安全套的生產流程,還能知道QC有多嚴緊。首先每個安全套都會經過導電測試,把安全套套在金屬棒上再浸入通過電流的水,如果安全套有破損金屬棒就會通電。Sagami工場各有四條生產線,每日安全套生產量達40萬。除了每個套都會做的導電測試,還有多重抽樣測試。如果有多於三個抽樣測試不及格,整批貨品就需要被銷毀。抽樣測試包括壓力測試、漏水測試等等符合國際標準iso要求的測試,另外Sagami也加設了自家的磨擦測試、水壓測試等等。



Sagami工場在1934年成立後一直沒有搬遷過。

抽樣測試如果有三個不合格品出現就會全批銷毀。

磨擦測試並不是國際標準測試,是Sagami為了控制品質自行加入。

除了參觀工序,Sagami還提供了自製安全套的workshop,當然自製condom沒有經過安全測試切勿亂用,但能夠動手製作也獲益良多,尤其是看到0.01厚度的PU物料安全套,薄得只能摸得到但看不到,令人概嘆科技的偉大。安全套workshop香港Sagami也有舉辦,有興趣的話也可上facebook查看相關資料。



工場workshop可動手製作安全套。

除了抽樣測試,每個安全套都有經過導電測試確保安全。

記者、攝影:司徒港燊2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170804/20110858
東京 直擊 安全套 安全 如何 煉成 成的 磨擦 測試 要磨 磨幾 幾耐
PermaLink: https://articles.zkiz.com/?id=339592

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019