ZKIZ Archives


同事成日請病假究竟係真病定扮病?

1 : GS(14)@2015-10-26 19:17:58

有人大感冒都唔願請病假,堅持返工在辦公室「播毒」,有打工仔則不論病情輕重也常請假,究竟他們是真病還是扮病?精神科醫生表示,部份人心中的「病人角色」(sick role)較重,即使是小毛病也會認為自己病情嚴重,「佢哋感覺係真,唔係扮病,只係實際上病情唔嚴重」,這類人一般希望得到他人同情、幫助或遷就,「覺得自己咩都做唔到,全世界佢特別慘過人」,要減輕或改善病人角色,提升工作能力,老闆或上司應先融入他們的感受,再慢慢輔導。記者:陳沛冰精神科專科醫生歐陽國樑表示,病人角色是一種思想模式,問題嚴重者會將小病看成大病,「佢哋對病嘅擔心好實在,唔係扮嘢」。他們一般情緒較易緊張,會將小問題放大,或想像事情後果很嚴重,成因或是一向人生較順利,處理逆境能力較低,未試過捱苦,故容易將問題放大。相反,一向很捱得、「好打得」的人,病人角色較輕,患大病都可以撐下去。病人角色較重帶來的影響,最明顯是當患上小病時,會覺得自己什麼事情都做不到,如無法返工要請病假,他們容易忽略自己人生中有僱員、父母或子女等角色及責任。他指,常見一些患痛症患者,因病人角色重,覺得自己無法進行復康療程,「更加唔願郁,唔去醫」,令病情更嚴重。不少痛症病人經過骨科或物理治療都無法治癒,或需要轉介精神科跟進。本身患焦慮症或抑鬱症的病人,因思想較負面,亦容易放大自己的病人角色。歐陽國樑表示,要減輕病人角色,先不應出言責怪「扮病、呃人」,否則他們會建立起自我保護機制,不願接受別人幫助。反而,應先明白他們的感受,再慢慢改變他們的思想,「同佢哋傾吓實際情況唔係咁嚴重,可以去番生活正常位置」,例如鼓勵他們即使患病,日常生活或工作不需全面停止,「好似有痛症都可以落街做吓伸展運動」。





來源: http://hk.apple.nextmedia.com/news/art/20151026/19348035
同事 成日 病假 究竟 係真 真病 病定 定扮 扮病
PermaLink: https://articles.zkiz.com/?id=293504

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019