ZKIZ Archives


經濟客艙:買新界上車盤輸在起跑線

1 : GS(14)@2017-04-10 23:35:01

人生最難堪嘅moment,係想買層樓,但發覺無論儲錢儲幾耐都係唔夠畀首期。喺扭曲樓市掙扎求存嘅港人,不足500呎嘅上車盤,無論九龍或新界入場費隨時過千萬。就好似大陸近排好興咁講,讀完北大清華又如何?畢業後依舊買唔起北京學區房。香港嘅大學畢業生,拎得萬零蚊月薪,連北角維港頌一呎都負擔唔起。樓市扭曲,似乎打破咗「港島樓一定貴」嘅定律。無論係北角維港頌抑或係荃灣柏傲灣,兩個新盤呎價成兩萬三蚊,首期都要四百幾萬。住港島或住新界,買咗樓,未必代表攀上社會財富嘅楷梯。有報道話,月入三萬嘅香港家庭,扣除小朋友、生活同雜費開支,約每月剩低三、四千蚊。如果需要供養父母,家用都未必夠畀。不過,如果每日要去中環、灣仔或者尖沙嘴嘅打工仔,北角上車盤似乎着數多啲啲。特別正值搏殺期,一小時生活圈令打工仔可以每日偷回時間,極速恢復精神再返工,呢點同住新界地區無法相比。例如每日OT到八、九點後收工,返到屋企仲可以食個飯,或者去跑吓步甚至睇齣戲再進修都得,但住偏遠地點就要用多兩粒鐘搭車,一年365日計,又浪費咗700幾粒鐘,相對嚟講每日出門口已經輸在起跑線,付出更加多喎。
Captain Cool
https://www.facebook.com/seeforcaptain/本欄逢周一刊出




來源: http://hk.apple.nextmedia.com/financeestate/art/20170410/19985308
經濟 客艙 新界 上車 盤輸 輸在 起跑線 起跑
PermaLink: https://articles.zkiz.com/?id=329921

一路一帶:買堆填區新盤輸在起跑線

1 : GS(14)@2017-10-09 03:05:44

新地(016)位於將軍澳康城的晉海日前終於開價,最平折實只係萬二多點,朋友圈之間紛紛留言說抵買,上車之選!其實筆者一直堅持,整個康城地區非正常人居住,比悲情城市天水圍更差,除非政府主動在康城周邊建立一個龐大社區,否則只會繼續淪為裝修客暫住的居所,港漂大陸人短租之處。有朋友指出,作為上車盤,600萬元兩房其實買得過,又有人話,康城將來會興建一個大型購物商場,加上將軍澳往藍田隧道即將啟用,樓價有大發展潛力。綜合各個睇好康城區的意見,其實大部份人都已經置業,但無一個買康城區的單位,認真諷刺。相信不用舉成交價例子,睇開樓盤的讀者都知道,康城區近年升值肯定低過將軍澳核心區。大家可以說,朋友有錢,唔使買康城。但其實冇錢,就更加唔應該買康城,更唔好充大頭鬼,夾硬用發展商按揭,去賭未來兩年的樓市。先不論晉海或其他康城區單位是否抵買,賭康城日後有升值潛力,趁低吸納的睇法已經有邏輯問題。康城並非市區,而且是將軍澳更偏遠地區,將康城與大西北概念的元朗及屯門區比較,康城並無任何優勢,況且康城升值,將軍澳核心區的升值空間肯定大得多,即使以同一發展商比較,晉海升值空間無可能會比將軍澳站的天晉多。近年發展商按揭推出後,新盤越賣越旺,即使金管局已收緊政策,不少未儲夠首期的買家仍然可以靠發展商財仔夾硬上車;正常700萬元或以下自住物業按揭為六成,首期大約280萬,但發展商財仔卻可以借足85%,即約595萬元,首期只需105萬便可上車,令不少買家能夠買起高達七球的單位。發展商財仔頭3年會以低息借款,但3年後卻會加息,上述單位原本月供2.9萬會大幅加至月供3.8萬,買家焗住轉按銀行,但要補回首期差額,以及通過壓力測試。其實夾硬上車,某程度上是幫某些有固定工作及還款能力的買家上車,但前題是要計掂數,最近新盤不停出現撻訂情況,便是買家落完訂後發現計唔掂數,連發展商按揭用埋都唔夠錢上車,最終賠了夫人又折兵。晉海自住,可免則免,投資計掂數有足夠回報便不妨買吓。斯郎
https://fb.com/oneroadonebelt/




來源: http://hk.apple.nextmedia.com/financeestate/art/20170921/20159112
一路 一帶 買堆 堆填 填區 區新 新盤 盤輸 輸在 起跑線 起跑
PermaLink: https://articles.zkiz.com/?id=341997


ZKIZ Archives @ 2019