ZKIZ Archives


縮皮炒高層王維基出巡定軍心

2012-8-16  NM




「電訊魔童」王維基「賣仔」套現五十億搞電視台,可惜政府仍未有聲氣發牌。大展拳腳遇阻滯,早前還傳出公司要縮皮,三名開國高層被請起;簽下賣身契的藝員,亦因前景不明,人人自危。

為穩住軍心,魔童近日密密出動探班,還紆尊降貴幫手搬器材,實行以身作則,激勵士氣。大班潑冷水

免費電視牌照有排未到手,早前傳王維基要縮皮,手起刀落炒了三名開國高層;連最近宣布數碼電台執笠的大班鄭經翰也潑冷水,直指政府要控制言論,再發免費電視台牌照,得個噏字。

搞電視台燒銀紙,公司幕前幕後,難免疑慮,究竟老細呢台戲可以玩幾耐!

「老細喺好多內地電視台都鋪好晒路,而家拍緊嘅劇集,都傾好晒點合作;佢係做科技公司出身,除咗電視一瓣,仲度緊啲新科技,用嚟發送電視節目。佢同班員工 講,以佢嘅年紀,今鋪應該係最後一次創業,賣CTI係唔想有後顧之憂。」知情人士說。上週日(八月五日)中午,王維基現身正在大埔取景的《警界線》拍攝現 場。Cap帽、白衫灰褲,打扮跟現場工作人員無大分別;當日拍攝林嘉華、廖啟智、林利和周俊偉等悍匪駁火戲,極大陣仗。

落手搬器材

「佢成日都有嚟探班,仲由朝留到晚,幾乎勤力過班員工。見到啲伙食唔係幾好,仲即時俾錢加料,連消夜錢都加咗,搞到無綫嗰邊都加咗消夜錢。」CTI員工透 露。當日王維基到場後,第一時間買清涼飲品萬歲,又不時與林嘉華、導演等密斟,甚至落手落腳,幫工作人員搬器材。這部由廖啟智、林嘉華、周俊偉和林利孭飛 的《警界線》,是CTI的開台重頭戲,劇中全部動用真槍,幕後班底則是當年幫無綫構思《學警狙擊》Laughing哥的朱鏡祺、蘇萬聰等,這部電視電影的 製作費,足已投拍一部中型的港產片有餘,絕不慳皮!

縮皮 皮炒 高層 維基 出巡 軍心
PermaLink: https://articles.zkiz.com/?id=36254

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019