📖 ZKIZ Archives

「我天生係女人」 偷耳環易服男　濃妝應訊　

1 : GS(14)@2013-01-24 00:18:28

http://hk.apple.nextmedia.com/news/art/20130123/18143595
控罪書記載的男被告劉兆華，現年54歲。現實中，劉時刻作女性打扮，「有前有後」的體態盡現人前。每日落街例必化行妝，腳踏高跟鞋，穿上短裙的時候，一對修長「香雞腳」非常養眼。劉的易服打扮，街坊見慣不怪，至於其男子漢真面目，不知不覺間絕迹，「佢男人打扮嗰時，好好傾㗎，見街坊多嘢拎，會幫手拎嘢，係百分百好男人」，有街坊憶述。
街坊口中的好男人，私下極度渴望做女人。「我天生係女人！」劉兆華以高八度的嬌嗲女性聲線說。昔日選擇結婚，他說是「壓抑住自己」而為，07年喪妻後想去變性，「我感覺到佢（妻子）同我二合為一，佢贊同我去變性」，不過「心理醫生話我唔合適」。
劉是家中獨子，去年喪父，親人只剩現年70歲的家姐，兩人甚少往來。至親相繼離開，雖令劉感到好孤單、好寂寞，但亦令他豁然開朗，「o依家冇人冇物，可放開自己，盡情去做自己喜歡嘅事」。徹頭徹尾的易服打扮，換來途人側目，「我唔會介意，一笑置之」。想不到最惡的人，卻是他所住區內的童黨，「佢哋好過份，對我郁手郁腳。（你唔報警？）我唔想搞大件事」。
PermaLink: https://articles.zkiz.com/?id=282161

著背心行山特別好feel？　李佳芯：卸下濃妝回歸自然

1 : GS(14)@2016-11-12 05:55:03

最近被力捧嘅大台小花李佳芯，有傳佢被施壓，要佢同ViuTV主持男友陳炳銓轉地下情，雖然事後佢再三否認自己有男友，兼且唔認被「棒打鴛鴦」，之不過跟住又話李佳芯妒忌黃翠如。報道話李佳芯同黃翠如素有積怨，呢個要追索喺有線時期，嗰陣翠如喺做娛樂主播，李佳芯已經係旅遊節目主持，人氣高過翠如，亦早過對方無綫，點知翠如同洪永城有高層照住，翠如眨吓眼就做女一，李佳芯就要捱上去，仲要俾人打壓戀情，反而翠如同蕭正楠可以名正言順拍拖，難怪佢覺得眼紅紅。唔知係咪呢排太過煩惱，搞到李佳芯壓力好大，所以咪走咗去行山減壓，昨日李佳芯喺ig貼咗條行山片，行山素顏係常識吧！但係佢仲著住一件背心，好悠閒咁喺度行樓梯，佢仲留言話：「當精神太累，卸下濃妝、舒適衣著、隨意走動、回歸自然，就好。」之不過呢幾日又天氣都轉涼，如果佢真係著住背心行山，睇嚟好大壓力喎！




來源: http://hk.apple.nextmedia.com/entertainment/art/20161112/19831443
PermaLink: https://articles.zkiz.com/?id=315226

【美圖晒晒】內地人氣「電視劇女王」　濃妝素顏一樣靚

1 : GS(14)@2017-01-02 11:51:04

中國新一代人氣女星唐嫣，畢業於中央戲劇學院表演系，曾被稱為「中戲校花」。2004年被導演張藝謀選中成為「奧運寶貝」赴希臘雅典參與「中國8分鐘」的閉幕表演，不久出道。2009年，唐嫣憑電視劇《仙劍奇俠傳三》成為當家花旦，人氣之高更有「電視劇女王」之稱。去年初，她更因有8部電視劇在網絡播放量破10億，因而獲封「十億女王」。濃妝、淡妝，甚至素顏同樣美麗，而她亦毫不吝嗇在微博分享各種自拍美照。微博/正妹時代




來源: http://hk.apple.nextmedia.com/international/art/20170102/19884228
PermaLink: https://articles.zkiz.com/?id=321035

【衣裳捉】9歲濃妝紅黑裙太成熟

1 : GS(14)@2017-08-06 11:38:48

年僅9歲的小巨肺Celine昨日化上濃妝，穿上Moschino小外套，配John Galliano紅黑花裙，肉色絲襪、腳踏3吋高踭鞋現身祝捷會，有網民批評她的打扮太過成熟，本報昨日訪問星級造型師馬天佑（圖），他對於Celine衣着說：「紅黑花裙、紅黑高踭鞋嘅組合，色調比較隆重，淨色已經好適合佢，或者日後有機會佢可以嘗試一下繽紛色彩。總括嚟講，今次唔配搭金黃色圖案外套會比較好。」採訪：安妮




來源: http://hk.apple.nextmedia.com/entertainment/art/20170805/20111828
PermaLink: https://articles.zkiz.com/?id=339772
Next Page
ZKIZ Archives @ 2019