ZKIZ Archives


行旅觀察(一) 中國模式,比卡超,江南 Style 麥博 Mak Blog

http://makblogg.wordpress.com/2012/10/03/%E8%A1%8C%E6%97%85%E8%A7%80%E5%AF%9F%E4%B8%80-%E4%B8%AD%E5%9C%8B%E6%A8%A1%E5%BC%8F%EF%BC%8C%E6%AF%94%E5%8D%A1%E8%B6%85%EF%BC%8C%E6%B1%9F%E5%8D%97-style/

出門兩個月回來,香港的負面新聞鋪天蓋地,頗叫人喘不過氣。誰知竟有娛樂新聞上到頭版:韓國歌手PSY打入英美流行榜第一位?Youtube點擊率3億幾次?全球爭相改編?譁,不得了!

第一時間去Youtbube 睇 Ganam Style,第一次睇覺得好騎呢[主角好似谷德昭],第二次開始就停唔到,首歌節奏好上腦[典型Disco Beat],d舞步又幾過癮[其實唔係咁易跳,好多人offbeat],一口氣看了四、五個版本, Loop 左近30次,先捨得熄機,老實講,我都幾鍾意首歌!

Kpop 打進世界殿堂,意義重大,因為連文化頂峰期的日本,都做唔到。

今日無論係去東南亞、定係南美洲[如秘魯],都可以找到韓國流行歌的影跡,其文化滲透力之強,在亞洲只有日本的動漫畫,和香港的功夫片可以比美,但韓曲不如日本漫畫和功夫片獨特和難以複製,為甚麼會如此流行呢?

我想,應該同韓國的Disco文化有關。他們的流行曲就和英、美的Style 走得很近,容易獲得外國人認同,碰巧新興國家又是抄足西方的娛樂,日本的流行曲文化又早已沒落,韓曲正好乘這個東風,加上互聯網可以無國界地發行,終於造 就了Ganam Style 橫掃全球的神話。

韓國真係唔講得笑,一家三星,打底哂d外國同日本的大Brand; 踢世界盃,踢到世界第四。五千萬人的國家,造出這樣的成績,確實有值得值鏡的地方。

反觀中國,在國際流行文化上就無甚影響力。今日我們講中國文化,還是老祖宗的東西,創意是中國的死穴,但一日中國的制度和政治控制不改,都無法釋放創意。可見的將來,中國都只能做二流國家。

在大吹特吹中國模式之餘,總要保持頭腦清醒,研究人家韓國模式怎麼做得這麼出色罷。

 

呢首Live氣氛真係超好!


行旅 觀察 中國 模式 比卡 江南 Style 麥博 Mak Blog
PermaLink: https://articles.zkiz.com/?id=38302

《妖怪Watch》紅爆 勢如比卡超

1 : GS(14)@2014-09-16 22:20:16

動漫電玩《妖怪Watch》(圖)熱爆日本,掀起舞姿十足騎馬舞般無厘頭的「妖怪體操」熱潮,預料可能像《寵物小精靈》中的比卡超那樣紅爆全球。《妖怪Watch》講述平凡小五生天野景太偶然發現破舊扭蛋機,釋放妖怪執事「維斯帕」,自此看到身邊各式各樣妖怪,交朋友後可在危難時召喚牠們化險為夷,情節跟《寵物小精靈》有點類似,但《妖怪Watch》背景是日本城市,觀眾更易代入,相關玩具半年已為遊戲開發商Bandai Namco進賬100億日圓(7.2億港元),電玩界預期「維斯帕」將像「比卡超」進軍全球。法新社




來源: http://hk.apple.nextmedia.com/international/art/20140916/18867683
妖怪 Watch 紅爆 勢如 比卡
PermaLink: https://articles.zkiz.com/?id=285600

財女手筆:比卡超稱霸全球

1 : GS(14)@2016-07-13 05:09:49

比卡超熱潮席捲全球,大家將目光又再次重回任天堂,咁啱聽日中學文憑試(DSE)放榜,今屆中文作文題目完全係任天堂嘅寫照——「傳統往往是創新的包袱」!被譽為「任天堂喬布斯」的任天堂第四任社長岩田聰,由紅白機到NDS、Wii,多次將任天堂起死回生,可惜,早於幾年前,一早已經有人問岩田聰,任天堂幾時會打入手機遊戲,當時佢嘅答覆係肯定嘅:「絕對唔會!」卻造成任天堂其後迷失多年,當時,大家已經開始用智能手機打機,專攻小遊戲的立體3D遊戲機3DS,以及升級版屋企遊戲機WiiU,均未能形成風潮,正正反映傳統成為創新包袱。換個角度,創新只係一刻,只要有能力掀起熱潮,就會成為經典傳統!岩田聰願意承認失敗,最終回頭決定推出手機遊戲,Pokémon GO在美國、澳紐熱爆,相信其後開放更多國家地區,任天堂靠比卡超再次成為世界第一,至少稱霸世界App榜第一,相信未非難事,可惜,Pokémon GO係岩田聰嘅遺作,去年中因癌症病逝嘅岩田聰未能親眼見證,任天堂再次受全球捧為神明。
Melody
http://www.facebook.com/whichroad本欄逢周三刊出





來源: http://hk.apple.nextmedia.com/financeestate/art/20160713/19692330
財女 手筆 比卡 稱霸 全球
PermaLink: https://articles.zkiz.com/?id=303502

【上啦!比卡超】麥當勞畀錢請小精靈?

1 : GS(14)@2016-07-15 05:12:22

《Pokemon Go》搵錢有計!英國《金融時報》報道遊戲開發商Niantic計劃推出「贊助地點」(sponsor locations),賺取零售商戶廣告費。
Niantic行政總裁John Hanke受訪稱,《Pokemon Go》計劃加入「贊助地點」賺取廣告收入,不只單靠遊戲「玩家課金」的收入。「贊助地點」收費模式與Google網絡廣告「每點擊付費」(cost-per-click)相似。玩家尋找「Pokestops」地標時,參與「贊助地點」的現實商戶,可以在遊戲出現。John Hanke指「贊助地點」亦有助商戶帶旺人流。而Niantic另一隻手遊Ingress曾經推出「贊助地點」。《Pokemon Go》手遊的「贊助地點」詳情未公佈,有科技網指麥當勞是其中一個贊助商。美國電子零售商百思買Best Buy和許多餐廳均表示歡迎機迷「搵精靈」,但大前題是機迷要識DO幫襯。





來源: http://hk.apple.nextmedia.com/financeestate/art/20160715/19696045
上啦 比卡 麥當勞 畀錢 錢請 小精靈
PermaLink: https://articles.zkiz.com/?id=303769

財經評論:去啦,比卡超!

1 : GS(14)@2016-07-15 05:13:20

Pokémon GO率先在澳紐美推出,睇開《寵物小精靈》大的香港人未有得玩,但見到外地朋友用facebook同instagram瘋狂貼圖「曬命」,甚至連群結隊一齊捉超夢夢,睇到都好想玩埋一份。於是,再一次出現「捉精靈熱潮」並唔奇怪,連帶《寵物小精靈》擁有者之一的任天堂,股價短短幾日就升超過一半。點解呢款遊戲會大熱?有人話係Pokémon GO利用定位及「增強實境」(AR)技術,玩家可以邊玩邊走。但Pokémon GO製作公司Niantic,之前推出過一款玩法相似的遊戲《Ingress》,玩家先要加入正規軍或反抗軍,然後佔領不同地標,例如將軍澳工業邨有TVB及港交所數據中心可「被佔領」,但該遊戲的聲勢卻遠較「捉精靈」弱。早年亦有一些「定位社交」應用程式,例如是Yelp及Foursquare等,透過定位功能,令用戶及朋友更容易知道獲推介的商戶位置,甚至提供獎勵及優惠,吸引用戶出門及到商戶消費,但始終不及只有「打卡」功能的facebook具推廣效果,都反映僅得定位及AR技術,都未必吸引人使用。 Pokémon GO利用定位及AR技術吸引玩家固然有用,但更重要的是,新遊戲容許玩家模仿《寵物小精靈》內的訓練員,走通街捕捉比卡超、卡比獸等小精靈,然後育成「升呢」進化,再到道場「踢館」,令我們能夠代入成為電視中的小智。玩家的「小智情意結」,加上「老鬼」的集體回憶,才是這款遊戲成功跑出的主因。雖然這款遊戲成功帶起話題,但如果細心留意,在fb及ig「曬相」,甚至聯群結隊捉精靈的人,都是成年玩家居多。過去數年,為帶起Wii及NDS銷售,而堅持不推手機遊戲的任天堂一直「積弱」,由2011年至2016年間,只賣出4,000萬套《寵物小精靈》遊戲,對比一般熱門手機遊戲,隨時有過億下載量,或者反映新一代小孩對比卡超不再熱衷,甚至逐漸遺忘。「去啦,比卡超!」是10歲主角小智的金句,但見到一大班大人扮小智,齊齊捉精靈,其實份外違和。或許,透過任天堂第一款手遊Pokémon GO,重新吸引這一代小孩子認識《寵物小精靈》,可能是上一任社長岩田聰生前最後的願望。記者:胡仲邦





來源: http://hk.apple.nextmedia.com/financeestate/art/20160715/19695418
財經 評論 去啦 比卡
PermaLink: https://articles.zkiz.com/?id=303780

女神tea time:炒比卡超股?先捉網龍吧!

1 : GS(14)@2016-07-15 05:13:20

作為炒友,你唔知Pokémon GO點玩唔緊要,甚至乎你連比卡超係咩都唔知,都冇問題!不過,有三樣嘢你一定要知,第一,隻game令任天堂股價六個交易日內,勁升75%;第二,隻game係採用AR技術;第三,隻game受歡迎程度係癲嘅。講咁多,自然係想派福利!冇錯,是日隆重推介網龍(777),原因四個字講晒:AR網遊!網龍本來就你一隻game股,網遊加手遊產品;同時亦大力開發教育平台業務。話說集團一早已就VR同AR作出部署,去年底已開始研發VR教育產品,今年下半年就會街。不過,公司一早已睇清形勢,副董事長梁念堅上個月接受訪問時講過,「VR是現在,AR才是未來」嘩!睇完真係覺得佢哋係先知。近幾個月,更投資兩間AR公司,分別係來自加拿大嘅ARHT,同埋本地薑Cherrypicks Alpha。網龍通過整合兩公司嘅AR技術,將用作製作內容及軟件應用到遊戲、教學、娛樂及企業等範疇。今次Pokémon GO嘅成功,完完全全幫晒網龍示範,AR技術係如何應用。他日網龍要開發AR game,無論吸用戶定係吸廣告客,一定更加容易,亦幫網龍諗埋一個廣告摸式。去一個唔覺意寫咗個大受歡迎App,廣告唔使搵都自動埋身,搵錢途無可限量!另外,網龍走在潮流尖端,率先開發結合AR元素嘅教育平台。截至去年底,網龍贏得覆蓋內地14個省或直轄市內400所學校,5,000間教室的招標,當你見到Pokémon GO強國已有老翻,就知今次Pokémon GO亦正正變相幫網龍做埋廣告,話俾廣大潛在客戶聽,「我嘅AR軟件真係好玩又好用!」公司冇錯去年業績轉盈為虧,蝕1.43億元人民幣,今年首季虧損,更由上年同期的1,091萬元人民幣,擴至1.14億元人民幣。不過,網龍的遊戲業務首季收益2.84億元人民幣,增長26.6%。網龍管理層表示,今年是公司對VR及AR的投入期,相信2017年會有收成。網龍喺周二受任天堂刺激,炒高一支大陽燭升逾6%;當任天堂都可以6日升75%,網龍冇可能已經炒完囉。
Fifi
http://fb.com/lovefrystock本欄逢周五刊出





來源: http://hk.apple.nextmedia.com/financeestate/art/20160715/19695384
女神 tea time 比卡 超股 先捉 捉網 網龍 龍吧
PermaLink: https://articles.zkiz.com/?id=303781

FB直播「試玩」港版Pokémon全城中伏 周秀娜齋扮比卡超 Game迷嬲嬲豬

1 : GS(14)@2016-07-24 16:49:36

http://skypost.ulifestyle.com.hk ... %B2%E8%B1%AC/223986

【晴報專訊】周秀娜(娜姐)前日中午在FB預告獨家玩Pokémon Go Real,並全程直播呃Like,但實情是她以比卡超造型在商場搵路人完成挑戰任務,結果全城高呼伏已中,最終爆發關公災難,截至昨晚已喪吸過萬嬲嬲圖案。不少網友鬧爆娜姐抽錯火水,要穿Pokémon比堅尼謝罪;有人卻認為冇乜好嬲!
2009年,娜姐挾「翻版」樂基兒之名在書展推出寫真集兼攬枕,憑性感形象及話題成功上位,更是模界始祖。10年起,開始進軍電影圈,短短一年間拍了六部戲,不過,近年娜姐聲勢大減,主演的電影及內地劇集反應一般。此外,她的感情生活也平淡如水,自2013年與陳偉成(Avis)分手多年仍未遇到真命天子。至於同期「勁敵」Angelababy則成功在內地打響名堂兼進軍荷里活,並於去年中嫁給內地一綫小生黃曉明,雙方的事業愈拉愈遠。
一年一度的書展日前開鑼,今年未有推出寫真集的娜姐未知是否要挽回人氣,前日中午在FB開Po預告「獨家率先試玩Pokémon GO Real」,令不少網友引頸以待。事實上,坊間不少機迷正期盼任天堂風靡全球的手機遊戲《Pokémon GO》上架,人人一廂情願以為娜姐「巧威威」,成為首位香港藝人獲邀率先試玩。
玩大咗變關公災難
殊不知,現實是娜姐玩的是Pokémon GO Real,化身真人版比卡超與打扮成小火龍的師妹Hailey各自開FB直播,二人在九龍灣某商場東奔西跑尋找路人幫手完成指定任務,直播全長約26分鐘,卻與《Pokémon GO》丁點兒關係也沒有。
娜姐今次掛羊頭賣狗肉,與粉絲的想法差天共地,惹來劣評如潮。直播期間,網友更瘋狂派嬲嬲,截至昨晚已累積超過10,000個,引發關公災難。不少人嘲諷她違反商品說明條例,玩大咗攞嚟衰;另一方面,有粉絲力挺娜姐,批評不少人無限上綱,認為直播玩賣點不用太認真。娜姐前日拍畢短片後,也強調只是想大家睇得開心而已。
撰文:Steven、Pat
協力:陳子楠
編輯:黃寶恩
插圖:何樂
設計:Simon

周秀娜玩FB Live欺騙全城Pokemon迷,引來過萬Game迷怒派嬲嬲圖案。(FB圖片)

成功向途人借需要物品的周秀娜與男粉絲合照。(FB圖片)
FB 直播 試玩 港版 Pok mon 全城 中伏 周秀 秀娜 娜齋 齋扮 比卡 Game 迷嬲 嬲嬲 嬲豬
PermaLink: https://articles.zkiz.com/?id=304104

【美圖晒晒】索爆人型「比卡超」 很想收伏吧?

1 : GS(14)@2016-08-10 07:54:39

近日Pokémon Go熱爆全球,想捉比卡超?這隻人型比卡超,你想要收伏嗎?台灣索爆模特兒「包子兒」,日前cosplay穿上一身比卡超造型服裝,留言「寶可夢?夢可寶?跟一下風。」但吸睛的是,她的比卡超服可是中空露出腰身,胸前拉鍊還拉到底,雄偉事業線呼之欲出。網友紛紛直呼「好可愛」、「快,收了這隻皮卡」、「世上如果有皮卡丘(比卡超)是這擬人態!應該很多人都想抓吧~」;還有人問「這衣服哪裡買」,包子妹則回應「訂做的」!地點:台北市大安區暱稱:包子兒身高:157厘米體重:45公斤年齡:22歲行業:模特兒興趣:打LOL、看偶像劇台灣《蘋果日報》/ facebook





來源: http://hk.apple.nextmedia.com/international/art/20160810/19730587
美圖 曬曬 索爆 爆人 人型 比卡 很想 收伏
PermaLink: https://articles.zkiz.com/?id=305246

【馮仁昭四圍超】Baby擺比卡超賀曉明

1 : GS(14)@2016-11-16 04:54:27

前日係黃曉明38歲生日,懷孕5個月嘅楊穎(Angelababy)特別為老公喺北京開生日派對。現場仲有三隻以黃色鮮花造嘅比卡超。曉明着住白色西裝,同身穿白色裙嘅Baby襯到絕,佢仲攬住Baby同比卡超影相。曉明喺微博留言:「感謝大家,希望我們都平順安康。」但近日Baby喺社交網上載比卡超,前晚又以比卡超公仔佈置派對,未知Baby係咪想暗示陀仔?撰文:馮仁昭




來源: http://hk.apple.nextmedia.com/entertainment/art/20161115/19833598
馮仁 仁昭 四圍 Baby 比卡 超賀 曉明
PermaLink: https://articles.zkiz.com/?id=315555

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019