ZKIZ Archives


打內戰:閂埋門玩《巨聲4》蕭正楠梁烈唯內定入圍

2013-04-18  NM  
 

 

無線已停辦兩年的《超級巨聲》,今年再度復活!三屆《巨聲》只得林欣彤及許廷鏗彈得起,與其嘥力捧新人,無線變招,索性閂埋門搵藝員參加比賽。自己友玩曬,據知備受力捧的蕭正楠、梁烈唯,已坐定粒六入圍。捧番自己友

內地電視台搞歌唱比賽節目,收視高,廣告財源滾滾,無線決定有樣學樣,抄最近被轟賽果造馬的《我是歌手》條橋,搵藝員參加比賽。近日藝員科已經開始廣派表格,日內將會舉行試音。

「之前公司簽落大班巨聲幫,結果搞到唔少三、四線藝員無嘢做,早排班阿頭開會,藝員科高層提議捧番自己友,仲講到明參加過巨聲嘅唔可以再參加,留番啲機會俾其他藝員。大家都覺得work,話曬啲藝員熟口熟面,佢哋比賽唱歌,隨時有驚喜,會幫到收視。」無線內部人士說。

據知藝員科已廣發短訊,通知有興趣的藝員攞參加表格,日內舉行試音,由藝員科和綜藝科的高層負責,挑選十五名藝員參賽。

「做哨牙仔出曬位嘅蕭正楠,成日想揸番咪做番歌星,佢一早內定有份入圍;有高層話梁烈唯唱歌似陳小春,演得玩得,亦預咗佢一份。」除了高層心水人選,有太陽娛樂黃栢高撐腰的沈震軒和唱家班出身的胡定欣及港男羅天宇等亦會參賽。

庾澄慶做導師

藝員比賽,之前的巨星評判陳潔靈、趙增熹、陳奐仁全部冇得留低;無線有意邀請《中國好聲音》的庾澄慶及陳奕迅做星級導師,並繼續玩全民投票,由觀眾做評判。「哈林(庾澄慶)嘅身價比起幾年前做《味分天下》貴咗好幾倍,不過老細肯俾錢,依家睇佢個期得唔得!」無線內部人員透露。記者致電音樂組監製麥鎮東求證,他承認正在招募藝員參加,日內將進行試音,但比賽形式仍在商議中,未全盤確定。

唱 出 財 路

近年內地電視頻道盛行歌唱比賽騷,當中包括《中國好聲音》、《我是歌手》等,均以超高價向歌手招手,出賽費抵如黃貫中,亦十萬起跳,逐round計,十分和味。庾澄慶、那英做星級導師的《中國好聲音》,節目收視高之外,還拉隊到各地開騷,豬籠入水。

內戰 閂埋 埋門 門玩 巨聲 蕭正 正楠 楠梁 梁烈 烈唯 內定 入圍
PermaLink: https://articles.zkiz.com/?id=54620

【壹週刊】5.29又擺酒 梁烈唯升呢洲際再收人情

1 : GS(14)@2015-05-10 23:19:43

去年元旦,梁烈唯與拍拖十一年的女友Tina簽字註冊,當日一切從簡,婚禮只招待雙方家人及至親好友。據知,唯唯已定本月廿九日encore多次請朋友,收多次人情,和味!可以共患難,有景後可以搬離天台屋的梁烈唯與Tina亦可以共富貴。「唯唯個人睇落好花弗,識佢嘅都知佢係得把口,Tina同佢一齊咁耐,彼此有晒默契同信任,感情冇咁容易受動搖啦!」一四年一月一日,二人結束馬拉松之戀,註冊當日,一切從簡。「佢兩個都識落好多圈中朋友,但簽字嗰日只係雙方家人同最好嘅朋友食咗餐飯,因為場地有限,請唔到咁多人。」知情者說。無論圈中好友,抑或公司老細和高層,當日均未獲邀觀禮,事後梁烈唯不停被投訴。「做咗咁多年,佢一向識做人,其中有唔少朋友仲係老細級,結婚都冇請飲,自然多說話!其實嗰日佢哋都收到唔少賀禮,苗僑偉同三嫂當正唯唯係細佬,簽字嗰日已經俾咗封大利是佢,仲有曾志偉同張智霖出手都好重,而家再擺多次酒,三哥佢哋肯定照做人情。」想知佢仲有咩講?咁就要download壹週Plus呢個app睇足本,免費架!
iPhone版下載:
http://goo.gl/1SDaWF
Android版下載:
http://goo.gl/xfQS8D壹週Plus網頁
http://nextplus.nextmedia.com/





來源: http://hk.apple.nextmedia.com/entertainment/art/20150509/19140771
週刊 5.29 又擺 擺酒 梁烈 烈唯 唯升 升呢 洲際 再收 人情
PermaLink: https://articles.zkiz.com/?id=290231

梁烈唯練定體能抱B

1 : GS(14)@2016-07-13 05:15:50

梁烈唯(唯唯)、洪天明、吳家樂前晚在樂富出席「歐國杯2016睇波不賭波活動閉幕禮」,他們現場陪小朋友睇波,宣傳「睇波不賭波」訊息。有消息傳唯唯的太太懷孕,問何時可以公開,他說:「差唔多喇,最緊要係安全同健康。」唯唯又指自己不賭波,希望將這訊息傳給年輕人,他覺得落注在運動項目上好討厭,所以從來不賭錢,只是試過跟朋友在賽馬銀袋日上夾10元一齊落注。近日他努力操練體能,希望有心有力抱自己的小朋友影相。洪天明2月跟爸爸洪金寶拍完新戲,不用工作,心情放鬆,看來發福不少,但他強調磅數是輕了,拍完戲之後主要跟囝囝玩,又食到太太的好餸!採訪、攝影:張俊銘





來源: http://hk.apple.nextmedia.com/entertainment/art/20160713/19692072
梁烈 烈唯 唯練 定體 能抱
PermaLink: https://articles.zkiz.com/?id=303568

【爆相爆片】梁烈唯跑得慢被抄牌

1 : GS(14)@2016-12-24 10:55:35

■梁烈唯雖跑回座駕,但仍難逃被警察抄牌。讀者提供圖片



被封「負皮王」的梁烈唯最近宣佈太太懷孕,現在專心賺奶粉錢,日前讀者黃小姐透過本報「爆相爆片」,在深水埗直擊梁烈唯被人抄牌過程。黃小姐稱唯唯一個人泊兩架車,她說:「我認得架Mini Cooper係梁烈唯,佢將先將架福士泊入去,轉頭又將自己架Mini Cooper double parking喺隔籬。」黃小姐指唯唯落車後會合友人,但不足五分鐘已有警察抄牌,她說:「警察等咗數分鐘都唔見人,所以都落咗筆抄,佢趕到嚟叫阿Sir手下留情,但已經太遲。」採訪:唐琛悠




來源: http://hk.apple.nextmedia.com/entertainment/art/20161224/19875142
爆相 相爆 爆片 梁烈 烈唯 唯跑 跑得 得慢 慢被 被抄 抄牌
PermaLink: https://articles.zkiz.com/?id=319992

梁烈唯喜獲嬌嗲B女

1 : GS(14)@2017-01-28 12:04:16

■梁烈唯昨午陪妻入院生女,因怕血未有剪臍帶。



梁烈唯與太太Tina昨日擇日開刀生B,二人中午入跑馬地養和醫院準備,B女大概5時許出世,重7磅多,已改英文名叫Karina。唯唯在6時多接受訪問:「太太入產房,一直坐喺佢身邊,見到BB個頭仔出先,第一眼想擘大,見到好光閂返埋眼仔。」唯唯訪問時感動得眼濕濕:「整理完包住畀我抱感受好深,嗰吓好感動,要多謝老婆,母女平安好感恩。」並透露怕血未有剪臍帶,提到女兒樣貌,他指似外母又似太太:「最緊要健康快樂,聽到佢喊時好嬌嗲,今次我慘啦。」採訪:羅慧敏攝影:仇志德




來源: http://hk.apple.nextmedia.com/entertainment/art/20170128/19911158
梁烈 烈唯 喜獲 嬌嗲
PermaLink: https://articles.zkiz.com/?id=324519

梁烈唯後日抱女出院

1 : GS(14)@2017-01-29 10:31:39

■梁烈唯(中)昨日發放與囡囡牽手相(下圖),及後與父母到醫院睇妻女。



梁烈唯前晚榮升人父,太太Tina在養和醫院剖腹產女,英文名為Karina,唯唯昨日發放一張父女手牽手溫馨照片。唯唯昨日下午和父母現身醫院,他透露太太狀況很好,只是開刀傷口痛楚,要打止痛針紓緩。剛成為新手爸爸的唯唯,十分緊張,昨日首次抱愛女,他說:「叫護士示範一次,然後我自己抱,BB有打思噎,我仲轉手幫佢掃風,暫時未有機會同BB沖涼,預計初四出院。」另外,王維基昨午離開養和,並向在場的傳媒笑稱:「我冇見過華仔㗎,嚟探朋友,大家新年快樂。」便匆匆離開。採訪、攝影:盧妹





來源: http://hk.apple.nextmedia.com/entertainment/art/20170129/19911884
梁烈 烈唯 後日 抱女 出院
PermaLink: https://articles.zkiz.com/?id=324605

梁烈唯B女好瞓得

1 : GS(14)@2017-01-31 03:13:31

■榮升爸爸的梁烈唯昨日拿着日用品到養和醫院探太太。



梁烈唯年三十晚榮升爸爸,昨早他去到養和醫院探望太太駱保雯(Tina)和囡囡Karina,中午離開獨自外出去吃飯,唯唯接受訪問時說:「囡囡嘅中文名留待堪輿師傅改,?家太太可以享用醫院安排嘅餐單菜式,初四出院之後就返屋企由岳母煮。」問到有否幫手餵奶,唯唯說:「有幫手抱埋去,原來餵母乳唔係咁易,我個女好好笑,喊時個嘴郁吓郁吓,擺埋去吸咗一啖或者兩啖就即刻瞓覺,係咁叫佢都唔醒,老婆話似我瞓得,我瞓覺火燭都唔識走,好似我食得瞓得,?家都識笑。」胡定欣、袁偉豪及陳敏之昨日亦有到醫院探唯唯女兒,抱過BB的定欣說:「BB個樣好似唯唯,個嘴好似佢向上。」另外,譚詠麟昨傍晚6時再到醫院探華仔,逗留約半小時便離開。採訪:張俊銘攝影:葉君海



■胡定欣昨日帶同禮物去醫院探唯唯B女。





來源: http://hk.apple.nextmedia.com/entertainment/art/20170130/19912605
梁烈 烈唯 女好
PermaLink: https://articles.zkiz.com/?id=324716

梁烈唯享受做奶爸

1 : GS(14)@2017-01-31 16:01:59

梁烈唯年三十晚榮升爸爸,太太駱保雯(Tina)為他誕下B囡Karina,昨日唯唯與父母到養和醫院探望妻女,他說囡囡要照燈,但希望可以跟太太一齊出院。他又說Tina現在餵母乳,外母會煲谷奶湯。唯唯昨日亦在社交網上載湊女相,還留言:「新手奶爸表示:係攰嘅!不過好享受!新手奶爸感受:媽媽係偉大嘅!女性係一定要尊重同愛錫嘅!新手奶爸共勉:能當爸爸嘅都非常幸運!我哋都係幸運超人!為天下父母鼓掌!係堅勁嘅爸媽們!」另外,早前在泰國拍廣告受傷的劉德華仍在養和留醫,昨日他透過助手向醫院門外傳媒派桔及利是。採訪:羅慧敏攝影:朱志聰




來源: http://hk.apple.nextmedia.com/entertainment/art/20170131/19913229
梁烈 烈唯 享受 做奶 奶爸
PermaLink: https://articles.zkiz.com/?id=324824

細心接妻女出院梁烈唯減Job湊B 準備追多個

1 : GS(14)@2017-02-02 02:34:12

■唯唯昨日接妻女出院,表示初為人父心情緊張。



梁烈唯於14年元旦與交往11年的女友駱保雯(Tina)結婚,去年中宣佈太太有孕,其妻於年三十晚誕下B女Karina,榮升爸爸的唯唯十分興奮,一直在醫院陪伴妻女,經過幾天休養,昨日醫生批准唯唯太太及囡囡出院。



■Karina的嬰兒車繡有KL兩字。

■榮升爸爸的唯唯心情大靚,經常面露笑容。

■唯唯女兒Karina昨日終於可以出院回家住。

老婆餵母乳

昨日約下午3時,唯唯與太太Tina步出醫院,兩人推着繡有KL的BB車離開,不過步出醫院時Tina有些疲態,又有幾聲咳,唯唯可能見太太不適,不想對方吹風,所以細心地先安頓好太太和囡囡上車,然後再單獨接受記者訪問。問到唯唯會否再追多個仔?他笑言已經準備好再追多個B,希望是三年抱兩,至於太太目前身體情況,他說:「OK啦,不過佢好攰,唔吹得風,因為要餵母乳,吹到好麻煩。」由於剛做父親,還有很多育兒學問要學,好似學抱、餵奶、沖涼和包被等,雖然工作不會全部停頓,但他要做全職爸爸,只揀不太花時間的工作。


兄弟做契爺

之前唯唯透露囡囡面黃要照燈,昨日問他囡囡狀況如何?他表示:「Karina情況好好,大家放心!」講起將來對子女的教育問題,他聲稱不會做怪獸家長,但就自爆剛為人父心情好緊張,他說:「有日媽咪嚟探Karina,佢抱B姿態唔係咁好,當時我仲大聲話媽咪:『喂,做乜咁樣呀!』即刻嚇喊埋Karina,搞到Tina都話我係怪獸家長。」問到會否有藝人朋友上契做女兒契爺契媽?唯唯表示:「《兄弟幫》四兄弟認做契爺,我仲叫阿Bob(林盛斌)唔好唔認數,至於契媽就未有。」唯唯臨上車時,他說要多謝鄭秀文送花給妻女。採訪、攝影:卓寶花、羅德光




來源: http://hk.apple.nextmedia.com/entertainment/art/20170201/19913920
細心 妻女 出院 梁烈 烈唯 唯減 Job 準備 多個
PermaLink: https://articles.zkiz.com/?id=324967

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019