ZKIZ Archives


人財兩失林忠豪搭上人妻廖碧兒絕望勾陳豪


2011-8-11  NM




「拜金女」廖碧兒,以為溝掂李澤 楷表弟林忠豪,搵到筍盤可以實現夢想做有錢太。點知,林忠豪玩厭即撇,二人情侶關係只維持大半年,今年六月,正式反面分手。回復單身四出溝女的林忠豪,上 星期更與一名人妻林淑怡結伴去ball。豪門夢碎,加上被無綫放棄拒絕續約,形象全面插水的廖碧兒,唯有隨波逐流,返大陸搵食,一出道就做慣女主角的她, 現在要淪為大茄,做行行企企大配角。走入絕路,廖碧兒仍死心不息,扮死狗搵番陳豪,她雖未至於痴心妄想反撬陳茵媺牆腳同陳豪復合,只是氹掂陳豪拍住搵錢, 貫徹她搵錢不擇手段的拜金本色。半年玩厭

去年十二月,廖碧兒被揭發秘密搞掂「富二代」李澤楷表弟林忠豪,一心就以為得米,可以嫁入豪門做少奶奶,於是極速狠撇拍拖六年男友陳豪,專心服侍林公子; 點知唔夠一年,林忠豪對廖碧兒已經生厭。「Alastair(林忠豪)成日都想溝女明星,但係無乜女肯落疊,偏偏廖碧兒以為執到寶,釣到隻肥金龜,攬到佢 實一實。最初佢兩個都以為搵到目標人物,開始三個月愛得好痴纏,點知唔夠一陣,就覺得唔對路,Alastair話佢貪錢,又唱佢其實唔係好索,唔值得喺佢 身上投資咁多,加上廖碧兒成日扮明星,唔肯陪男友出席朋友聚會,令到Alastair冇得喺啲friend面前炫耀有個花旦女友。「至於廖碧兒,佢發覺 Alastair其實唔係想像中咁有錢,淨係識吹水,咁耐都冇收過一件令佢嘩一聲嘅禮物,甚至有時廖碧兒開晒聲話鍾意邊個手袋,Alastair把口就話 買,但最後都側側膊,唔肯送。」林忠豪身邊 人說。高速煲的戀情經不起考驗,二人經拖拖拉拉,今年六月期間,林忠豪趁一次嗌交,乘機提出分手;一心以為有機嫁入豪門住豪宅做少奶奶的廖碧兒,當堂如夢 初醒。為表撇女決心,林忠豪已經連廖碧兒的電話,都唔肯再聽,近日亦不停要求朋友,介紹靚女model給他 認識。

錢情無限

陳豪與廖碧兒○四年撻着,地下情逐漸浮面後,二人以「情侶檔」姿態接job,有錢齊齊搵,深受一眾廣告客戶歡迎,有市有價。04-05年廣告:Lifeztore家具店每人$50萬活動:Bossini旗艦店開幕、地鐵商場開幕等3個每人$24萬

人妻陪去ball

上星期四(八月四日),林忠豪出席菁英會第四屆執委就職宴,原本大方接受記者訪問,被問到廖碧兒時,他就耍手擰頭:「呢啲嘢唔講!」連提都唔願。當晚,林 忠豪身邊女伴已換人,兩人全程如孖公仔黐埋一齊,當發現有記者影相,兩人又會煞有介事,馬上左閃右避。據了解,林忠豪的新女伴名林淑怡 (Mariana),是潮州商會青年委員會副主任,而林忠豪則是該會委員。林淑怡年約三十五歲,已婚,但甚少與另一半出現公開場合,相反,近日經常陪同林 忠豪夜蒲。

俾阿佘騎住

俾仔飛,加上無綫亦放棄拒絕與她續約,雙失廖碧兒黑過墨斗。為了賺錢養家供樓,之前大口氣四圍放風話要去荷李活發展的她,被逼捨遠取近,返大陸搵食,簽埋 佘詩曼同一間大陸經理人公司,繼續俾阿佘騎住。做慣女主角的廖碧兒,由於在大陸欠缺知名度,就算接拍大陸劇《深宮諜影》,但亦有機會做個行行企企,無關痛 癢的大配角角色,級數大跌,至於她過去最強的商業活動,亦因為形象插水,出騷量跌近零。

撻Q

圈中唔少女星如徐子淇、李嘉欣等成功釣到金龜,做幸福少奶奶,但唔係人人都咁好命水,花盡心思鋪路嫁入豪門,臨門先撻Q,前功盡廢的,大有人在。

鍾欣桐07年,阿嬌成功冧掂父親是中建電訊主席、身家過10億的富家子麥浚龍(Juno),但08年爆出淫照事件,Juno在父親麥紹棠多番施壓下,終於斬纜,之後Juno公開承認model女友Janine。

陳法蓉陳法蓉08年撬走陸詩韻的「油王」男友,點知朱明原來係空心老倌,被踢爆09年金融風暴後已欠下巨債,更一度失蹤。

宣萱宣萱96年由友人介紹認識中信泰富主席榮智健的堂姪榮文瀚,二人拍拖6年,並計劃結婚,後來有傳宣萱搭上有婦之夫羅嘉良,榮文瀚提出分手。

王祖賢93年,王祖賢被指介入林建岳和謝玲玲的婚姻,更獲岳少贈送幾千萬豪宅,但岳少母親棒打鴛鴦,更大鬧:「當個仔去叫雞!」二人最終不歡而散。

SMS求饒

雖然已走入絕路,但廖碧兒仍不放棄,最近更頻頻向陳豪發動SMS攻勢,懇求陳豪原諒,她明知陳豪已經同陳茵媺拍拖,根本無機會復合,但仍希望可以抽陳豪 水,助她起死回生。「Bernice(廖碧兒)知道阿Mo(陳豪)同陳茵媺拍緊拖,所以佢都唔敢奢望可以喺番一齊,只係想借阿Mo影響力,同佢拍檔一齊出 席賺錢活動,Bernice知道自己而家就算減到好平都冇人搵,但只要搵到陳豪一齊,啲廣告商覺得有綽頭,一定肯俾錢;仲有,阿Mo如果幫佢講兩句好話, 點都有幫助,諗過算過,見一定有着數,所以佢係咁『舌累』住阿Mo,提議同佢一齊做嘢,又話當俾條生路佢行喎!」廖碧兒身邊人說。可惜一切為時已晚,做了 多年老襯的陳豪,最終拒絕廖碧兒要求。「阿Mo蠢唔晒,之前Bernice傷得佢咁緊要,仲要做訪問公開唱衰阿Mo,就算自己唔計較,佢都驚萬一同 Bernice一齊做嘢,Aimee(陳茵媺)唔知會點諗!佢哋啱啱先開始,點會咁蠢自找麻煩,更何況阿Mo同Aimee啱啱傾緊情侶檔一齊合作拍廣告, 有好嘢,都益新女友啦,仲點會理舊愛呀!」知情者說。

月供四宅

曾經貴為TVB騷后的廖碧兒,過去不斷有投資物業,但多以父母名義購入,有些更是短炒用途,08年以693萬購入的凱旋門,一年後即以755萬賣出,賬面賺62萬。前後曾買賣近10個物業,現時手上仍持有四單位,由於父母已退休,全由她獨力供款,每月供款超過九萬。

 


人財 財兩 兩失 失林 林忠 忠豪 豪搭 上人 妻廖 碧兒 絕望 勾陳 陳豪
PermaLink: https://articles.zkiz.com/?id=26976

T牌充車主冇句真 莊思敏KO林忠豪

2011-10-27  NM

莊思敏(Jacquelin)七月底跟拍拖五年的吳浩康分手,即被廖碧兒舊愛、李澤楷表弟林忠豪力追,送上新款iPhone 4GS,又以五百萬麥拿侖跑車接送,開水喉、落重本,其實全部假象!有「水哥」之稱的林忠豪,充大頭鬼追女仔,原來兼職車行經紀的他,借車行新車扮富貴柴 可夫,自稱專一卻溝女無間斷,近日又被目睹跟前組合Freeze成員之一甄穎珊食飯。大話連篇,莊思敏決定疏遠,KO林忠豪。

客串車行經紀
莊 思敏甩拖唔夠三個月,愛追星出風頭的林忠豪即攝位發力狂追,不單只公開大讚女方性格爽直,還大手筆送禮管接管送,高調示愛,其實背後另有目的。上週四(十 月二十日),明知莊思敏出席活動現場有記者,林忠豪依然大搖大擺,揸住全港第一部落地的麥拿侖跑車,到銅鑼灣利園廣場接女方收工,之後會合許志安、王傲山 等人到灣仔食飯。 有五百萬跑車招搖過市,原來一直鍾意做「中間人」抽佣賺錢的林忠豪,近日在朋友開設的車行客串做高級經紀,向一班富二代朋友sell貴價車,從中拆賬分 佣。


「水哥(指林忠豪)雖然係開環保公司,不過咩生意都做,佢似sales多過老闆,因為同李家(李嘉誠)係親 戚,好多人會俾面幫襯,搞掂一單生意就有佣分;好似佢特登用架麥拿侖載莊思敏,周街走俾人影相,已經做晒宣傳啦!架車係車行,仲未出牌,所以佢揸住嗰日要 掛T牌,如果賣得出,可以賺到幾十萬佣,全港暫時只得一架,第二部要出年三月先到,佢都係諗住sell俾班富二代。」林忠豪身邊人透露。

莊思敏落閘
林 忠豪識計數,最叻自我宣傳,近日由他負責做籌委、請到許志安現身的慈善步行籌款活動,順理成章搵埋莊思敏「情侶檔」現身,繼續扮演社交名人。 「傳佢追莊思敏之後,水哥周圍同朋友晒命,話自己成日俾人偷影,其實佢不知幾enjoy,你見佢搞慈善籌款,又話搵埋莊思敏一齊做主禮嘉賓,擺明想做新 聞,其實Jacquelin都知佢係咩人,不過唔好意思次次踢爆。好似前幾日有人見到佢同甄穎珊喺灣仔王子酒店食飯打邊爐,水哥死口唔認,其實 Jacquelin根本都唔介意,明知水哥份人冇句真。」 無發展機會,莊思敏日前公開表示會減少見面,疏遠林忠豪,「成件事愈講愈似真(指拍拖),我都唔想人哋加深誤會,嚟緊都會同佢少啲聯絡,少啲見面。」

宇宙吹水王
被一班富二代朋友稱為「水哥」的林忠豪,擅長作大認叻,同佢合作過嘅人,大部分不歡而散。

敢講唔敢認
去年底,林忠豪與廖碧兒結伴返淺水灣道寓所斷正,女方更從Hermes手袋中取出林宅鎖匙,明顯熟晒架步,但林忠豪對戀情仍矢口否認。

捐錢無影
「樂壇教父」戴思聰逝世,林忠豪竟利用和契姐戴蘊慧的交情做宣傳,聲大大話要出資300萬贊助戴家為戴思聰搞慈善紀念演唱會,還拍心口包50萬飛。今年初,戴蘊慧主動聯絡商討細節,林忠豪卻諸多藉口推搪,甚至唔覆電話玩失蹤。

老友當老襯
07年答應與房祖名合作投資Rio薄荷糖生意,林忠豪臨時縮沙唔肯俾錢,結果搞到朋友都無得做。

自認高層
林忠豪母親莊月華是李嘉誠太太莊月明胞妹,恃着自己係李嘉誠姨甥、李澤楷表弟,在一班富二代面前,林忠豪聲稱在長江實業任職高層,不時跟李嘉誠見面,但據知每次有家庭飯聚,他只能坐大廳,冇資格同首富舅父一齊坐房。 ####

 


牌充 車主 冇句 句真 思敏 KO 林忠 忠豪
PermaLink: https://articles.zkiz.com/?id=28680

忘年知己後台林忠豪老豆泣談陳僖儀

2013-04-25  NM
 
 

 

出道兩年的上位唱作歌手陳僖儀(Sita),上週三(四月十七日)凌晨獨自駕車返回尖沙咀寓所途中,在油麻地發生嚴重交通意外,當場頸骨折斷重傷,送院搶救後證實不治,終年26歲,短暫一生畫上句號,圈中人深感惋惜。星途雖短,但Sita身邊曾有不少貴人相助,除經理人Paco外,原來真正泵水給她出碟的,是年約六十歲,身家豐厚、廖碧兒前度林忠豪的父親,名醫林孝文。有指二人的忘年知己關係,在林醫生圈子無人不知。失去知己的林孝文,傷痛中向本刊承認,他是出錢出力幫Sita追夢的後台。

銀彈宣傳

據悉,Sita(原名陳皓儀)出道前,已在一個派對中認識比自己年長超過三十年的林孝文醫生(林忠豪父親),當時回覆單身的林醫生,正跟圈中一碟歌手、曾與周汶錡法國老公傳緋聞的張苡澂拍拖,雖然雙方年齡差一大截,但毋礙二人發展,成為一段忘年知己關係。林孝文不只是城中外科名醫,也是中渝置地控股有限公司副主席,持有三十多間公司股權,身家以億計。當年為幫女友張苡澂圓夢,打本百萬給對方出唱片。及後為提攜極有唱作才華的Sita,人脈廣水頭足的林孝文,落力為她鋪橋搭路,並交託老友Paco(黃柏高)揸旗的太陽城娛樂力捧。因此,Sita一出道,就有鋪天蓋地的銀彈宣傳,首張專輯廣告,高掛在紅隧附近,聲勢一時無兩。

殼王老友

銀彈加後台強,令當時出道只有數月的Sita,去年初在無線《十大勁歌頒獎禮》奪得「新人薦場飆星獎」,今年初在同一個頒獎禮更得到「最受歡迎新人金獎」,惹來連擸兩年新人獎非議。據悉,林醫生跟無線新主殼王陳國強分屬老友,足以令Sita在《勁歌》年年有獎。去年她又以只得短短一年的歌齡,在九展舉行個唱,比同期新人快一步理想達到。

車出車入

意外發生前數月,Sita到無線錄影《勁歌金曲》,本刊發現接送她出入,車牌688的七人車,並非唱片公司提供,而是擁有多架688車牌的知己林孝文,車牌登記是林氏旗下公司「Qualipak International Holdings Limited」的附屬公司「Qualipak Manufacturing Limited」,登記地址同是他任副主席的中渝置業,位於北角馬寶道的公司總部。當晚錄影完,Sita跟唱片公司同事到尖沙咀食飯後,便坐住林醫生的座駕,由司機送返月租十萬的豪宅君臨天下。Sita得林醫生愛護有加,不單止事業發展順利,在生活上亦得到 照顧。「Sita爸爸係做貿易生意,但家境唔算富裕。入行前佢哋一家住喺美孚,之後成家搬入君臨天下;除咗七人車,有時仲有司機揸架Benz車出車入。Sita冇同圈中人提過佢同林醫生嘅關係,反而林醫生自己個朋友圈子,就好多人知道。」 知情者說。

最後一面

有忘年知己全力支持的同時,有傳Sita早前曾跟一名年輕的富二代來往,可惜因對方花弗,令雙方關係欲斷難斷,Sita更為此心情低落。自上週三(十七日)Sita車禍離世後,飽受打擊的林醫生整個星期也沒有應診,有指出事當晚,他曾趕到醫院見Sita最後一面。上週五(十九日),記者致電林孝文,哀傷未平的他,大方談及與Sita關係。壹:有傳你為咗Sita嘅事業,出錢出力幫忙?林:佢係我好朋友,又咁有才華,一定幫o架。壹:外傳你同佢其實係情侶 關係?林:(猶豫數秒)人都唔喺度,無謂講啦。壹:出事當晚,你係咪都有趕去醫院見佢最後一面。林:(開始飲泣)無謂講,唔好意思。

未圓的夢

Sita的告別禮已定於下月十日,在沙田寶福山紀念堂設靈,十一日舉殯。據知靈堂將以她最愛的粉紅色為主調,由於她生前曾向胞妹透露,希望死後採西式喪禮及有詩歌班唱聖詩,故屆時亦會安排合唱團現場唱詩,送別她最後 一程。星途因意外畫上句號,正錄製中的第三張大碟成為絕唱。為圓Sita未圓的夢,Paco表示會將錄好的兩首新歌及Demo推出「最後專輯」,以作紀念。


忘年 知己 後臺 臺林 林忠 忠豪 老豆 泣談 談陳 陳僖 僖儀
PermaLink: https://articles.zkiz.com/?id=54896

[貼圖]林忠澤

1 : GS(14)@2011-08-04 23:07:05


2 : GS(14)@2011-08-04 23:07:21

http://hk.apple.nextmedia.com/te ... 462&art_id=15488040
公佈明年 5月擺喜酒
Viann未婚夫狠批廖碧兒豪門夢碎
2011年08月03日
貼圖 林忠 忠澤
PermaLink: https://articles.zkiz.com/?id=275678

[貼圖]林忠豪

1 : GS(14)@2011-08-09 00:29:28


Source: http://www.inv.com.hk/
2 : GS(14)@2011-08-09 00:29:46

http://www.inv.com.hk/interview/industrial-investment/issue37_30/
創業冒險家 林忠豪
Text:黃星
貼圖 林忠 忠豪
PermaLink: https://articles.zkiz.com/?id=275729

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019