ZKIZ Archives


隔牆有耳:翻版麥明詩為林作助選

1 : GS(14)@2015-11-24 08:29:49

今屆區選新人王,黃大仙龍星區嘅林作肯定上榜,單憑佢有個十優港姐女友麥明詩Louisa,就已經係話題。不過面對住爭取連任嘅譚香文狙擊,仲有對手岳敬寬、何偉權,林作都一直冇出動十優港姐助選,反而佢媽媽同婆婆,都喺較早前出現過。就算噚日衝刺日,都未見伊人影蹤噃,唔通係cctvb唔畀佢拋頭露面?


■去到噚日衝刺日,林作始終都冇出動女友麥明詩助選。張志華攝


八方現場所見,林作雖然請唔到女友助陣,但助選團亦請嚟唔少美少女撐場拉票,當中更有酷似麥明詩嘅面孔。入夜後細雨紛飛,呢班短褲女郎攞住螢光標語,笑意盈盈幫呢位25歲大律師拉票。美少女戰術,真係唔打得都睇得。





來源: http://hk.apple.nextmedia.com/news/art/20151123/19384264
隔牆 有耳 翻版 麥明 明詩 詩為 為林 林作 作助 助選
PermaLink: https://articles.zkiz.com/?id=293885

氹.黐.就收服飄忽女友
林作要麥明詩跪低求婚

1 : GS(14)@2016-02-24 07:27:25

■十優港姐麥明詩一直歸邊為「人生勝利組」,但上月選華姐一役遭遇滑鐵盧。資料圖片



【《蘋果》專訪】因十優港姐麥明詩(Louisa)男友之名,畢業於牛津的林作,名氣一夜飆升,去年11月參選區議會敗陣後,並沒有打擊他從政的決心,至今依然關心政事。身為清洪高徒的他,近日亦磨拳擦掌準備開人生第一間律師樓。前日林作在中環裝修中的律師樓接受《蘋果》記者訪問,除了大談政治理念和抱負,對與女友麥明詩的關係,林作亦難得侃侃而談,更笑言女友如在下月14日白色情人節當日奉上求婚戒指,他會點頭答應,但就要女友跪低求婚!撰文:王梓嫚


十優港姐冠軍麥明詩,參選以來一直聲稱自己單身,但不久便遭踢爆有個家底和學歷同樣猛料的男友林作,二人關係最初由曖昧到近日經常被拍到出雙入對,戀情浮面。現年26歲的林作,家住麥當勞道三千呎豪宅,畢業於牛津大學,之後在港大完成法學碩士,更獲沈澄紀念獎學金,並跟隨名牌大狀清洪做徒弟,去年4月正式成為執業大律師,與女友一個劍橋一個牛津,大家同樣讀法律,package上絕對登對。



■林作前日在中環正裝修的律師樓接受本報訪問。攝影:陳俊強

■林作和麥明詩本月初到中環AIA嘉年華玩機動遊戲,林作輕搭女友膊頭又拖手玩電話,場面溫馨。資料圖片

■麥明詩在情人節後出席活動時戴上男友送的頸鏈。資料圖片



嚎哭扮悔過

林作雖為執業大律師,但記者和他做訪問,發覺他說話非但不會死板嚴肅,更與時下僆仔無異。對於氹女友有一手,他說:「其實Louisa性格唔係咁女仔,但有時都忽冷忽熱,變幻無常。印象中我冇乜喺佢面前瀨過好大嘅嘢,通常係我瞓覺冇聽佢電話,第二日就會收到佢成篇文send過嚟,篇文就講明聽電話嘅重要性。呢個時候我梗係認錯,仲要係北韓式嚎哭嗰隻悔過,呢招通常都work。之前我聽過一個主持講,話而家港女擇偶條件唔係高富帥,而係氹黐就,我做到氹同就,不過我同佢而家咁忙,所以黐就難啲。」麥明詩早前出席活動時自爆2月14日情人節收到男友送的頸鏈禮物,問林作3月14日白色情人節會否再送戒指(求婚)給麥明詩時,他笑言:「送戒指,靚嘅我買唔起,律師樓下面有間鑽石店,我行親啲職員都叫我買隻戒指送畀女友。不過白色情人節好似係女仔回禮畀男仔喎!」問他如果麥明詩在那天調轉頭送求婚戒指,他可會接受?林作竟然話沒問題:「如果佢向我求婚,咁有創造力,我會扮晒女仔咁嚎哭,激動咁喊住話應承,不過佢到時要着西裝同跪低囉!」



■林作近日密鑼緊鼓開人生第一間律師樓。

■去年11月林作參選區議會雖然落敗,但當日戴着口罩的麥明詩有現身撐男友。資料圖片



人人愛港姐

對於近日女友正式簽約無綫成為旗下藝人,林作直指是女友經過深思熟慮後的決定,他說:「其實佢簽約我冇乜畀意見,Louisa個人好怕悶,由始至終佢都冇諗過政途同做律師,所以諗咗好耐佢最終選擇呢條路。」女友成為藝人,問到林作的家人及母親會否有意見時,他坦言:「冇人唔鍾意香港小姐嘅,以往傳統諗法好抗拒明星、戲子,佢哋嘅錯覺係藝人冇乜點讀過書,唔係真係咁有腦,其實而家都唔係啦,Louisa教育背景同我相似,利用得好應該係一個優勢。」攝影:陳俊強





來源: http://hk.apple.nextmedia.com/entertainment/art/20160224/19502779
收服 飄忽 女友 br 林作 作要 要麥 麥明 明詩 詩跪 跪低 求婚
PermaLink: https://articles.zkiz.com/?id=296261

林作扒龍舟嗌到聲沙

1 : GS(14)@2016-05-19 02:33:57

港姐冠軍麥明詩男友林作既高學歷又有家底,不過論「高富帥」卻差了身材。談不上高大猛男的他為彌補不足之處,勤力做運動,最近更聯同母校哈羅公學的同校師兄組隊參加扒龍舟比賽。他日前去到赤柱進行熱身賽,與其他隊友站起時,看到他一雙手臂加起來也不及人家的一隻。他昨日接受訪問時,笑認手臂太瘦。他負責打鼓:「做鼓手要嗌口號,我嗌到聲都沙,事前我買咗箱啤酒同香檳,諗住比賽完飲,不過賽完一場都頂唔順,要狂隊啤酒,下次真係要帶定大聲公。」採訪:王梓嫚





來源: http://hk.apple.nextmedia.com/entertainment/art/20160517/19614567
林作 作扒 龍舟 嗌到 到聲 聲沙
PermaLink: https://articles.zkiz.com/?id=300398

【馮仁昭四圍超】麥明詩服侍林作踢波

1 : GS(14)@2016-05-24 10:26:46

【遞水飲】■前日陽光普照,見男友踢到身水身汗,麥明詩即做廿四孝女友遞水畀佢。








麥明詩早前喺無綫節目度成日將「劍橋」同「十優」掛喺嘴邊,結果俾網民幫佢起朵叫「堅離地詩」,而佢最近以新丁待遇幫無綫拍劇,成日要留喺內地,前日趁有假期即刻爭取時間陪住男友林作,就連男友同成班男人去踢波都照跟,仲唔介意做阿四,幫男友同佢啲波友買埋水。



【好細心】■難得女友唔怕曬黑陪踢波,林作有機會便走到麥明詩身邊傾偈。

【睇泳衣】■麥明詩睇完男友踢波,即到銅鑼灣shopping。

【食茶記】■未知係咪經常被指「堅離地」,麥明詩決定同男友玩平民食茶餐廳。



揀一件頭泳衣

前日下晝4點鐘左右,麥明詩坐男友林作車去九龍仔足球場後,即全程靠邊站,後來索性搽蚊怕膏趴喺草地睇書,完場後先同男友過二人世界,仲好貼地咁去九龍城食茶餐廳,又去銅鑼灣行樓上舖。馮仁昭噚日打電話畀林作,佢話:「噚日其實都幾曬,都驚佢(麥明詩)曬親,不過佢平時冇乜做運動,有機會畀佢接觸吓大自然都係好嘅。」馮仁昭笑佢哋慳家,一份常餐兩份食,仲去街檔睇手機殼,林作即乘機幫女友澄清咁話:「佢好鍾意食茶餐廳㗎,喺街邊買手機殼,因為嗰度多款嘛!」問佢係咪好保守,所以麥明詩揀泳衣只揀一件頭,佢就笑住話:「我唔介意佢着三點式喎,咁好嘅嘢、靚嘅嘢,梗係要攞出嚟分享啦!」撰文:馮仁昭





來源: http://hk.apple.nextmedia.com/entertainment/art/20160524/19624430
馮仁 仁昭 四圍 麥明 明詩 服侍 林作 作踢 踢波
PermaLink: https://articles.zkiz.com/?id=301265

林作明冧蔡思貝 麥明詩拖鴨王反擊

1 : GS(14)@2016-06-12 02:53:30

2016-06-01 iM

「十優港姐」麥明詩與大律師林作的戀情,已是公開的秘密;雖然女友是「完美女神」,但林作卻視一三年港姐亞軍的蔡思貝才是「真?女神」,更公然在對方的社交網留言大讚對方「好索」,似乎未有將女友放在眼內。

男友偷冧蔡思貝,近日,麥明詩與「鴨王」何浩文拍攝無綫新劇時就「以牙還牙」,兩人竟然公開手拖手。而早前,麥明詩被網民揶揄「離地」,何浩文則挺身維護,還寧願得罪幕後,在Facebook撰寫千字文力撐女方,「鴨王」忽然手痕咩?他對「十優港姐」的心思不言而喻。

無懼呷醋

大律師林作(Joe)與今屆港姐冠軍、十優狀元麥明詩(Louisa)拍拖四年,人所皆知,但林作家底好、職業高尚, 令不少港女都對他為之傾慕;而林作亦從不介意被女圍, 無懼女友呷醋。他就曾自爆,當年是在社交網留言給麥明詩說:「你好索!」令她冧爆,然後才可追到手。而他竟然重施故技, 見到蔡思貝在社交網貼出和女友人飯敍的合照,即忍不住留言說:「sok ahhhh」(意即「索呀」),似乎無視女友的感受。

早前,麥明詩失落於國際中華小姐選舉,身為男友的林作,並非安慰女友,反而是第一時間,將焦點放在當晚有份做嘉賓的蔡思貝身上。當晚,他坐在電視旁,又勤力地將蔡思貝最索的一面,包括:近鏡、全身,統統都拍下來,並放上社交網公諸同好,愛慕之情躍現網上。其實,一直以來林作都沒有掩飾自己,他曾向本刊透露心迹:「我鍾意短頭髮女仔,蔡思貝正合我心意,特別係佢爽直嘅性格。」

挺身維護

男友網交蔡思貝,近期忙於拍攝無綫新劇《賭城群英會》的麥明詩,就與「鴨王」何浩文(Dominic)玩曖昧。早前,麥明詩被網民揶揄在《星星探親團》中「離地」,滿口「名牌」,不能捱苦。何浩文見到立刻挺身為她講好話,在Facebook撰寫千字文,詳述她拍劇的辛酸史;他還無懼得罪幕後,力證劇組刻薄麥明詩,要她在外景場地等九小時,最慘情的是被安排與大陸臨時演員一齊坐車, 焗住聞臭汗。

在文中,何浩文盛讚麥明詩不僅是一名靚女,而且「人好、玩得、學嘢快」;又指身為新人的她,在《星星探親團》中只是照稿讀,絕非炫耀自己的過去,處處維護。此外,他更自爆兩人日對十多小時,為 麥明詩開心,會對她講爛gag,好讓她可以苦中作樂,認真窩心。

為之動容

至於,兩人的關係最令人遐想的是,日前,何浩文在Instagram上載 了一段跟麥明詩同車的短片。在片中,他趁麥明詩在車上小睡片刻時,偷偷拖着她的手仔;之後,兩人又一起甜絲絲的對着鏡頭,笑得開懷。對於何浩文的瞓身力撐,麥明詩似乎也為之動容,並在社交網公開留言感謝:「 玩玩下,冇嚟正經,但篇文就令人眼濕濕」,兩人感情肯定又跨進了一大步。

女友被高大靚仔的「鴨王」力追,林作依然愛理不理,更說希望與何浩文交流一下溝女心得:「其實靚女自然多人追,Louisa有同我講過,話何生係一個唔錯嘅搭檔。其實,如果何生唔介意,我都想約佢出嚟交流吓溝女仔嘅心得, 我仲想請佢做我專欄嘅嘉賓。」林作還口口聲聲講溝女,看來仍未知火燒眼眉。

撰文☆武儀 設計☆黃潤群
林作 作明 蔡思 思貝 麥明 明詩 詩拖 拖鴨 鴨王 反擊
PermaLink: https://articles.zkiz.com/?id=302109

返港審曳曳男友麥明詩認見林作爆喊

1 : GS(14)@2016-06-20 05:45:17

【銅鑼灣】【昨日 憔悴行街】■麥明詩昨日坦承見林作時有喊過,提起「情敵」Victoria,她說:「都會唔舒服嘅!」








十優港姐麥明詩早前在深圳拍劇,怎料男友林作被揭作反,疑偕暗戀對象夜蒲銅鑼灣,激嬲麥明詩。林作急補鑊,上周五約女友到第一次約會的餐廳食飯謝罪,據目擊者稱,麥明詩邊食邊爆喊,嚇到林作不知所措。昨麥明詩被影到陪父母返教會,問她有否與男友見過面時,麥明詩直言在對方面前爆喊。


麥明詩和林作拍拖兩年多,最近情海翻波,早前林作被本報讀者踢爆約會「A貨麥明詩」夜蒲銅鑼灣,之後女方被起底,叫Victoria(余穎洋)的她與林作同讀牛津法律,林作經常在女方facebook留冧句,曾用英文寫着:「我不敢再緊盯這張相多一刻,因為我怕我會愛上你……噢,太遲了!」Victoria疑是林作的暗戀對象,如此明目張膽,難怪女友會嬲。昨日麥明詩被拍到在銅鑼灣現身,她承認與林作見面後爆喊!



■林作似乎被麥明詩打入冷宮,昨日在網上自貼剪頭髮相,未有機會陪女友。

■林作於本月10日約會疑是暗戀對象的Victoria夜蒲。資料圖片



搭巴士悶悶不樂

據悉麥明詩在深圳拍劇時已經喊足好多日,更一度拒聽男友電話。大前晚麥明詩終於肯見林作,據目擊者稱,當晚兩人在中環意大利餐廳Upper Modern Bistro食飯,據聞是二人第一次約會的地方,原本別具意義,怎料麥明詩食到中途突然激動喊起來,嚇得林作手足無措,只不斷遞紙巾給女友。昨日父親節,麥明詩亦做乖乖女,早上11時許陪父母由圓方寓所出發,坐巴士到西環返教會。戴眼鏡遮素顏的麥明詩,在巴士大部份時間都望手機,顯得悶悶不樂;到達教會後,她與教友傾偈時才偶爾顯露笑容。



【企巴士】■麥明詩昨日陪父母一齊坐巴士去西環返教會。

【冇心機】■昨日父親節,麥明詩做乖乖女陪父母返教會,但全程顯得悶悶不樂。

【傾心事】■麥明詩之後約了友人並大吐苦水,傾了個幾小時。


■大前日林作約麥明詩在首次約會的餐廳食飯。互聯網圖片

「追究太多冇意思」


下午約一時,麥明詩獨自坐的士到銅鑼灣利舞台,相約幾位女友人午膳,見她不斷說話似要盡訴心中情。離開時記者上前問麥明詩是否已見過男友?她起初嚇一跳,及後笑說:「都有嘅。」有指兩人食飯時她被見到爆喊,麥明詩亦沒有否認說:「其實我個人都幾易喊,拍戲都喊。」問兩人關係有沒有變?她說:「順其自然啦。」是否已原諒林作?她似有所保留:「有啲嘢追究太多都冇乜意思!佢都承諾好多嘢,咁一齊得就選擇信。」問到男友在Victoria的fb畀like會否不開心?她說:「都會唔舒服嘅,佢(林作)咁後生,20幾歲,會想同朋友傾吓偈,係好正常,反而我覺得我係圈內人,佢唔係,覺得有啲唔好意思,好似影響咗佢。」至於似被打入冷宮的林作,昨在網上貼自己去剪頭髮相,他至截稿前仍未回覆。採訪:王梓嫚、黃曉程攝影:朱志聰





來源: http://hk.apple.nextmedia.com/entertainment/art/20160620/19661205
返港 港審 曳曳 男友 麥明 明詩 詩認 認見 見林 林作 作爆 爆喊
PermaLink: https://articles.zkiz.com/?id=302237

林作拒提麥明詩:回歸平淡

1 : GS(14)@2016-07-06 08:11:27

■林作昨日被追問與女友麥明詩感情狀況,他全部封嘴避談。


林作、湯鎮業孖仔湯君慈及湯君耀和龐景峰舊愛楊埕等,昨日在中環出席活動。林作與麥明詩的冷戰未完,他昨對女友事一概不回應,即使記者不停追問指麥媽媽稱女兒不開心,叫林作回應一次,他也說:「講零次。」問是否想女友原諒,他說:「佢嗰啲嘢唔想講。」對於麥明詩表示「勉強冇幸福」,林作說:「冇睇冇回應,我今晚係嚟拎杯酒飲,睇吓高科技產品。」問到可有買禮物冧女友,及被麥玲玲批分手一事,林作都拒回應:「我又唔係藝人,連累到任何人,唔想做咁多新聞,回歸平淡。」問他是否仍鍾意麥明詩,林作搖頭示意不回應。



■因媾女而激親女友麥明詩的林作,近日被指瀕臨分手邊緣。資料圖片

■龐景峰(小圖)舊愛楊埕昨出席活動時,自爆與男方分手前發生碰撞,弄傷手臂。



同場的楊埕自爆跟龐景峰分手前有拗撬,她說:「有發生碰撞,我傷咗手臂。」被男方打傷?她猛說:「唔講,少少碰撞,大家激動咗,而家冇事,佢有道歉,我原諒咗佢。」湯鎮業孖仔由美國返港放暑假,報讀了演藝學院,兩兄弟指有興趣入行,卻抗拒選港男:「成件事都唔鍾意,男仔參加呢啲好奇怪。」 採訪:羅慧敏攝影:陳俊強





來源: http://hk.apple.nextmedia.com/entertainment/art/20160706/19682724
林作 作拒 拒提 提麥 麥明 明詩 回歸 平淡
PermaLink: https://articles.zkiz.com/?id=302708

林作麥明詩處冷靜期

1 : GS(14)@2016-07-09 06:36:02

■安采妮在陳達仁陪同下找林作尋求法律意見。


34C女DJ安采妮昨日在經理人陳達仁陪同下,到中環林作的律師樓尋求法律意見。事緣早前爆出何浩文(Dominic)暗媾安采妮,男方覺被利用做宣傳,遂要求對方道歉兼保留追究權利。安采妮說:「要我道歉,我覺得如果向呢個勢力低頭,咁公義去咗邊?我講嘅都係事實。」
Dominic被指追求林作女友麥明詩,如今找林作幫手似別有用心?陳達仁解釋:「係經朋友介紹,林作只會用專業角度出發。」Dominic昨稱交給律師處理。麥明詩昨出現奧運活動時,形容與林作不是冷戰,是冷靜中,希望多些空間處理,她月中隨大隊往巴西參與奧運外景。採訪:曹家誠攝影:沈健程





來源: http://hk.apple.nextmedia.com/entertainment/art/20160707/19684200
林作 作麥 麥明 明詩 詩處 冷靜
PermaLink: https://articles.zkiz.com/?id=302902

少爺仔衰抄牌箍煲失敗麥明詩喊撇林作

1 : GS(14)@2016-09-09 05:09:08

【強顏歡笑】■麥明詩前晚現身中環活動時,笑容牽強,其後接受傳媒facebook live訪問,突然數度流淚。



2015年港姐冠軍麥明詩(Louisa)卸任在即,當選初期已被爆與大律師林作拍拖,惟林作早前被影到趁女友離港,媾低胸索女兼「抄牌」,令二人陷入分手危機。據本報收到消息,早前奧運期間,身在巴西的麥明詩,因林作三宗罪:多嘴、花心及少爺仔脾氣,隔空向男友提出分手。日日以淚洗面的麥明詩未有否認分訊,前日她回應稱:「現在是朋友。」而一直力挽感情的林作直認雙方需要更大空間。



牛津配劍橋,尖子配10A港姐,客觀條件好登對,但麥明詩與林作這一對,拍拖三年,最後仍分手收場!據悉麥明詩近日情緒起伏好大,前晚在中環出席活動時,笑容牽強,似滿腹心事未有受訪便進場。及後她接受傳媒的facebook live訪問,提起林作更數度流淚說:「我真係好迷惘!」稱自己這段時間承受好大壓力,被追問是否已原諒林作,她似有所指說:「唔係大家睇到咁簡單。」



■據悉麥明詩仍愛林作,但入行後雙方分歧日漸加深,終難逃分手厄運。資料圖片

■麥明詩曾被影到做跟得女友到球場陪林作踢波。資料圖片

【媾女斷正】■早前林作趁女友離港工作,約會索女兼「抄牌」。資料圖片

短訊提分手

據本報收到消息,麥明詩最近曾向友人喊着承認與林作已經分手,男方雖極力挽救,但麥明詩仍狠心斬纜。其實冰封三尺,非一日之寒,麥明詩自從當選港姐冠軍後,與林作的分歧日漸加深;因為麥明詩一直想低調談戀愛,惟去年當選後,林作被好友陶傑踢爆女友是麥明詩,瞬間被炒作,未幾林作宣佈參選區議員,對感情事有問必答,已令麥明詩深受壓力,兩人曾為此齟齬不斷。早前麥明詩返深圳拍劇,獨自去偷歡的林作被揭與索女偷會,令麥明詩氣上心頭。之後林作努力箍煲補鑊,除找母親幫口說好話之外,還試圖做乖仔跟麥明詩返教會;但林作少爺仔脾氣難改,以致兩人感情時好時壞。麥明詩上月出發去巴西準備奧運節目時,曾指離港工作是「好事」,而林作亦未有送機及接機。人在他鄉思緒特別靜,未幾麥明詩便透過短訊,正式向林作提出分手。



問到與林作是否已分手?麥明詩前日透過短訊回應謂:「現在是朋友。」對於日前被影到兩人密會,她稱只是「食餐飯」。林作亦一改高調作風,前晚在電話中說:「同Louisa有共識唔再講大家,想畀大家空間,唔想咁大壓力。」麥媽媽何小娟卻對兩人分手似乎沒有半點意外,昨日透過短訊回覆說:「明詩情緒都有起伏,一如我一向所講,我沒甚麼取態。最主要希望明詩找到認為適合的對象,將來婚姻幸福快樂。佢哋嘅年紀尚輕,可能需要更多人生經驗才知道甚麼最適合自己。」有傳麥媽媽棒打鴛鴦?她表示:「女兒感情事,由她自己作主。我不干涉,亦不回應。」一直視麥明詩為準新抱的林媽媽身在北京,至截稿前仍未回覆。



【忍痛開工】■麥明詩昨晚在堅尼地城拍戲,雙手合十婉拒受訪。攝影:羅德光

■昨晚(左起)麥明詩與盧海鵬同場拍攝葉念琛的新戲。互聯網圖片

■麥明詩昨晚在Ig貼早前在巴西的相,並留言指需要空間。


黑眼圈浮現

麥明詩昨日與盧海鵬等在堅尼地城一間餐廳拍電影《失戀日》,晚上約8時許她現身門外讓記者拍照,強作堅強笑笑口,但勁現黑眼圈,她雙手合十婉拒受訪。問到媽咪是否不鍾意林作?她只說:「唔好意思,唔做訪問。」是否要培養失戀心情拍戲?她說:「未拍到呢度。」她昨晚在Ig貼了一張在巴西的相片,留言:「空間。」盡訴此刻心情。採訪:嵐山、王梓嫚、皓騫攝影:沈健程、黃曉程




來源: http://hk.apple.nextmedia.com/entertainment/art/20160908/19763570
少爺 仔衰 衰抄 抄牌 牌箍 箍煲 失敗 麥明 明詩 詩喊 喊撇 撇林 林作
PermaLink: https://articles.zkiz.com/?id=308190

林作「抄牌」後突變低調麥明詩強勢哭訴攞晒分

1 : GS(14)@2016-09-09 05:09:09

「十優港姐」麥明詩爆出有林作呢位男朋友,而其後林作又以獨立名義參選區議會,雖然最後都係落選,不過成日都見到麥明詩支持林作,「低調」幫手助選,真係低調得嚟好高調。林作就咁變咗半個明星咁,公眾人物換嚟就公眾嘅視線,早前被影到佢趁女友上深圳拍劇時畀讀者影到佢喺銅鑼灣街頭向低胸索女「抄牌」,仲搞到女友嬲豬,睇嚟林作都知做公眾人物嘅苦處,變得堅‧低調。反觀麥明詩,事業上真係機會處處,喺深圳拍劇時有傳被何浩文力追,問到佢緋聞時,仲答到無凌兩可。之後被派去巴西做奧運直撃,返嚟即刻被影到同林作食飯,正常大家以為佢哋好返之後,突然又爆出麥明詩哭訴好「迷惘」,拎晒分喎!似乎呢個遊戲嘅主導權,已經易手咁噃!




來源: http://hk.apple.nextmedia.com/entertainment/art/20160908/19763585
林作 抄牌 突變 低調 麥明 明詩 強勢 哭訴 曬分
PermaLink: https://articles.zkiz.com/?id=308193

林作被飛 反咬麥明詩「我哋係朋友」

1 : GS(14)@2016-09-09 05:36:47

■被麥明詩狠撇的林作昨日蒲頭,強辯指從沒承認與麥明詩拍拖,但說時緊張到標汗(左圖)。



十優港姐麥明詩喊撇花心男友林作,兩人三年情斬纜,箍煲失敗的大律師林作失戀後昨日首蒲頭,現身金鐘出席咖啡小食店開幕,對於被女友降呢做「朋友」,林作回應分手時大玩語言技巧,強調從來沒承認兩人是男女朋友關係,反將了麥明詩一軍,但越答越標汗,滿頭汗水出賣了他內心的緊張。



■麥明詩大前日被影到漏夜上林作屋企執包袱,前日開工時強笑扮堅強。

■林作出席活動後搭電車返公司,全程愁容滿面。DV圖片


賴阿媽亂噏

問到跟麥明詩是否正式分手?林作將波推給對方:「我呢方面冇回應,由佢答,佢講嘅嘢我哋保持一致。」麥明詩回應指兩人現在是朋友關係,林作兜圈子說:「佢講嘅嘢我會採納,我哋一直都係朋友。」記者指兩人之前是男女朋友,林作律師上身玩語言技巧:「坦白講,我同佢從來冇喺任何場合話係男女朋友關係,都冇講過呢樣嘢,大家認為係吖嘛。」記者反駁他當時沒否認是情侶,林作強辯說:「其實我同佢都有否認過,不過主流傳媒最後都係扣帽子落嚟,呢啲我都明白娛樂新聞,我哋係畀人娛樂,我都覺得解釋唔清。」之前林媽媽都開口想認麥明詩做新抱,林作連媽咪都擺上枱:「我媽咪出名亂噏,信佢一成都……好。」追問跟麥明詩是否從來沒有拍拖?林作說:「我哋一直講法都係朋友,我完全同意呢個講法。」對於麥明詩回應二人關係時爆喊,林作停一停才說:「係咩?冇睇到。」叫他形容現時兩人關係,他說:「我哋傾過我唔會評論,跟佢講法。」問現時是否單身?他說:「呢個只係將問題包裝再問,所以冇回應。」現在可隨便去蘭桂坊玩?他說:「我有我嘅生活方式,由頭到尾都冇改變,人生自由好重要,我一直好自由。」問兩人仍否有聯絡?林作表示是朋友故有聯絡,問將來會否昇華做男女朋友?他說:「我個人諗法一定正確,所以交畀佢答。」是否劃清界線?他說:「我哋都係朋友,呢個問題答唔到。」


漏夜執嘢走

林作出席活動後單拖搭電車返中環的寫字樓,沿途眉頭緊皺,沒路人留意他,反而林作偷望追訪記者。而麥明詩大前日則被影到漏夜上林作屋企執包袱,一刀兩斷。採訪:馬建華、朱志聰攝影:陳順禎、羅德光




來源: http://hk.apple.nextmedia.com/entertainment/art/20160909/19764778
林作 作被 被飛 反咬 麥明 明詩 朋友
PermaLink: https://articles.zkiz.com/?id=308342

被麥明詩分手林作回應時不停抹汗

1 : GS(14)@2016-09-09 05:36:48

林作同十優港姐麥明詩嘅感情問題,真係「剪不斷,理還亂」,林作昨日就現身,去金鐘出席一間咖啡店嘅開幕儀式,佢一到場就成為全場焦點,雖然傳到「被分手」,但林作就依然一貫嘅「林作Style」到場,頭髮蓬鬆咁到會場。西裝骨骨嘅林作,回應記者問題嘅時候,唔知係天氣問題,定係商場冷氣有問題,林作就不停流汗,咁流汗就當然要抹啦,又要抹汗,又要答問題,你都咪話唔忙!答問題時,仲見到林作表情多多,有啲表情仲有啲似王祖藍添,唔怪得有網民叫佢做「翻版王祖藍」啦。




來源: http://hk.apple.nextmedia.com/entertainment/art/20160909/19765097
被麥 麥明 明詩 分手 林作 回應 不停 抹汗
PermaLink: https://articles.zkiz.com/?id=308343

【爆相爆片】着陳年泳褲狂歡受索女歡迎林作誇鹹菜孖煙囱好靚

1 : GS(14)@2016-09-10 13:54:42

【笑忘情傷】■林作(右)出席池邊派對時,有指當時身在巴西的女友麥明詩已越洋短訊提出分手。讀者提供圖片



劍橋港姐麥明詩(Louisa)日前親口承認與大律師男友林作分手,降級做回朋友,有指分手原因是男方花心、少爺仔脾氣及多嘴,而林作前日出席活動時反咬女方,指從來沒承認二人是男女朋友關係。其實林作花心有迹可尋,三個月前向索女律師Victoria抄牌,而早前女友在巴西做奧運主持期間,越洋短訊提出分手,當時被飛的林作原來又出動與索女gathering,紓解失戀。


同女仔嘻哈

日前,讀者王小姐透過本報「爆相爆片」,提供了林作上月13日現身淺水灣The Pulse酒吧Cabana的狂歡派對,相中林作身穿一條十足陳年鹹菜的孖煙囱粉藍色泳褲,赤膊上身展示小肚腩及光管腳,與幾位身穿比堅尼索女及男友人傾偈,當時他甚受索女歡迎,狀甚愉快,更拿着香檳擺甫士影相。王小姐表示:「嗰日見到佢哋大約有50人,包咗大半個場玩,林作大部份時間同啲女仔嘻嘻哈哈,不過佢好守規矩,見唔到佢有攬女。」



【又皺又霉】■身穿鹹菜款泳褲的林作興奮地高舉香檳,玩得盡興。

【索女包圍】■林作在派對中被比堅尼索女圍住,心情愉快。

■林作自稱從沒承認與麥明詩是情侶,但二人曾被影到堅貼地的去茶餐廳拍拖。資料圖片


「都會着好耐」

本報找林作回應與比堅尼索女在酒吧池邊嬉戲一事,他笑言:「我都想知邊個衰人影我囉,當日都係清一色律師朋友,我拎支香檳都係for影相,我強調我條泳褲好靚,以後都會着好耐。」提到他受異性歡迎,他表示:「唔係,自己外貌都唔係咁出眾!」再問到他有否要向身邊人備案,他說:「我不嬲好自由,唔會避忌,人係需要自由,社會需要自由,香港人都需要自由。」採訪:馬建華




來源: http://hk.apple.nextmedia.com/entertainment/art/20160910/19765915
爆相 相爆 爆片 陳年 泳褲 狂歡 受索 索女 歡迎 林作 作誇 鹹菜 煙囪 好靚
PermaLink: https://articles.zkiz.com/?id=308500

麥明詩選港姐戀情曝光 林作「抄牌」關係即決裂

1 : GS(14)@2016-09-10 13:54:42

麥明詩由參選港姐時已經係風頭躉,「十優港姐」呢個名已經夠晒威,之後仲被踢爆有個有米男友林作。呢段「作詩戀」正式浮面,估唔到呢段感情喺一年嘅時間就要無疾而終......2015年中 麥明詩參選港姐,隨即被發現佢係「十優狀元」。2015年9月 麥明詩當選港姐冠軍,同林作戀情亦隨即曝光。2015年11月 林作參選2015年香港區議會選舉,女友麥明詩亦被影到「低調」咁戴晒口罩撐男友場。2016年6月 麥明詩去深圳拍大台劇,林作被「爆相爆片」向低胸索女「抄牌」。同時,有傳麥明詩拍劇時被拍檔何浩文力追。2016年8月 麥明詩被大台派往巴西採訪奧運,有指同林作係「冷靜期」。2016年9月6日 麥明詩突然宣布同男友「分手」。2016年9月8日 林作指未曾公開表明同麥明詩係男女朋友關係。




來源: http://hk.apple.nextmedia.com/entertainment/art/20160910/19766624
麥明 詩選 港姐 戀情 曝光 林作 抄牌 關係 決裂
PermaLink: https://articles.zkiz.com/?id=308501

麥明詩懶理林作割席

1 : GS(14)@2016-09-11 05:50:35

《2016香港小姐競選港姐決賽》今晚舉行,一眾佳麗昨以泳裝示人,2號劉穎鏇被選中試戴后冠,並由即將卸任港姐冠軍麥明詩為她戴上。麥明詩再次被問與律師男友林作分手一事時,表示自己長處是工作時不受情緒影響,強調自己會專心工作不想太多。而說到林作聲稱二人一直不是情侶,麥明詩說:「佢鍾意點講就點講。」




來源: http://hk.apple.nextmedia.com/entertainment/art/20160911/19766933
麥明 明詩 詩懶 懶理 理林 林作 割席
PermaLink: https://articles.zkiz.com/?id=308629

食飯遭撞破一味儍笑撥髮林作翻兜麥明詩 復合過節

1 : GS(14)@2016-09-17 17:52:50

■麥明詩前晚中秋夜在中環與林作翻撻食飯斷正,她離開時見到記者大為驚訝。




【中環】十優港姐麥明詩上周才默認跟律師男友林作分手,但事隔僅個多星期,竟有戲劇性發展。前晚人月團圓中秋夜,二人被本報發現極速翻撻,一起到中環中國會跟林作媽咪食飯團圓。麥明詩發現記者時即表現尷尬不停撥頭髮。據悉今次林作箍煲成功,全靠林媽媽出馬相約麥明詩飯局,令兒子中秋夜與女友團圓。



前日是中秋人月團圓日子,正當大家以為剛分手的麥明詩和林作會倍感寂寞之際,原來二人已極速翻撻,前晚更一起食飯團圓。有指麥明詩難忍律師男友林作花弗多口及少爺脾氣,怒斬三年情,她上周三向傳媒默認分手,將林作降呢朋友,而被飛的林作翌日出席活動時,隨即聲稱從沒承認過麥明詩是女朋友,實行劃清界線。不過,事隔只是一個多星期,二人被本報發現極速翻撻,關係欲斷難斷。



■林作在麥明詩離開後半小時,才與林媽媽結伴離開。

■麥明詩前晚被追問是否跟林作食飯時,不停撥頭髮表現尷尬。

■麥明詩前晚未有陪媽咪團圓,反而陪林作家人。資料圖片


林媽媽一直訓話

穿上黑西裝的林作,前晚7時15分獨個兒前往中環中國銀行大廈中國會,大概兩小時後,便見化了淡妝及一身便服的麥明詩在同一大廈離開,當她發現記者時,嚇得一度呆站街上尷尬地笑。記者問她是否剛與林作食飯過節時,麥明詩故作鎮定說:「唔係呀!」若不是跟林作食飯,為何會在同一地方出現?麥明詩反駁謂:「呢度中環嚟㗎嘛,有幾出奇啫!」現時跟林作是甚麼關係?麥明詩繼續撥頭髮說:「唔好意思!」有否跟林作碰過面?麥明詩支吾以對謂:「我哋唔係呀!我同佢哋都唔同。」麥明詩在短短45秒路程,前後8次撥頭髮表現尷尬,繼而前往附近長江集團中心停車場取車。約半小時後,輪到林作與林媽媽Lily步出中國會,林作見到記者時反應跟麥明詩一樣驚訝。他說:「你又知道我哋食飯嘅?」記者問剛才食飯氣氛如何,林作不知如何回應,用眼神示意林媽媽作答,林媽媽見狀即謂:「冇乜特別,一家人食飯啫。」說罷齊齊往長江集團中心取車;其間林媽媽不斷跟兒子訓話,林作一味頭耷耷附和。



■據悉林作外婆(中)前晚也有出席飯局,助孫仔與麥明詩箍煲。互聯網圖片

林婆婆出馬箍煲

據了解,麥明詩與林作拍拖三年來多次分手復合,每次麥明詩也是「衰心軟」被林作氹番。一直視麥明詩為新抱的林媽媽,上周獲悉麥明詩決絕要跟兒子分手後,即急急由北京飛返香港幫兒子箍煲,甚至出動住在深圳的林作外婆,指老人家十分掛念麥明詩,希望一家人能食飯見面,結果在林媽媽和林婆婆打動下,麥明詩終答應跟林作見面。記者昨分別致電麥明詩和林作,二人均未回覆。而林媽媽昨被問是否幫手箍煲時,透過微信回覆謂:「中秋人月團圓夜!祖孫三代歡聚一堂,好耐冇見阿詩了,婆婆中秋來港,盛情邀請下阿詩匆忙趕過來見咗一粒鐘,節日的快樂!友誼常在!大家度過咗一個愉快的中秋。」採訪、攝影:徐錦池、吳耀輝、嵐山




來源: http://hk.apple.nextmedia.com/entertainment/art/20160917/19772839
食飯 飯遭 遭撞 撞破 一味 笑撥 撥髮 髮林 林作 作翻 翻兜 兜麥 麥明 明詩 復合 過節
PermaLink: https://articles.zkiz.com/?id=309450

【峯迴路轉】林作媾女釀情變

1 : GS(14)@2016-09-17 17:52:50

麥明詩剛卸下港姐名銜,但她與林作的戀情,離離合合由參選至今未停過,由浮面到默認、分手,前日中秋佳節又被本報發現與林作全家食飯做節,發展峯迴路轉。



6月11日 抄牌斷正

麥明詩身在深圳拍劇,林作被本報讀者影到在銅鑼灣向低胸女「抄牌」。


6月19日 無奈爆喊

麥明詩接受本報訪問承認為男友向低胸女「抄牌」而喊過,又苦笑說:「咁同得一齊,就選擇信啦!」


上周三 降呢朋友

有指身在巴西做奧運主持的麥明詩,隔空向林作提出分手,回港後她亦以「朋友」來形容與林作關係,變相承認二人已分手。


上周四 唔認拍拖

爆出分手後,林作接受傳媒訪問時說:「我哋一直都係朋友,坦白講,我從來冇喺公開場合講過我哋係男女朋友關係!」



上周六 派對撩女

本報讀者爆林作現身淺水灣酒吧與友人開派對,穿上如鹹菜的孖煙囱粉藍色泳褲與幾位穿比堅尼索女傾偈。


前日 中秋合體

麥明詩被本報影到與林作及其家人,於中秋佳節在中環食飯,二人前後腳離開,麥明詩更一臉儍笑。




來源: http://hk.apple.nextmedia.com/entertainment/art/20160917/19772847
迴路 路轉 林作 作媾 媾女 女釀 情變
PermaLink: https://articles.zkiz.com/?id=309452

林作呻酒會冇女仔

1 : GS(14)@2016-10-02 13:35:31

■林作和王賢誌(右)十分老友,但二人從不談感情事。



林作和好友王賢誌(Vinci)昨日到灣仔會展參加國慶酒會活動,在場見盡香港官員,二人透露在會場與政界人物合照留念,突然林作說:「現場大部份都係uncle,冇乜女仔。」Vinci即笑林作前來另有目的,林作緊張說:「唔係,嚟感受吓氣氛,酒會上唔會諗呢啲,真係見到好多uncle同前輩。」林作和Vinci從不談感情事,Vinci說:「唔同generation,取向又唔同,互相都幫唔到大家。」提到麥明詩,林作即封口,麥玲玲推算二人會離合糾纏長時間,林作表示無回應,並透露和玲玲姐是好友,但自己不太相信命理。採訪、攝影:卓寶花




來源: http://hk.apple.nextmedia.com/entertainment/art/20161002/19788167
林作 作呻 酒會 冇女 女仔
PermaLink: https://articles.zkiz.com/?id=310980

林作睇準補選時機

1 : GS(14)@2016-11-13 11:32:40

資料圖片



「梁游事件」令人大釋法,麥明詩早前在社交網表明支持法治,其大律師密友林作亦認為違反了香港核心價值,他日前在電話中說:「佢哋直情立緊法,加咗好多嘢落去,我覺得呢樣嘢好誇張!相信好多人好似我咁,都譴責佢哋(游蕙禎、梁頌恆)宣誓嘅用字,其實唔使人大釋法,法庭都有機會判佢哋輸,問題係你而家釋法,係程序上錯咗。」他直言對補選有興趣,但未有具體參選計劃。採訪:王梓嫚




來源: http://hk.apple.nextmedia.com/entertainment/art/20161113/19831712
林作 作睇 睇準 補選 時機
PermaLink: https://articles.zkiz.com/?id=315346

麥明詩支持林作補選

1 : GS(14)@2016-11-16 05:10:33

麥明詩、岑麗香、朱千雪及徐淑敏母女,昨日在屯門出席以公主作為主題的揭幕活動,眾人大談兒時夢想,麥明詩指當年想留學英國是因為覺得威廉王子俊朗,但後來王子俊朗不再便打消念頭,問到林作是否她眼中的王子?她笑而不答,至於假如立法會舉行補選,她可會支持林作參選?她說:「我支持方法係唔同佢爭。」朱千雪早前於節目中鬧人而受網民喜愛,她說:「今次鬧人都俾人讚,都幾開心。」香香特別鍾情灰姑娘的玻璃鞋,問是否想男友用玻璃鞋求婚多過鑽戒?她甜笑說:「唔講喇!」採訪:馬建華攝影:陳俊強




來源: http://hk.apple.nextmedia.com/entertainment/art/20161114/19832624
麥明 明詩 支持 林作 補選
PermaLink: https://articles.zkiz.com/?id=315677

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019