ZKIZ Archives


【家長盲搶膠】唯一不含塑化劑擦膠 施德樓Mars教協存貨一掃空

1 : GS(14)@2016-10-19 05:50:22

每次消委會check嘢,巿民都提心吊膽,今次輪到每個小朋友都一定有嘅擦紙膠喇!消委會以台灣做標準,檢測咗市面上25款擦膠,發現超過一半樣本所含的塑化劑超標,於是提醒家長唔好畀小朋友咬、舔或者吮擦膠。



消委會檢測嘅25款擦膠當中,有一款完全沒有檢驗出塑化劑,就係施德樓Mars Plastic Eraser白色擦膠。消息一出,巿面上嘅深藍Mars擦膠隨即被搶購一空!查實施德樓的Radar型號喺塑化劑超標名單中亦榜上有名。讀者沈太見到新聞,今日(18日)就立即去到油麻地教協,見到文具架啲施德樓Mars擦膠冇晒,問問職員,發現入咗嘅幾百嚿一朝被買清,最後死搵難搵先喺倉底搵到兩粒畀佢咁話!家長緊張都理解嘅,但係其實只要教好小朋友唔好食擦膠已經冇問題;仲有,就係寫少啲錯字,咪可以用少啲擦膠囉。記者:容慧心


讀者去到油麻地教協,發現施德樓深藍Mars擦膠已被搶購一空。 讀者沈太提供圖片

職員指幾百嚿施德樓Mars一朝內被人買晒,最終喺倉底搵到最後兩粒。 讀者沈太提供圖片

消委會報告話25款擦膠當中,有14款所含的塑化劑超出台灣標準。 資料圖片



來源: http://hk.apple.nextmedia.com/su ... t/20161019/19805125
家長 盲搶 搶膠 唯一 不含 塑化劑 塑化 擦膠 施德 德樓 Mars 教協 存貨 一掃 掃空
PermaLink: https://articles.zkiz.com/?id=312736

【動畫】女護直播插胃喉話係擦膠撞着手機咁離奇

1 : GS(14)@2016-11-29 00:14:26

利用社交軟件進行直播越來越普遍,但也要看在甚麼地點進行,否則隨時惹來大麻煩。有網民前日於某直播平台上,發現一名樣貌甜美的女護士,竟直播病人插胃的過程。事件曝光後,孫姓女護士即時被起底。她被揭在天津武警後勤學院附屬醫院(以下簡稱「武警醫院」)工作,雖然她事後在微博連發多條道歉訊息,並上傳辭職信,但事件仍未能平息。19歲的孫女稱,當日早上9時半,她在「映客」平台看直播,因為醫院規定不准帶手機,遂將手機豎立在一個盒子裏。由於深切治療部有病人嘔吐不舒服,醫生着她為其插胃喉,孫女起身時碰到手機。豈料手機上的「直播」按鍵正好被盒裏一塊擦膠碰,啟動了直播功能。由於她未有留意,她替病人插上胃喉的過程就被手機直播至網絡。直至半小時後她看手機,才發現犯了大錯,即時關閉直播。5分鐘後,她收到朋友通知,即在微博道歉,並深感後悔。該院胸外科護士長孫超事後表示,護士平時忙得連吃飯的時間都沒有,沒發現孫女上班時間玩手機。孫女在武警醫院實習超過一年,今年9月正式入職,但本月17日已遞了辭職信。孫女原應在下月17日才離崗,但因直播事件,院方決定讓她即時離職。中國青年網




來源: http://hk.apple.nextmedia.com/international/art/20161128/19848232
動畫 女護 直播 插胃 胃喉 喉話 話係 擦膠 著手 機咁 離奇
PermaLink: https://articles.zkiz.com/?id=317362


ZKIZ Archives @ 2019