重亞視味無綫拒簽？ 張文慈認主動叩門失敗
1 :
GS(14)@2016-07-17 15:41:37無綫近年花旦小生大逃亡，為咗填補空缺，狂吸亞視藝人跳糟。萬綺雯、陳煒、江美儀、田蕊妮等一班亞視出身花旦過檔都得到重用，套套劇都擔正仲好有發揮；小生方面，陳展鵬加盟無綫後都得到唔小機會，就連前「六合彩之子」蔡國威都成功加入，不過反而前張文慈（Pinky）就連番主動搭路都被拒，有指話佢陣亞視味太濃，加上同類女演員太多。Pinky今年3月都亮相無綫節目《男人食堂》做嘉賓，大方撐場。問Pinky主動向無綫自薦被拒？佢昨日回覆《蘋果》時直認：「大約一年多前，的而且確我係有主動叩過門，畢竟演員係要主動啲，畀機會自己，唔得都冇壞，或者我有未夠好嘅地方。」叩門失敗，Pinky話唔失望：「平常心。」Pinky都享受依家自由身，佢話：「咁多年都係咁，我內地都有穩定工作。」Pinky昨日仲為港台開工拍劇，大過戲癮。
Pinky被周刊重提17歲遭男友迷姦，不過佢近年信咗基督教，人都開朗唔少，其實佢成日都有喺見證分享自己經歷，Pinky大方話：「我唔介意畀人講以前啲嘢，過咗去嘅事真係我以前一部份，我唔會否認，人應向前唔應該諗番過去，信主真係令我改變好多。」
來源:
http://hk.apple.nextmedia.com/entertainment/art/20160716/19697634
洪欣素顏約張文慈飯敍
1 :
GS(14)@2016-09-01 06:12:29人妻洪欣昨晚約7時單拖現身中環，撇甩老公張丹峰和一對仔女，原來約了好友張文慈到置地廣場的cafe飯敍，着短褲騷長腿的洪欣，身材依然好弗，完全不似是生了兩個小孩的師奶。不過，素顏的她見到記者表現好避忌，明顯不想沒化妝的樣子示人，即時擰轉面背向記者打電話。不久後，着吊帶裙襯草帽的張文慈姍姍來遲，兩人在餐廳門外大約等了5分鐘，獲侍應安排到僻靜角落開餐，大約十分鐘後食物陸續上枱，兩女邊食邊傾十分開心。上月初，洪欣在金鐘又被影到素顏開餐，似乎脫去明星光環的她，完全不喜歡化妝，崇尚自然。採訪、攝影：羅德光
來源:
http://hk.apple.nextmedia.com/entertainment/art/20160831/19754661
【馮仁昭四圍超】車馬費身價簽無綫張文慈底薪8千
1 :
GS(14)@2016-09-09 05:36:49■張文慈簽無綫兩年，底薪買個名牌手袋都唔得。微博圖片
張文慈跟隨亞視多年，亞視燈滅佢陣亞視味可以一次過洗晒，自由人嘅佢，終於簽約無綫。今個月底佢就45歲，一簽兩年，當年嘅亞姐如今簽無綫底薪竟然係一個超低價8,000元，騷價1,000元，真係隨時買個名牌袋都唔夠，陰功，不過可能佢喺內地都搵到，所以唔介意呢個好似車馬費嘅超低價。有報道指無綫而家缺人用，有知名度嘅小生花旦都去晒內地搵真銀，二、三線嘅去到內地一樣吃香。之但係張文慈鍾意做戲，香港又冇乜嘢平台可以揀，喺無綫已成為一姐嘅萬綺雯，本來想休息吓，正因為張文慈，好姊妹萬綺雯就落足嘴頭力sell，所以就算無綫終於點頭，但係人工就真係，哈哈哈！
■張文慈今個月底就45歲，着上三點式泳裝仍有睇頭。微博圖片
■沈震軒新劇嚟緊會喺樂視播出。資料圖片
沈震軒約滿離巢
另外，沈震軒下月底約滿無綫離巢，之前因為唔肯簽約被雪藏，但佢都唔愁出路，早前佢接拍首部內地電視劇《你好喬安》，嚟緊會喺樂視播，佢大賣關子話：「到11月，大家將會知道我嘅選訂。」撰文：馮仁昭
來源:
http://hk.apple.nextmedia.com/entertainment/art/20160909/19764836
張文慈High Tea賀教友生日
1 :
GS(14)@2016-10-22 22:28:56■張文慈與友人嘆完茶後，三個女人一齊步出餐廳。
張文慈（Pinky）演藝事業停滯不前，上月在好友萬綺雯引薦下，終於簽約無綫兩年，心情自然好，日前Pinky被影到相約亞視舊同事「黑仔」姜皓文老婆金慧英，到又一城high tea。大約4時許，身穿淺紫色露膊上衣的Pinky獨自步行到餐廳，其間她邊行邊講電話，聲浪頗大，但她見到途人即自動將音量收細，當她抵埗後，原來金慧英與另一女友人已先到，三人邊食邊傾，實行發揮三個女人一個墟的本色。眾人嘆完tea後就分道揚鑣，Pinky獨自去停車場攞車，事後她亦有貼圖到微博，原來當日她與金慧英為教會姊妹慶祝生日。採訪、攝影：徐錦池、吳耀輝
來源:
http://hk.apple.nextmedia.com/entertainment/art/20161022/19808319
張文慈曾遇慘痛經歷 覺得遺憾
1 :
GS(14)@2016-10-22 22:28:56性感女星張文慈選亞姐出身，入行以來一直有不同是非，於97年接受周刊訪問時，爆出一段慘痛經歷，講述曾經最信任、最尊重嘅男生迷姦。當時張文慈表示，與兩名同年齡的女孩結成好友，一起讀書一起玩耍：「十七歲嗰陣，一齊認識了邨內一個好正嘅男仔，佢好好人，好照顧我哋。」訪問中張文慈更提到：「冇諗過佢會咁樣對我，相識大半年，佢竟然落藥在啤酒內，把我和另外一個女孩同時迷暈，然後……做咗囉……後來才知道那應該是『弗得』。」事隔多年，張文慈再提起往事，語氣有些無奈：「我沒有不開心，沒有喊，只是覺得遺憾！被騙！不是因為失去身體，而是失去那份信任。」
來源:
http://hk.apple.nextmedia.com/entertainment/art/20161022/19809012
小艾曾為舊愛張文聰搬離永祥大廈住公屋
1 :
GS(14)@2017-01-23 07:45:15「祥嫂」洪金梅曾經形容四名子女儼如紅衛兵，同佢爭家產；反而四兄弟姊妹就好團結，唯一一次，係00年小艾（鄧翠玉）被揭戀上育有一子一女嘅「釣魚郎」張文聰，小艾不惜為愛情與兄長鄧兆尊反目，更搬出永祥大廈，與張文聰一齊住公屋。拍拖年幾，小艾懷有「釣魚郎」骨肉，兆尊嬲到公開斥罵男方係愛情騙子兼食軟飯，當年兆尊喺活動上被問此事，怒氣未消咁話﹕「張文聰大話太多啦，又話腰傷做唔到，咁又可以造到細路？始終係姑爺仔技倆，每個男人都識啦，唔窮唔用，有一日小艾錢財散盡咪醒。」最後小艾堅持為張文聰生咗個仔，唔經唔覺今年已經14歲大喇。講番小艾同兆尊，兄妹亦都冇隔夜仇，自從07年小艾同「釣魚郎」分手後，就跟當年7歲嘅囝囝一齊搬返娘家永祥大廈，與兄弟同住，仲打理一家人嘅生活o添。
來源:
http://hk.apple.nextmedia.com/entertainment/art/20170122/19905309
張文慈誤觸防盜嚇親
1 :
GS(14)@2017-08-06 11:38:53■張文慈經過防盜系統時發出「BB」聲響，幸只是虛驚。
現年45歲的張文慈自七年前離開亞視後，到內地搵食，為養家連無上裝場或夜總會都照做，自言「爛做」的她，終於在去年底簽約無綫。大前日約下午5時半，張文慈跟一名女友人到又一城購物，身穿前後有閃閃「PINK」字衫褲的她，到化妝品櫃位前揀了很久，更順勢蹲下揀眉筆，之後再買洗頭水。其後，友人先去收銀處排隊，張文慈付過錢後，由女友人代拿物品。不過當兩人經過防盜系統時，突發出「BB」聲響，附近的人都望一望。張文慈似乎被嚇倒，拍一拍心口，然後拿出袋中物品給售貨員檢查，以證清白，然後離去。採訪、攝影：畢紹基
來源:
http://hk.apple.nextmedia.com/entertainment/art/20170805/20111897
Next Page